Euskal enpresaren blog-a Zure enpresarentzat garrantzitsua den eguneroko informazioa
Elkarrizketak 11 maiatza, 2022 Berrikuntza

Daco: “Teknologia aurreratuak txertatzen ditugu gure garapenetan, hala nola robotika edo ikusmen artifiziala”

Gasteizko enpresak bi hamarkada baino gehiagoko ibilbidea du, eta industria-ingeniaritzako zerbitzuak eskaintzen ditu, AENOR-en kalitate-ziurtagiri espezifikoarekin. Ekoizpen-prozesuen automatizazio aurreratua lantzen du, automobilgintza, aeronautika, trenbide, energia edo industria osagarrien sektoreetarako, besteak beste.
Julio Plágaro Arana, Daco Ingenieríako zuzendari nagusia.

20 urte baino gehiagoko ibilbidearekin, Daco Ingeniería enpresak industria-ingeniaritzako zerbitzuak eskaintzen ditu AENOR-en kalitate-ziurtagiri espezifikoarekin, ekoizpen-prozesuen automatizazio industrial aurreraturako instalazioak diseinatuz, fabrikatuz eta muntatuz.

Gasteizko enpresak eskaintzen dituen zerbitzuen artean honako hauek daude: automatizazio industriala, bideragarritasun planekin eta proiektuekin; makina-proiektuak, lanabesak eta giltza eskuko proiektuak fabrikatzeko lineak; edo garapena, fabrikazioa, automatizazioaren muntaketa, makina muntatzea eta laguntza teknikoko zerbitzua ematea, 4.0 industriarako soluzioak eskainiz. “Gure garapenetan teknologia aurreratuak txertatzen ditugu, hala nola robotika tradizionala eta elkarlanekoa, ikusmen artifiziala, AGV-AMR garraio automatikoa, multi PLC eta HMI, datuak atzemateko, aztertzeko eta aurkezteko tresnekin kudeatua”, zehaztu du Julio Plágaro Arana Daco Ingenieríako zuzendari nagusiak.

Arabako enpresak zerbitzu gehigarriak ere eskaintzen ditu, hala nola: prozesuen ingeniaritza industriala, ‘Lean Manufacturing’ aholkularitza, prozesuen berringeniaritza eta produkzio-prozesuen automatizazioa. Horregatik guztiagatik, berrikuntzaren aldeko apustu nabarmena du. “Gure tresnak, ezagutzak eta gaitasun teknikoak hoberenak izan behar dira uneoro, bestela ez ginateke gai izango ematen ditugun zerbitzuak eskaintzeko”, zuzendari nagusiaren esanetan.

3 milioi euroko fakturazioarekin, enpresaren jarduera automobilgintzan, aeronautikan, trenbide-sektorean, energia-sektorean eta industria osagarrian oinarritzen da. Julio Plágarok dioenez, “eraikuntza, elikadura eta ontzigintza bezalako sektoreetan probak egiten ari gara”. Horrela, Gasteizko enpresak CAF, Talgo, ITP, Aernnova, Gestamp, Aritex, Faurecia, BSH, Reny Picot, Michelin edo Pepsico konpainientzat lan egiten du, besteak beste. Eta gaur egun Daco merkatu nazionalean zentratuta dagoen arren, “ez dugu baztertzen nazioartean presentzia izatea”, zuzendari nagusiak adierazi duenez.

Hazkunde prozesua

Gaur egun, euskal enpresak 42 langile ditu, baina, Julio Plágaroren arabera, “hazkunde prozesu batean gaude, eta aurten eta datorren urtean plantilla handitzea da gure asmoa”. Izan ere, zuzendari nagusiaren arabera, Dacok ezartzen dituen helburuak egungo “fakturazioa bikoiztea eta, ondorioz, plantilla bi urtetan haztea dira”. Estrategiak honako hauek izango ditu oinarri: merkataritza-gaitasuna handitzea, baterako zerbitzuak indartuko dituzten beste enpresa batzuekin akordio estrategikoak egitea eta industrializaziora eta prozesuetara bideratutako industria-antolamenduarekin lotutako zerbitzu-gaitasuna handitzea.

Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.

Albisteak 19 iraila, 2022 BDIH
Cikautxo-k hidrogenozko ibilgailuentzako proiektuen esleipenak eskuratu ditu
Irakurri gehiago
Albisteak 15 iraila, 2022 Berrikuntza
Osoak enpresak zirkuituak eta ekipo elektronikoak fabrikatzen ditu desgaitasuna duten pertsonek osatutako lan-taldearekin
Irakurri gehiago
Albisteak 12 iraila, 2022 Berrikuntza
Mondragon Unibertsitateak  enpresa arloko patenteei buruzko espezializazio-ikastaro bat eskainiko du
Irakurri gehiago
Josu Aztiriaren argazkia Elkarrizketak 12 iraila, 2022 Berrikuntza
“Baldintza ezinhobeak ditugu industria adimendun potente bat izateko. Orain apustu estrategiko bat behar dugu eta azkar gainera”
Irakurri gehiago
Albisteak 8 iraila, 2022 Berrikuntza
Euskadik Espainiako enpresa lider garrantzitsuenak  bilduko ditu CEDE Fundazioko Zuzendaritza-karguen XXI. Kongresuan
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak