Proinac, automatizazioaren aldeko apustua egiten duen ingeniaritza akustikoa
Proyectos Ingeniería Acústica (Proinac) Erandioko enpresa da eta ingeniaritza akustikoan eta bibrazioetan dago espezializatuta. Enpresak zerbitzuak automatizatzearen aldeko apustua egin du. Enpresak SPRI taldearen industriako zibersegurtasuneko programaren dirulaguntza jaso du. Programa horren helburua Euskadiko industria zibererasoetatik eta informazio sentiberaren lapurretatik babestea da, hornitzaile espezializatuen bitartez.
Enpresa 2016an sortu zen akustikan espezializatutako industriako ingeniarien talde baten ekimenez. Sektoreko enpresetan eta autonomo arituak ziren haiek aurretik. “Bezeroarentzako aholkularitza eta proiektu bakoitzarentzako aholkularitza orokorra erdigunean jarriko zituen ingeniaritza akustiko gisa proiektatu zen”, aipatu du Sergio Carnicerok, sortzaileetako batek.
Sortu zenetik, akustikaren eta bibrazioen arloko aholkularitza-zerbitzua eskaintzeko apustua egin du, “gero eta aholkularitza integralagoa lan egiten duen sektore guztientzat, arlo horietako araudiei erantzun ahal izateko”. Hamar urteotan, inguruko eraikuntza-proiekturik esanguratsuenetako batzuetan hartu dute parte, hitzarmenak egin dituzte erakundeekin haien batera jarduteko akustikan eta bibrazioetan espezializatutako aholkulari gisa eta harreman sendoak sortu dituzte ingurumeneko aholkularitzekin.
Poinacek tokiko administrazioekin, azpiegituretako aholkularitzekin, industria-sektorearekin eta garapen berrien sustatzaileekin egiten du lan batik bat. “Gure lana inpaktu akustikoaren azterketak eta zaraten eta bibrazioen entseguak egitea, eta administrazioei zarataren mapak eta ekintza-planak egiten laguntzea da batik bat, beste proiektu batzuen artean”.
Bi pertsonako lantaldea dute egun eta kolaboratzaileen sare zabala dute Estatu osoan. Urteko fakturazioa 200.000 euro ingurukoa da.
2024an, SPRI Taldearen industriako zibersegurtasuneko programaren dirulaguntza jaso zuen enpresak eta “firewal bat (hardwarea) eta enpresak ordura arte zituen enpointak babesteko sistemak (softwarea) instalatzeko” erabili zuten batik bat. Bi sistemak ezarrita dituzte dagoeneko, “gure ekipoak babestuago izateko, orain arte lanean erabili izan dugun ingurunea modernizatzeko eta eraso zibernetikoak ekiditeko.
“Gure enpresak egiten dituen prozesuetan esku hartzen duten” prozesuak automatizatzea da datozen urteetarako erronka, “hala nola entseguak edo modelizazioak”.
SPRI Taldeak Euskadiko enpresei aukera ematen die bere kanaletan jardueraren berri emateko. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
