Seigarbost, hondakinen edukiontzietan sarraila adimendunak eskaintzen dituen Gipuzkoako ETEa
Seigarbost, S.L. enpresa txiki eta ertainak hondakinen edukiontzietarako sarraila adimendunak egiten ditu Astigarragako instalazioetan, udalei hondakinak jatorrian bereizteko pizgarriak ematen laguntzeko eta 2022ko Estatuko Legearen birziklatze-helburuak lortzeko. SPRI Taldearen laguntza jaso du, Zabaldu programaren bidez, nazioartekotzea sustatzeko.
Familiako enpresa da, Donostian sortu zen 2015ean, eta lau urte geroago Astigarragara eraman zuen egoitza. “Nire seme-alabetako baten ideia da, ikasketak amaitu eta produktuak banatzeko enpresa txiki bat erosi zuen, hala nola kuboak eta edukiontziak udaletarako. Baina berehala antzeman genuen beharrezkoa zela hondakinak materia organikoaren edukiontzietan uzten zituzten erabiltzaileak identifikatzea, eta errekerimendu hori beste hondakin-frakzio batzuetara ere zabaldu da”, adierazi du Luis Zufiria kudeatzaileak.
Seigarbostek mota guztietako hondakinen edukiontzietarako sarraila adimendunak egin eta kudeatzen ditu. “Bezeroen neurrira garatzen ditugu softwarea eta hardwarea”. Bezeroen eskaerek enpresaren jardueraren norabidea markatu dute, eta softwarea, kudeaketa-plataforma eta hardwarea diseinatzeko balio izan dute, guztiak ere hasi eta buka osorik Seigarbosten garatuak.
Azken berrikuntzak edukiontzien estalki metalikoen eta materia organikorako poltsak banatzeko makinen sorta bat merkaturatzea dira.
“Edukiontzien estalkiak 1.100 litrora arteko gurpildun edukiontziak gordetzeko eta babesteko erabiltzen dira. Donostiako Alde Zaharrean erabiltzen dira, adibidez, albotik kargatzeko edukiontzietarako lekurik ez baitago han”.
Aukeran, sarraila elektronikoa ere izan dezake, edukiontzietan instalatutakoek bezala, Ireki aplikazioarekin edo txartel batekin erabil daitekeena.
Azken bezeroak tokiko administrazioak dira, baina askotan mankomunitateen edo garbiketa-kontraten enpresen bidez iristen dira haietara, haien betebeharren artean baitago sarraila elektronikoak dituzten edukiontziak instalatzea.
Merkatu nagusia Euskadin dago, baina Seigarbostek Katalunian, Gaztela Mantxan, Madrilen, Galizian, Balearretan, Murtzian, Kantabrian eta Asturiasen ere baditu ezarpenak. Sistema 30 euskal udalerritan baino gehiagotan eta beste 40 autonomia-erkidegotan dago ezarrita.
Hondakinei eta lurzoru kutsatuei buruzko Estatuko 2022ko legeak nahitaez bete beharreko helburu batzuk ezartzen ditu hondakinak bereizteko, “eta horiek betetzen dituen probintzia bakarra Gipuzkoa da, bertan edukiontzietan sarraila elektronikoen instalazioa zabaldu baita eta herritarrentzako pizgarri ekonomikoen sistemak ezarri baitira”. Seigarbostek, bere produktu eta zerbitzuekin, hondakina uzten duen erabiltzailea identifikatzen laguntzen du, bezeroei lege horretan ezarritako birziklatze-helburuak lortzen laguntzeko.
“Gasteizen, 1.300 sarraila baino gehiago ditugu instalatuta, eta 100.000 erabiltzaile baino gehiago. Udalak erabiltzaileei hobariak kalkulatzeko eta birziklapena sustatzeko kanpainak egiteko eta legeak ezartzen dituen helburuak lortzeko behar dituen datuak eta txostenak sortzen ditu gure plataformak”. Sistema horren bidez, zaborraren tasa behar bezala birziklatzen duten herritarrei egokitzeko behar diren datuak lortzen dira, eta hondakinak bereizteko tasa handitzen da. Hori dela eta, udalerriari murriztu egiten zaizkio zaborra kudeatzeko eta tratatzeko gastuak.
Enpresan guztira, 12 langile dira, eta 2026rako aurreikusitako fakturazioa 2,5 milioi eurokoa da.
I+G gakoa da. “Plataforma garapen propioarekin daukagu. Sofware as a Service soluzioa da: datu guztiak hodeian daude, eta baimendutako edozein erabiltzaile sartzen da datuetara. Aitzindariak izan gara eredu honetan”.
SPRI Taldearen Zabaldu programaren laguntzari esker, Frantziara eta Karibeko Frantziako probintzietara esportatzea erraztu dio, hala nola Martinikara.
Etorkizuneko erronkak belaunaldien arteko erreleboa eta negozioaren hedapena dira, bai Espainian, bai atzerrian”. Ikuspegi teknologikotik, I+G arloan inbertitzen ari gara, hondakinen bilketa eraginkortasunez kontrolatu ahal izateko eta kutsatzen duenak ordaintzen duela dioen araua aplikatuz tasa justuak kalkulatzeko datuak lortzeko, betiere erabiltzaileentzat eta hondakinak biltzen dituzten enpresentzat erosotasun handiena bilatuz”.
SPRI Taldeak Euskadiko enpresei aukera ematen die bere kanaletan jardueraren berri emateko. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
