Seavi, Gateizko enpresen hotel nagusia duela 30 urtetik
Seavi Workspace Gasteizko enpresen hotela da, eta duela 30 urtetik konpainia batek behar dituen zerbitzu guztiak eskaintzen ditu: telefono bidezko arreta pertsonalizatua eta bulego korporatibo pribatuen erabilera, enpresen helbideratzea, bezeroarentzako arreta eta zibersegurtasuna, besteak beste. 300 enpresari baino gehiagori ematen die zerbitzua, 1.000 metro koadro baino gehiagoko azalera duten instalazioetan. Enpresak Eusko Jaurlaritzaren zibersegurtasun industrialaren programaren laguntza jaso du. Programa horrek zibersegurtasuna sustatzen du Euskadiko enpresetan, gai horri buruzko egitura ekonomikoa sortuz, SPRIk antolatuta.
1996an sortu zen Gasteizen, enpresei lan egiteko bulegoak eta zerbitzuak eskaintzeko helburua zuen workspace gisa. Urte hartan bertan, Eusko Jaurlaritzaren XI. Enpresa Sortzeko Ideia Berrien Gazte Lehiaketako saria jaso zuen. 2007an, negozioaren arrakasta zela eta, gaur egungo kokalekura joan ziren, espazio handiago batera.
Seavi enpresentzako hotela da, guztiz egokitutako eta jasangarriak diren instalazioak dituena. Gainera, Gasteizko ingurune irisgarri eta estrategikoan dago. Espazioak askotarikoak dira: bulego eta/edo ordezkaritza korporatibo pribatuak, beste enpresa batzuekin partekatutako coworkingeko postuak dituzten espazioak… “Bezeroari eskatzen duen guztia eskain diezaiokegu: jendaurreko arreta, konektibitate handia, zibersegurtasuna… Era guztietako profesionalek eroso lan egiteko, bilerak egiteko edo networkinerako espazioak ditugu. Besteak beste, zerbitzu hauek eskaintzen ditugu: telefono bidezko arreta pertsonalizatua, enpresarentzako zenbaki esklusiboarekin; bezeroen eta bisiten harrera; hornitzaileen arreta; paketeen eta korrespondentziaren biltegiratzea eta abar. Hori guztia, gainera, kudeaketa-lan guztietan denbora errealean eskainitako komunikazioarekin osatzen dugu”, azaldu du Antonio Manuel García Estévezek, Seavi Workspaceko CEOak.
Konpainiak bezero iraunkorrak ditu (“hemen helbideratuta dauden multinazional handiak ere baditugu”), eta baita zerbitzuak malgutasun osoz erabiltzen dituzten noizbehinkako profesionalak ere. “385 enpresa inguru ditugu, iraunkorrak, birtualak edo erabilera puntualekoak kontuan hartuta; gainera, ehun pertsona inguruk egiten dute hemen lan modu iraunkorrean”. Beste bezero batzuen artean, Eusko Jaurlaritzako Etxebizitza Sailaren sozietate publiko guztiei eman diete zerbitzua.
Seavi Espainiako batezbestekoaren erdiko mailan kokatuta dago; izan ere, Madrilen eta Bartzelonan, workspaceek 2.000 eta 3.000 metro koadro arteko azalerak kudeatzen dituzte.
Okupazioa
Gaur egungo okupazioa % 90 ingurukoa da, “baina beti dugu gurekin lankidetzan aritzeko interesa duten enpresen stock gehigarria. Gehien eskatzen direnak bulego korporatibo pribatuak eta egoitza sozial edo fiskalak dira”. Eskaintzen dituzten zerbitzuak telefonogune ahaltsuan eta hodeian gordetako CRM sisteman oinarritzen dira. “Uneotan, 24 orduz arreta emateko chatbota garatzen ari gara”. Soluzioak era askotako sektoreei eskaintzen dizkie: industriak, oro har, ingeniaritza-enpresak, aholkularitzak, kudeaketa-enpresak, mota guztietako profesionalak eta autonomoak. “Arlo guztiak estaltzen ditugu, eta bezeroek kalitatea, profesionaltasuna eta gertutasuna antzematen dituzte. Hona hemen hori erakusten duen datu bat: bezeroen % 30ek errepikatu egiten dute: beste proiektu batzuekin itzultzen dira edo ordainketa malguko sistema hau beste enpresa batzuei gomendatzen diete”.
Jasangarritasunaren, berdintasunaren eta enpresa-etikaren aldeko politikak ere azpimarratu beharrekoak dira. Hain zuzen ere, horri esker, Código Ético, Bai Euskarari, Queer Destinations edo Pacto Verde bezalako erakunde ospetsuen ziurtagiriak lortu dituzte.
Lantaldea bost lagunek osatzen dute, eta adimen artifiziala enpresan geratzeko iritsi den laguntzaile bihurtu da. “Gure zerbitzuak etengabeko bilakaera izan dezan laguntza eskain behar digu, eta horretan ari gara lanean: prozesuen kudeaketa automatizatzeko eta telefono bidezko arreta hobetzeko”.
SPRI Taldearen zibersegurtasuneko programaren bidez jasotako laguntza “Wi-Fi konexio seguruak eta hodeiko datu-biltegiratzea bezalako garapenetara bideratu da. Duela urtebete baino gehiagotik dago ezarrita. SPRIren aldetik laguntza eta aholkularitza oso ona izan dugu”.
Epe laburra begirako erronken artean dago “bezeroen behar partikularrak ondo interpretatzen jarraitzea, haiei laguntzeko eta irtenbide eta esperientzia pertsonalizatuak eskaintzeko. Epe ertainera, sektore baitan zerbitzuetan eta, ahal bada, instalazioetan hazten jarraitzea. Eta epe luzera begira, berriz, proiektua erabat sendotzea.
SPRI Taldeak Euskadiko enpresei aukera ematen die bere kanaletan jardueraren berri emateko. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
