Compitte, ETEen egunerokotasuna mehatxatzen duten arrisku “ikusezinen” kudeaketa
Compitte eskala industrialeko aseguru munduko konpainia bat da, duela hamaika urte sortua Gasteizen, 200 milioirainoko fakturazioa duena eta nagusiki ETEei zuzendua. Jakitun jartzen ditu horrelako enpresak eguneroko jardunean izan ditzaketen arriskuez, eta azaltzen die nolako ekintza-planak abiatu ditzaketen, dio Natxo Vadillok, Compitte enpresako Arrisku eta Aseguruen kudeatzaile eta ingeniariak. 2012an sortu zenetik bulegoak ireki ditu Donostian, Madrilen eta Sevillan, eta 700 enpresa inguruko bezero-zorro bat osatu du.
Zer da Arrisku-Kudeatzaile bat?
Arrisku-kudeatzaile bat diziplina anitzeko profesional bat da, helburutzat daukana bere enpresaren arriskuak identifikatu, ebaluatu, gutxitu, desagerrarazi, jasan edo transferitzea. Era askotako arriskuak daude: aktiboak, ospea, jarraipena, pertsona garrantzitsuak, produktuaren arriskuak… Halaber, gauza izan behar da arriskuen ikuspegitik baloratzeko bere bezero eta hornitzaileekin dituen kontratu-harremanak.
Eta zer jakin behar du bere eguneroko jardunean?
Gauza asko, baina nik esango nuke funtsezkoa dela esperientzia egiaztatua izatea eta, horrez gain, prestakuntza juridiko sendoa izatea. Gainera, etengabe zaindu behar du aldatzen doan legeria, sakon ezagutu behar du bere sektorea, bere parekoen mailan jardun behar du, kasu arrakastatsuak ezagutu behar ditu eta gainerako lankideekin partekatu behar ditu antzeko lan-moldeak. Ezinbestekoa da, baita ere, AGERS-Espainiako Arrisku eta Aseguru Kudeatzaileen Elkarteko kide izatea. Horixe da gure iturria.
Ez aipatzearren profil humanista…
Jakina. Arrisku-kudeatzaile batek oso ongi ezagutu behar du enpresaren muina eta jakin behar du nola babestu muin hori sekretu profesionalaren aurrean, nola erantzun Administrazio Kontseilu bati antolakunde baten jabeek erabakiak hartzean bakardadean izan ditzaketen kezkei buruz, eta horren barruan sartzen dira bai erabaki estrategikoak, bai inbertsioetakoak, bai dibertsifikatzekoak eta gainerakoak.
Esan dugu Compitte-ren target bezeroak ETEak direla, baina zein sektoretakoak?
Sektore guztiek dituzte arriskuak. Beharbada azpiegitura kritikoen multzoan daudenak dira arrisku handienak dituztenak: ontzigintza, aire sektorea, trenbide sektorea, automobilgintza, zientzia, komunikazioak, energia…
Zeintzuk dira zure ustez gaur egun enpresa batek izan ditzakeen arrisku handienak?
Mordo bat. Zerrenda amaigabea da. Hornikuntza falta, langile kualifikatu edo lan-eskurik eza, energiaren nahiz lehengaien kostuen gorakada zein gorabeherak, jendearen leialtasuna, pertsona garrantzitsuak, konfidentzialtasuna, konpromiso soziala, ingurumenarekiko erantzukizuna, zibersegurtasuna, lehiakortasuna ingurune helduetan, hornikuntza-katea, lege aldaketak, produktuen sendotasuna eta fidagarritasuna, azpikontratisten zorroa edo ospea, esan nahi baita zure marka-irudia…
Zuen sektorean askotan erabiltzen duzue Murphyren Legea gertakari baten arrazoia azaltzeko…
Komeni da gogoan izatea beti lege hori, idatzi gabea izanagatik askotan izaten baita azalpen zentzuzkoena… Baina bai, badira kasu batzuk ematen dutenak zorte txar horren biktima izan direla, adibidez torlojuak egiten dituen euskal ETE bati gertatu zitzaiona…
Zein zentzutan?
Esan bezala, aleazio jakin batekin egindako torlojuak fabrikatzen eta saltzen zituen, eta Hong Kongeko etxe-orratz bateko aireztapen-sistemez arduratzen zen bezero bati bidalitako lotean okerreko torloju bat sartu zuen. Pieza hura denborarekin higatu egin zen halakorik egin behar izan ez zuenean, eta nekatu egin zen. Ondorioz, sistema huts egiten hasi zen (asteburu batean, gainera), eta arazo bat sortu zen, gero eta handiagoa, harik eta azkenean zerbait gertatu zen gaitzeko kostu ekonomikoa ekarri eta ETEa itxiarazi zuena. Liburu oso bat idatz nezake horrelako hondamendiei buruz (barrez).
Uste duzu mehatxatzen gaituzten arriskuak ez kontrolatze edo ez aztertze hori gauza kultural bat dela?
Hala uste dut. Bizi garen tokian bizi gara, eta mediterraneoak gara, ez anglosaxoiak, hauek arriskuen kontzientzia sobera zorrotza baitute.
Lotutako albisteak
Makegik retrofitting industrialaren aldeko apustua egin du, nazioarteko hedapenerako bide gisa
Makina-erreminten eguneratzean espezializatutako enpresa gipuzkoarra merkatu aeroespazialean oinarritutako lan-ildo berriak garatzen ari da.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Icónica, errotulua artelan bihurtzen denean
Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.