Photokrete, eraikuntzan energia aurreztu ahal izateko materialak garatzen dituen startupa
Photokrete urtebeteko startupa da eta material berriak egiten ditu zementuarekin, eraikuntzan energia aurreztu ahal izateko. Ekintzailetza berritzailea saritzen duten Top 101 Spain Up Nation Errekonozimenduen II. edizioako finalisten artean egon diren Euskadiko sei startupetako bat da.
2024an sortu zen enpresa EOE (Ezagutzan Oinarritutako Enpresa) gisa eta Zientzia Ikerketen Kontseilu Nagusia (CSIC), Nafarroako Unibertsitate Publikoaren (UPNA) eta Euskal Herriko Unibertsitatearen (EHU) spin-off gisa. Hainbat urtetan zementu-material fotonikoen eta eraikuntza-sektorean dituen aplikazioen arloan egindako ikerketen emaitza da ekimena. Photokretek eraikuntza-sektorea eraldatu eta hirietako bero-irla efektua arindu nahi du.
Photokrete Europako H2020 MIRACLE proiektutik sortu zen. 3 milioi euroko finantzaketa du proiektu horrek. 2025eko Rebuilden Contech Startup Forumeko lehenengo saria jaso du. Contech erreferentea da sektorean. Egun, BAT Accelerator Towerren du egoitza, Euskal Herriko Unibertsitatearen (EHU) Spin offs Zitek programaren barruan. Gainera, Bizkaiko Foru Aldundiaren 1. arloa eta SPRI Taldearen Ekintzaile dirulaguntzen deialdietan gehieneko zenbatekoa jaso du.
Photokrete BUILD:INN,Euskadiko Eraikuntza Klusterreko kidea da eta Top 100 Startups 2025 rankingaren barruan dago.
Enpresak zementuaren eta eraikuntzaren sektorearentzat egiten du lan eta eraikuntza-produktu industrializatuak garatzen ditu hainbat arlotan aplikatzeko, hala nola obra zibiletan, industriako eraikuntzan, etxebizitza berrietan eta birgaitze-lanetan. “Egunez eta modu autonomoan hozteko gaitasuna dutenez, gure morteroak gai dira hiriko tenperatura 10-12 gradu murrizteko modu autonomoan. Horrek inpaktu izugarria du hozteko-prozesuetan energia aurrezteko. Gaur egun, Photokreten morteroak dira hirietako bero-irla efektua arintzeko soluzio integral eta eskalagarri bakarra”.
Photokrete teknologiaren abantaila nagusiak
Photokretek soilik du teknologia horren patentea eta lizentzia. “Hiru patente ditugu eta une honetan Photokreteren jarduera nagusia neurrira egindako I+G da, produktu berriak garatzeko”.
Photokreteren lau puntu lehiakorrak hauek dira: eraikinak hozteko garaian energia-kontsumoa % 70 baino gehiago murrizten du, CO2aren eta berotegi-efektuko gasen isurpenak murrizten ditu, Hirietako Bero Irlen efektuari aurre egiten dio eta merkatu lehiakorreko prezioan eta kostuan industrializatzeko prest dago.
9 langile ditu “eta langile oso kualifikatuak gehitzea aurreikusten dugu, merkataritzako gaitasunak eta I+G+b arlokoak indartzeko eta gure negozio-eredua nazioartekotzeko”.
SPRI Taldearen Ekintzaile programaren laguntza jaso du enpresak eta industrializatutako produktuen pilotuak egin dituzte horri esker, eraikuntzaren-merkatuan sartzeko prozesua azkartzeko. “Startup teknologikoentzako SPRIren Ekintzaile laguntza-programen modukoak ezinbestekoak dira gurearen gisako deeptechentzat. Ikusioz aplikatuko dugu Ekintzaile+ 2026an”.
Photokreteren etorkizuneko erronkak hauek dira: lehen morteroaren lehenengo eskalatze-estrategia finkatzea, merkatuan sartzeko prozesua azkartzea, nazioartekotzeko eta hazteko estrategiari heltzea eta haien teknologia integratuko duten produktu berriak garatzea.
SPRI Taldeak Euskadiko enpresei bere kanaletan jardueraren berri emateko aukera ematen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
