Elkarrizketak 2025eko azaroaren 5a

Zunibalek, emakumeak langileen % 30 izanik, profil teknologikoak dituzten emakumeak bilatzen ditu

SPRI Taldeak egin berri duen «Berdintasunak industria-lehiakortasunean duen eragina» ikerketan hartu du parte enpresak.
-

Bizkaiko Zunibal enpresa mundu-mailako erreferentzia da arrantza jasangarrirako eta itsas monitorizaziorako irtenbide teknologikoetan, eta SPRI Taldeak egindako «Berdintasunak industria-lehiakortasunean duen eragina» ikerketan parte hartu du. Ikerlan horretan agerian geratu da enpresa parekideenek, justizia sozialean aurrera egiteaz gain, emaitza hobeak lortzen dituztela lehiakortasunari dagokionez, hori fakturazioan, enpleguan, jarrera berritzailean eta nazioarteko jardueran haztea dela ulertuta.

Nahiz eta langileen % 30 emakumeak izan, enpresak identifikatu du emakumeen profil teknologikoak lortzeko zailtasuna dela haien erronka nagusietako bat. Egoera horri aurre egiteko, hainbat ekimenetan dihardu; esate baterako, Cebekek sustatzen dituen jardueretan. Hala, enpresa ikastetxe, institutu eta Lanbide Heziketako zentroetara hurbildu daiteke, eta STEAM bokazioak txikitatik sustatu.

Konpainia jakitun da genero-desorekak daudela oraindik sailetako batzuetan; esate baterako, IKT eta I+G+b sailetan. Horregatik, apustu argia egin du taldeetan oreka handiagoa erdiesteko, baldin eta berdintasun-baldintzak dauden jasotako profilen artean. Filosofia bera aplikatzen da barne-igoeren prozesuetan: garapen profesionaleko aukerak pertsona guztientzat berdin-berdin zabalik egotea bermatu nahi da.

Azken urteotan, Zunibalek bilakaera positiboa ikusi du, enpresan emakumeek duten presentziari erreparatuta. Aurrerapauso hori ez da ekintza isolatuen emaitza, baizik eta kultura korporatiboaren benetako eraldaketa bat, aldatu egin baita erdigunean pertsonak jartzeko. Zunibalek eskaintzen duen ingurunean, autonomia, konfiantza eta elkarlana eguneroko lanaren ardatza dira. Enpresaren kulturaren apustua hazkunde profesionala, trebakuntza jarraitua eta benetako kontziliazioa dira, erantzukidetasunean eta entzute aktiboan oinarrituta. Ikuspegi hori humanoagoa eta gardenagoa da, eta profil berriak erakartzeko lagungarria izan da, baita emakumeen profilak ere. Hain zuzen, profil berri horiek xede jakin bat duten proiektuak eta berrikuntza ulertzeko modua partekatzen duten taldeak bilatzen dituzte.

Lanaldi trinkoa

Kultura horri neurriak ere batu behar zaizkio, berdintasunaren aldeko konpromisoa islatzen dutenak ekintza zehatzen bidez. Urte osoan zehar lanaldi trinkoa ezarri zuten Bizkaiko enpresetako bat izan zen Zunibal, duela hamar urte dagoeneko. Erabaki aitzindaria izan zen, eta bereizgarria izaten jarraitzen du gaur egun. Gainera, trebakuntza jarraiturako ekimenak egiten ditu, arlo guztiak elkarlan estuan aritzen diren zeharkako ingurune batean. Halaber, pertsonen ongizatea lehenesten duten onurak daude; adibidez, mediku-aseguru pribatua. Oro har, enpleguaz harago doan balio-proposamen bat da: egonkortasuna, ikaskuntza jarraitua eta xede batekin lan egiteko harrotasuna batzen ditu.

Zunibalgo giza baliabideen zuzendari Zuriñe Larrauriren hitzetan: “Teknologia garatzen dugu ozeanoak zaintzeko, baina, egiatan, pertsonek egiten dute posible Zunibal. Haien talentuak, enpatiak eta taldean lan egiteko moduak bihurtzen dute berrikuntza benetako inpaktu”.

Enpresak berdintasunerako plana du 2019az geroztik, eta bigarren edizioa 2025ean erregistratu dute. Enpresaren iritziz, barruko egoeraren azterketa sakona egiteko aukera bat da, hobetu beharrekoa identifikatu eta berdintasunarekin duen konpromisoa indartzeko.

Etorkizuneko erronkei dagokienez, Zunibalek planteatzen du enpresa erakargarri gisa posizionatzeko premia duela STEAM talentua lortzeko, emakumeak bereziki. Horretarako, elkarlana giltzarri iruditzen zaie, batik bat erakundeekin eta lurraldeko hainbat eragilek sustaturiko programekin. Era horretan, sektore industrial eta teknologikoaren ahalmena ikusgai egin daiteke, emakumeen garapen profesionalerako espazioa den aldetik.

Zuriñe Larraurik dioenez, “gure anbizioa ez da emakume gehiago kontratatzea soilik, baizik eta belaunaldi berri bat inspiratzea, itsas teknologia pertsonen artean eta planetan benetako inpaktua duen karrera bat dela ikusteko”.

