Industria-eraikinetan metalezko egiturak dituzten nabeen fabrikazioa bultzatzen du AYGk
Hamar urteko jardueraren ondoren, AYG “eraikin industrialetako eta galdaragintza industrialeko egitura metalikoen, estalkien eta fatxaden itxituren fabrikazioan eta muntaketan erreferente bat da”, ziurtatu du Juan Vicente Martínek, AYGko gerenteak. Euskal enpresak kalitate, segurtasun eta eraginkortasun estandar altuenak dituzten soluzio integralak eskaintzen ditu, batez ere industria eta eraikuntza sektoreko enpresentzat.
2014an sortu zen konpainia, sektorean esperientzia handia duten profesionalen eskutik, eta Euskal Autonomia Erkidegoan eta Nafarroan dihardu. Bere zerbitzu nagusien artean, egitura metalikoen fabrikazioa eta muntaketa, galdaragintza industrial astuna eta arina eta obrako muntaia eta fatxadako eta estalkietako itxitura osoak daude.
“Gure bezeroen beharren araberako metalezko egiturak egiten ditugu, isurialde bateko edo biko nabe arkupedunen aldaeretan, saretetan, zerra-hortzetan, markesinetan, solairuarteetan…”, azpimarratu du enpresako ordezkariak. Gainera, aholkularitza teknikoa ere ematen du, bai eta nabeak ixteko konponbideak eta industria-estalkietako mantentze-lanak eta konponketak ere.
Etengabeko hobekuntza diseinuan eta produkzioan
AYG egitura metalikoak dituzten industria-nabeak, itxiturak, Deck estalkiak, aireztapen-irteerak, erremateak, sabaileihoak eta leihateak fabrikatzen espezializatuta dago. “Berrikuntzaren eta etengabeko hobekuntzaren alde egiten dugu gure produktuen diseinuan eta ekoizpenean”, dio Martinek.
Gainera, estalki osoak iragazgaizteko erreforma integralak ere egiten ditu. Alde horretatik, estalkien mantentze-lan egokiak, konpainiako gerentearen arabera, “instalazio industrialetan urik ez sartzea bermatzen du, eta estalkien bizitza luzatzen du”, denbora gehiagoz baldintza onetan egon daitezen.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu. Gainera, laguntza- eta zerbitzu-programetara sar zaitezke.
