Euskal enpresaren blog-a Zure enpresarentzat garrantzitsua den eguneroko informazioa

22 urria, 2020
Sprilur-ek duen Hirigintzako Garapen Jasangarriko gidaliburua UPV-EHUren Ingeniaritza Zibileko azterlanen programan integratu da

Sprilur eta UPV-EHUren arteko lankidetza hau gizarte-enpresa arloko konpromiso baten barruan sartzen da, eta helburutzat dauka jardunbide egokiak partekatzea eta sinergiak eta ezagutzaren transferentzia bultzatzea enpresen eta unibertsitatearen artean.
Ingenieritzako ikasleak Kanpandegiko urbanizazio-lanak bisitatzen.

Sprilur Taldeak gaur arte martxan jarri dituen proiektu guztietan -hala hirigintzakoetan nola eraikuntzakoetan- aplikatu ditu Eraikuntza Jasangarriko Gidaliburuak horrela bete dituelarik azpiegitura industrial jasangarrien garapenean hartutako helburu korporatibo eta estrategikoak. Sprilur Eusko Jaurlaritzako Ekonomiaren Garapen, Jasangarritasun eta Ingurumen saileko eta SPRI Taldeko kidea da.

 

Zentzu horretan, Ingeniaritza Zibileko Fakultateko (UPV-EHU, Donostia) 4. mailako ikasleek Lazkaoko Kanpandegiko urbanizazio-proiektua (Goierri Beheko Industrialdea) baliatu dute gidaliburu hori aplikatzeko onlineko ikaskuntzarako metodologia eta tresna gisa, ezagutza barneratzeko, eta jardunbide egokiak aplikatzeko euren ikasketa planetan.

 

Sprilur-eko ordezkariak, Lazkaoko Udaleko kideak eta Kanpandegiko urbanizazio eta garapen jasangarriko proiektuko teknikari eta adituak Lazkaon izan dira gaur, Ingeniaritza zibileko ikasleekin batera, bertan egitekoa den industrialdeko urbanizazio-lanak bisitatzen. Ikasleek bertatik bertara ikusi dute nola doazen lanak eta nola aplikatzen diren Eraikuntza Jasangarriko Gidaliburuak urbanizazio-lanetan, bai diseinuko fasean, bai lanak egiterakoan.

 

Urbanizazio-proiektu eta -lanetan aplikatzen diren garapen jasangarriko jardunbide horietan interesaturik, Gipuzkoako Ingeniaritza Eskolak eta haren Ingeniaritza Zibileko graduak erreferentziatzat hartu dute argitaratutako Urbanizazio Proiektuen Garapen Jasangarrirako Gidaliburua, eta integratu egin dute “Proiektuak, obren plangintza eta kudeaketa; Segurtasuna eta legeria” ikasgaian. Sprilur-ek argitaratutako Gidaliburu hori 2011. urteaz geroztik aplikatzen da, eta aldiro eguneratzen da, urbanizazio- eta eraikuntza-arloetan indarrean dauden araudietan aldaketak gertatu ahala.

 

Gidaliburuaren helburua da urbanizazio-proiektu eta -lanen jasangarritasun gradua baloratzea, proiektu eta lan horiek zuzentzea eta, gainera, ingurumena errespetatzen duten neurriak aplikatzea edozein urbanizazio-proiektu gauzatzeko prozesuan. Metodologia honek hainbat jardunbide egoki jasotzen ditu, urbanizazio-proiektuen bizi-ziklo osoan aplikatu daitezkeenak. Iradokitako neurri horiek lanak egitean aplikatu eta betetzen badira, proiektuak DURBE ziurtapen ofiziala lortuko du, lanak bukatu ondorengo analisian neurtutako anbientalizazio eta jasangarritasun graduaren erakusgarri.

 

Sprilur eta UPV-EHUren arteko lankidetza hau gizarte-enpresa arloko konpromiso baten barruan sartzen da, eta helburutzat dauka jardunbide egokiak partekatzea eta sinergiak eta ezagutzaren transferentzia bultzatzea enpresen eta unibertsitatearen artean.