Zunibalek ikerketa horretan parte hartzea B·WOMENIN Industry ekimenaren barruan kokatzen da, SPRI Taldeak bultzatuta, zeinak emakumeak euskal industrian duen rola ikusarazi eta bultzatu nahi baitu. Ekimena Women in Manufacturing talde adituaren parte da. Horren burua SPRI da 2020z geroztik, World Manufacturing Foundationen esparruan. Helburua jardunbide egokiak identifikatu eta partekatzea da, frogatu nahi baita berdintasuna ez dela balio soziala soilik, baizik eta, orobat, enpresa industrialetarako lehiaketa-abantaila bat ere bai.

Lotutako albisteak

Deiviator,  enpresa-mugikortasunean  laguntzaile  digitala
2026/11/12 Ekintzailetza

Deiviator, enpresa-mugikortasunean laguntzaile digitala

Bizkaiko startupak operazioak sinplifikatzeko eta datuen erabilera adimendunaren bidez eraginkortasuna hobetzeko tresnak garatzen ditu.

WiseCLIN,  saio  klinikoen  arriskuen  kudeaketa  eta  kalitatea  hobetzeko  Qlarix-ek  garatutako  softwarea
2026/11/12 Ekintzailetza

WiseCLIN, saio klinikoen arriskuen kudeaketa eta kalitatea hobetzeko Qlarix-ek garatutako softwarea

Gasteizen 2023an sortutako Arabako konpainiak ikerketa klinikoen jarraipena zentralizatzeko, arrisku posibleak aurreikusteko eta erabakien trazabilitatea hobetzeko plataforma sortu du.

Eusklift  enpresak  autonomia  pertsonala  bermatzen  du  irisgarritasun  soluzioen  bidez
2026/11/11 Nazioartekotzea

Eusklift enpresak autonomia pertsonala bermatzen du irisgarritasun soluzioen bidez

Arabako konpainiak plataforma jasotzaileak eta ate-irekigailu elektronikoak uztartzen ditu, eraikin mota bakoitzerako sarbidea errazteko.

Clodeik  kostuak  murriztu  eta  datuak  babesten  ditu  adimen  artifiziala  erabiltzean

Clodeik kostuak murriztu eta datuak babesten ditu adimen artifiziala erabiltzean

Donostiako start up honek Euskadiko eta Europako enpresek beren AA garatu ahal izatea du helburu, goi-mailako kalkulu-ahalmena baliatuz eta erraldoi teknologikoen mende egon gabe

Ángel  Santurtún  (EHIF):  “Itsas  sektoreak  une  zirraragarria  bizi  du  teknologiaren  ikuspegitik”

Ángel Santurtún (EHIF): “Itsas sektoreak une zirraragarria bizi du teknologiaren ikuspegitik”

Euskal Herriko Itsas Foroaren zuzendari teknikoak itsas ekosistema eraldatzen ari diren digitalizazioaren, automatizazioaren eta konektibitatearen aurrerapenak aztertu zituen Sail Inn Pro jardunaldian.

CROSSBRAIN  proiektuak  haririk  gabeko  mikrorrobotak  garatzen  ditu  neurona-jarduera  estimulatzeko
2026/11/09 I+G+B

CROSSBRAIN proiektuak haririk gabeko mikrorrobotak garatzen ditu neurona-jarduera estimulatzeko

Europako proiektuan CIC biomaGUNE euskal ikerketa-zentroak parte hartzen du. Neurona-gailu ezargarrien belaunaldi berri bat ikertzen ari da, parkinsona eta epilepsia bezalako gaixotasunak aztertzeko eta tratatzeko bide berriak ireki ditzakeena.

Biwott,  LinkedIni  buruzko  prestakuntza  eta  aholkularitza  soilik  eskaintzen  dituen  ETEa
2026/11/09 Berrikuntza

Biwott, LinkedIni buruzko prestakuntza eta aholkularitza soilik eskaintzen dituen ETEa

Basauriko enpresak zerbitzuak eskaintzen ditu enpresek ikusgarritasuna eta salmentak handitu ditzaten beren helburu-merkatuetan

Seys-ek  Euskadiren  aldeko  apustua  indartu  du,  industriaren  bazkide  teknologiko  gisa

Seys-ek Euskadiren aldeko apustua indartu du, industriaren bazkide teknologiko gisa

Bilbon tokiko lantaldea duela hogei urte baino gehiagotik duen enpresa katalanak enpresei eta administrazio publikoei laguntzen die digitalizazio-prozesuetan, BIM, GIS, industria-simulazioa eta diseinuari, eraikuntzari eta simulazioari aplikatutako adimen artifiziala bezalako teknologien bidez.

Sarrailagintzatik  sarbide  adimendunetara:  KLABIA  talde  industriala  sortu  da
2026/11/05 Berrikuntza

Sarrailagintzatik sarbide adimendunetara: KLABIA talde industriala sortu da

Talde berria CVL eta DORLET enpresa historikoen bat-egitetik sortu da. Aretxabaletan eta Miñanon ditu egoitzak, eta 170 profesionaleko lantaldea du.

DS4Tk  nazioarteko  merkataritzan  erabaki  hobeak  bultzatzen  ditu    adimen  operatiboaren  bidez
2026/11/05 Nazioartekotzea

DS4Tk nazioarteko merkataritzan erabaki hobeak bultzatzen ditu adimen operatiboaren bidez

Bizkaiko enpresak TTools garatu du, adimen operatiboko plataforma bat, enpresei eta profesionalei egoera konplexuak aztertzen, arriskuak murrizten eta nazioarteko merkataritzan hobeto oinarritutako erabakiak hartzen laguntzeko.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.