Cevisa, munduko liderra alakagailu eramangarrien diseinuan eta fabrikazioan

Cevisa Gasteizko enpresa bat da, munduko liderra alakagailu eramangarrien diseinuan eta fabrikazioan. 60 herrialde baino gehiagotan gaude. Enpresak SPRI taldearen industriako zibersegurtasuneko programaren dirulaguntza jaso du. Programa horren helburua Euskadiko industria zibererasoetatik eta informazio sentiberaren lapurretatik babestea da, hornitzaile espezializatuen bitartez.

Castellanos y Echevarria-Vitoria, S.A. (Cevisa) 1969an sortu zen, mekanizazioaren esparruan azpikontratazio-lanak soilik eginez. “Michelinen eskutik sortu zen; zehazki, Michelinek 1966an inauguratu zuen Gasteizko lantegiaren eskutik; izan ere, bazkide sortzaileetako bik enpresa bat zuten Gipuzkoan, eta Michelinen hornitzaile zen Lasarte, Aranda eta Valladolideko zentroetarako”, esan du Jorge Caballé gerenteak.

Hasieratik, enpresaren lider izan denak, Angel Abalosek, enpresarena beraren zen produktu bat eduki nahi izan zuen, eta ez egon azpikontratazio-lanen mende soilik. “Hori dela eta, lehenik abiadura-murriztaileak merkaturatzen hasi ginen, lizentziarekin, eta, gero, Gaur egun, gure leitmotiv produktua den produktua diseinatzen eta fabrikatzen hasi ginen: alakatzeko makinak”.

Gaur egun, Cevisa munduko liderra da alakatzeko makina eramangarrien diseinuan eta fabrikazioan, zizailatze eta mekanizazio bidez. Bost kontinenteetako 60 herrialdetan baino gehiagotan dago. “Azken 10 urteetan, fabrikatutako produktuen jauzi teknologikoak hazkunde esponentziala izan du, fidagarritasun eta gaitasun paregabeko makinak fabrikatuz”.

Enpresak alakatze-soluzio eramangarriak eskaintzen ditu, “3 mm-tik 180 mm-ra bitarteko lodierakoak, 8º-tik 85º-ra bitarteko angelukoak, karbono-altzairuzkoak, herdoilgaitzak, super-duplexa, Hardox, Armox… eta 100 mm-ra arteko alakatze-luzerak”.

Askotariko sektoreekin lan egiten du: galdaragintza industriala, energia eolikoa eta termikoa, ontzigintza eta defentsa, egitura zibilak, biltegiratze eta gordailuak, garraio eta altxatze-osagarriak, petrokimika eta nuklearra, zerbitzu-zentroak (oxiebaketak, txapa hornitzaileak, eraikuntzako eta mantentze-lanetako makineria eta soldadura).

Cevisak diseinu-sail propioa du eta “bertatik atera dira gaur egun fabrikatzen ditugun modelo guztiak. Gainera, oso konprometituta gaude gure makinak pertsonalizatzearekin, bezero bakoitzaren behar espezifikoak ase ahal izateko. Modelo batzuetan, fabrikatutako makinen % 80 bezeroarentzat pertsonalizatuta ateratzen dira”.

Enpresa modelo berriak lantzen ari da merkatuari eskaintzeko, eta urtero fakturazioaren % 5 inguru bideratzen du I+G arlora.

SPRI Taldearen zibersegurtasun programatik jasotako laguntza mekanizazio bidez alakatzeko bere azken modeloa garatzeko izan da: CHP-100G. “Makina hau erronka ikaragarria zen guretzat; izan ere, jauzi ikaragarria ematen zuen, inoiz sartu ez ginen beste makina-dimentsio batean sartuz. Enpresarentzat orain arteko erronkarik handiena 2016an mekanizazio bidezko makinen diseinuaren hasiera izan zen, baina CHP-100G modeloak Cevisaren epe ertain eta luzerako etorkizuna irudikatzen du, eta horrelako makinetan gure munduko lider posizioari eustea dakar”.

SPRI Taldeak Euskadiko enpresei aukera ematen die bere kanaletan jardueraren berri emateko. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.