Eusko Jaurlaritzak banaketa sare elektrikoko inbertsioak 153 milioi eurora handitzea onartu du 2027rako

• Inbertsioak i-DE Iberdrolaren banatzailearen kontura izango dira, eta 110etik 143 milioi eurora igoko dira 2027an, Euskadiko banaketa-sare elektrikoa indartzeko eta digitalizatzeko, eta 153 milioitik gora izango dira bezeroek finantzatutako neurri eta instalazioetako inbertsioak batu ondoren.

• Horrek esan nahi du Euskadin azken 2 urteetan banaketa-sare elektrikoan planifikatutako urteko inbertsioak praktikan, bikoiztu egingo direla.

• Eusko Jaurlaritzaren ustez, 2027rako aurreikusitako inbertsioaren joera-aldaketa hori, esparru arautzaile pizgarridunarekin batera joan behar duena, egokiagoa da Euskadin datozen urteetarako aurreikusitako eskari elektriko industrialaren beharrei erantzuteko.

• Inbertsio hori bat dator Ministerioak egindako 2030era begira duen energia elektrikoaren garraio-sarea garatzeko hasierako proposamenean jasotako jarduketekin. Proposamen hori izapidetzen ari da.

• Uztailaren 28an Estatuan energia elektrikoaren garraio- eta banaketa-sareen inbertsio-planak arautzen dituen Errege Dekretua onartu izanak ahalbidetu du inbertsioaren igoera hori.

• Errege Dekretuak erantzuna ematen dio Eusko Jaurlaritzak Ministerioari egindako proposamenari, Euskadin garraio- eta banaketa-sare elektrikoetan inbertsioak handitzeko. Zehazki, Eusko Jaurlaritzak Ministerioari jakinarazi zion 2027rako aurreikusitako inbertsioak “beharrezkoak zirela, baina ez nahikoak”. Inbertsioaren igoera hau egokiagoa da Euskadiko eskari elektriko industrialerako.

• Eusko Jaurlaritzaren begirada, oraindik ere, hurrengo bosturtekoan garraio-sarearen ahalmena handitzeko inbertsio berriak berrestean darrai. Horretarako, 2030erako garraio-sarearen plangintza lehenbailehen onartu behar da. Eusko Jaurlaritzak espero du Ministerioak laster aurkeztuko duela garraio-sarearen plangintzaren behin betiko bertsioa.

• Era berean, Eusko Jaurlaritzak funtsezkotzat jotzen du giltzarri izan daitezkeen alderdi araugileak garatzea, industria- eta bizitegi-eskariaren hazkundeari lotutako inbertsioak areagotu ahal izateko. Elektrifikazioko inbertsioak handitu behar dira, gure autonomia energetikoa hobetzeko, esparru arautzaile pizgarri bat eta energia-kostuen lehiakortasuna konbinatuz.

Eusko Jaurlaritzak banaketa-sare elektrikoko inbertsioak 153 milioi eurora igotzea onartu du 2027rako. Hazkundea Eusko Jaurlaritzak sustatutako inbertsio gehigarrien onarpenari esker lortu da. Euskal Autonomia Erkidegoko banaketa-sare elektrikoan egindako inbertsioak, i-DE Iberdrolaren banatzailearen kontura izango direnak, 110etik 143 milioi eurora igo dira 2027an, Euskadiko banaketa-sare elektrikoa indartzeko eta digitalizatzeko, eta 153 milioitik gorakoak izango dira, bezeroek finantzatutako neurri eta instalazioetako inbertsioak batu ondoren.

Euskadiko banaketa-sarean 2027rako inbertsioak 153 milioi eurora arte handitzeak esan nahi du, Euskadin banaketa-sare elektrikoan planifikatutako urteko inbertsioak praktilkan, bikoiztu egin direla azken 2 urteetan.

Eusko Jaurlaritzaren ustez, 2027rako aurreikusitako inbertsioaren joera-aldaketa hori egokiagoa da Euskadin datozen urteetarako aurreikusitako eskari elektriko industrialaren beharrei erantzuteko. Inbertsio-ahalegin horri esker, sarearen gaitasuna, modernizazioa eta digitalizazioa indartuko dira. Hori beharrezkoa da Euskadiko elektrifikazioaren eta deskarbonizazioaren eskaerari aurre egiteko.

Gainera, Eusko Jaurlaritzak babesten du beharrezko erregulazio-urratsak egiten jarraitzea, sare elektrikoa, banaketakoa zein garraiokoa, prest egon dadin Euskadik aurrean dituen eskari-erronkei aurre egiteko.

Banaketa-sareko inbertsioaren igoera hori bat dator energia elektrikoaren garraio-sarea 2030erako garatzeko Ministerioak egindako hasierako proposamenean jasotako jarduketekin, izapidetzen ari direnekin. Ildo horretan, joan den uztailaren 28an Estatuan energia elektrikoaren garraio- eta banaketa-sareen inbertsio-planak arautzen dituen Errege Dekretua onartu izanak ahalbidetu du inbertsioa handitzea.

Errege Dekretuak erantzuna ematen dio Eusko Jaurlaritzak Trantsizio Ekologiko eta Erronka Demografikoko Ministerioari egindako proposamenari, Euskadiko garraio- eta banaketa-sare elektrikoetan inbertsioak areagotzeko. Zehazki, Eusko Jaurlaritzak Ministerioari jakinarazi zion 2027rako aurreikusitako inbertsioak “beharrezkoak zirela, baina ez nahikoak”. Eusko Jaurlaritzaren ustez, inbertsioaren igoera hori egokiagoa da Euskadiko eskari elektriko industrialerako.

Eusko Jaurlaritzak ziurtatu nahi du euskal sare elektrikoa Euskadiko deskarbonizazio eta lehiakortasun industrialak eskatzen duen erritmoan garatu ahal izango dela. Eusko Jaurlaritzaren begirada da, oraindik ere, hurrengo bosturtekoan garraio-sarearen ahalmena handitzeko inbertsio berriak berrestean darrai. Horretarako, 2030erako garraio-sarearen plangintza lehenbailehen onartu behar da. Sare elektrikoaren bi mailen arteko koordinazio egokia – garraioa eta banaketa – funtsezkoa da egindako inbertsioek euskal gizarte osorako hornidura elektriko nahikoa, segurua eta kalitatezkoa ekarriko dutela ziurtatzeko.

Ildo horretan, Eusko Jaurlaritzak espero du Trantsizio Ekologiko eta Erronka Demografikoko Ministerioak laster aurkeztuko duela, garraio-sarearen 2030erako plangintzaren behin betiko bertsioa.

Era berean, Eusko Jaurlaritzak funtsezkotzat jotzen du industria- eta bizitegi-eskariaren hazkundeari lotutako inbertsioak handitzea ahalbidetuko duten funtsezko erregulazio-alderdiak garatzea. Elektrifikazioko inbertsioak handitu behar dira, gure autonomia energetikoa hobetzeko, esparru arautzaile pizgarri bat eta energia-kostuen lehiakortasuna konbinatuz.