 

Kanpandegiko Industrialdeak izango dituen ezaugarriak

 

Goierri Beheko Industrialdeak aurreikusi duen industrialde proiektuaren barruan, Kanpandegiko eraikuntzek bi maila edo garaiera izango dituzte, eta errepide batek inguratuko du perimetroa nabeetara zuzenean sartzeko. Urbanizazio-fase honetatik aterako den partzeletako batek (21.1) 3.000 m²ko okupazio azalera izango du, eta 6.000 m²ko azalera eraikigarria. 21.3 partzelak, berriz, 4.500 m²ko okupazioa eta eraikigarritasuna izango du, eta 21.2 partzelak, 4.500 m²ko okupazio azalera duenak, 9.000m² aprobetxagarri izango ditu bi altueratan. Hau da, guztira 19.500 m² eraikigarri, lanak bukatutakoan nabe modularrak eraiki ahal izateko, enpresa interesatuen azalera-beharren arabera.

 

Une honetan martxan dagoen urbanizazio-fasean ez da egingo lur mugimendu handirik, ingurumen arloko eta garapen jasangarriko irizpideak errespetatuz. Hala, beheko mailaren indusketatik ateratako lurra betegarri gisa erabiliko da goiko maila urbanizatzeko.

 

Kanpandegiko Industrialdeak 12.788 m2 espazio libre eta gune berde izango ditu eremuaren inguruko ubidearen, ezponden eta errepideko nahiz biribilgune nagusiko espazio libreen artean. Era berean, gune berdeetan eta Agauntza errekaren ibarrean aplikatuko diren ingurumen-neurrien artean, bertako espezie eta landareak landatuko dira, espazioak eta ingurunea paisaian integratu daitezen.  Bidegorri batek zuzenean konektatuko ditu Lazkaoko herria eta pabilioiak.

 

Industrialdea urbanizatzeko lanak amaitutakoan, Goierri Beheko Industrialdeak hiru partzela industrial izango ditu; horietako batek 4.500 m2ko azalera eraikigarria izango du, eta merkaturatu ondoren posible izango da bigarren fasea martxan jartzea eta pabilioiak eta nabe modularrak egitea beste bi partzeletan. Hala, Kanpandegik partzela industrial urbanizatuak izango ditu, erabat prest azalera handiak behar dituzten enpresentzat, eraikin pertsonalizatu bat egiteko euren premien arabera. Orobat izango ditu tamaina txikiagoko pabilioi eta nabe modularrak, espazio gutxiago behar duten enpresetara zuzenduak. Goierri Beheko Industrialdeak aurreikusi du 3,5 milioi euroko inbertsioa egingo duela Kanpandegin.

Azpiegiturak 1 abendua, 2020
EkimenLab-ek Londresko metroaren eskala errealeko maketa berriak garatu ditu Arrasateko Markulete industrialdean

Deba Bailarako Industrialdea, S.A.-k 300 m²-ko pabilioi bat alokatu dio EkimenLab-i, Sormen Design...Leer más

Aclima Oportunidades Chile
Azpiegiturak 25 Azaroa, 2020
Ekonomia zirkularraren aukerak Txilen

  Aclima ingurumen klusterrak eta SPRI Taldean integratutako  Nazioartekotzeko Euskal...Leer más

Azpiegiturak 18 Azaroa, 2020
Sprilur Eraikune-k antolatutako Eraikuntza Aurreratuaren eta Arkitektura Jasangarriaren Europako Kongresuan

  Sprilur-ek parte hartuko du Eraikune-Euskadiko Eraikuntzaren Klusterrak antolatutako...Leer más

Azpiegiturak 5 Azaroa, 2020
Azpeitiako Udalak eta Sprilur-ek akordio bat lortu dute Larrin industrialdearen garapen urbanistiko osoa egiteko

Indarrean dagoen Antolamendu Plan Partziala aplikatuko da Larrin industrialdean, partzela...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?