Euskal enpresaren blog-a Zure enpresarentzat garrantzitsua den eguneroko informazioa
25 otsaila, 2020

Bidasoa Oarsoko Industrialdeak 13,82 milioi euro inbertituko ditu Irungo eta Oarsoaldeko hiru industria-gune berroneratzeko

Bidasoa Oarsoko Industrialdeak Irunen birsortzea aurreikusten dituen partzelen bista zenitala

Erabiltzen ez diren 21.000 m²ko bi industria-lursail berroneratu eta balioan jarriko dira Irunen, eta 15.000 m²ko lursailak erosiko dira Oarsoaldean, geroago garatu eta sustatzeko.

 

 

Bidasoa Oarsoko Industrialdea, S.A-k -Sprilur-ek, Gipuzkoako Foru Aldundiak eta Irungo eta Oarsoaldeako udalek  partaidetua dagoenak- lokal eta pabilioi industrialen eskaera gorakor eta sostengatua erregistratu du azken urteotan. Hori dela eta, Bidasoa eta Oarsoaldea eskualdeetan operatzen duen eta enpresa-guneak kudeatzen eta sustatzen dituen sozietate horrek 13,82 milioi euroko inbertsioak onartu ditu urte honetarako.

 

Bidasoa Oarsoko Industrialdeak Irunen egingo dituen inbertsio berriak industria erabilerarako berroneratze-proiektuetan zentratuko dira. Batetik, Irungo Hiframasa enpresaren itxieraren ostean (2016aren amaieran), enpresa kokatua dagoen lursaila erosi zen, zeinak 9.719 m²ko guztizko azalera eta 12.634 m²ko eraikigarritasuna baitu. Lursail hori une honetan ez da erabiltzen, eta gune industrial bezala proiektatzen da, baina berroneratu egin beharko da berriro balioan jartzeko eta jarduera ekonomikoetara bideratzeko.

 

Proiektuak, une honetan erredakzio-fasean dagoenak, aurreikusten du oraingo eraikina (3.400 m²ko okupazioa duena) eraistea eta azalera egokitzea, bertan eraiki ahal izateko solairu bakoitzean 3.000  m²ko okupazioa izango duten bi pabilioi independente. Pabilioiek behar diren zerbitzuetarako hartuneak izango dituzte: hornidura eta saneamendua, energia, gasa, telekomunikazioak, eta abar.

 

Aurreikuspenen arabera, berregokitzapen- eta eraikuntza-lanak 2020ko bigarren hiruhilekoan hasiko dira, bi pabilioiak eraikita egon daitezen urtearen amaierarako. Berroneratze-lanen eta bi pabilioien eraikuntzaren inbertsio osoa 5,89 milioi eurokoa izango da.

 

Bestalde, Irunen kokatua dagoen Cycobask enpresaren lursailean ere antzeko berroneratze-proiektua gauzatuko da, hau ere erabiltzen ez den lursail industrial bat delako. Kasu honetan, lursailak 11.281 m²ko azalera du, 7.333 m²ko okupazioa eta 14.666 m²ko gehieneko eraikigarritasuna. Berroneratze-proiektuak aurreikusten du, lehenik eta behin, han kokatua dagoen eraikina eraistea, ondoren pabilioien eraikin berri bat eraikitzeko. Pabilioi horiek 820 m²ko gutxieneko azalera izango dute. Gainera, posible izango da nabeen tamaina handitzea, beti ere interesatutako enpresen premia eta eskaeren arabera.

 

Hyframasaren kasuan bezalaxe, kasu honetan ere, proiektuaren erredakzioa eta obraren zuzendaritza esleitu ostean (aurtengo bigarren hiruhilekoan), aurreikusten da lanak urtearen azken hiruhilekoan hasiko direla. Berroneratze-proiektu honetan 5,53 milioi euroko inbertsioa egingo da.

 

Azkenik, Oarsoaldeko inbertsioari dagokionez, Bidasoa Oarsoko Industrialdeak 15.000 m²ko hainbat lursail erosiko ditu, ondoren industria-sustapen berri bat egiteko. Ekimen hori eskualdeko beste proiektu batzuen garapen eta bilakaeraren menpe dago neurri handi batean. Aurreikuspenen arabera, 2,40 milioi euroko inbertsioa egingo da Lezon.

 

 

Bidasoa Oarsoko Industrialdea, S.A.k 10 enpresa-gune eta industrialde sustatu eta kudeatu ditu Bidasoan eta Oarsoaldean. Zalantzarik gabe, Industrialdeak Programan integratutako sozietateetatik berau da Gipuzkoan espazio-eskaera eta enpresa-jarduera indize onenak dituena, mugatik hurbil dagoelako eta Europa hegoaldeko itinerantzia logistikoaren gune garrantzitsua delako.

 

2020rako eta hurrengo urteetarako aurrekontuari dagokionez, hauexek dira aurreikusitako inbertsioak:

 

AURREIKUSITAKO ENPRESA-GUNE BERRIAK 2020

KOKAPENA: Aurreikusitako inbertsioa: Lursailaren azalera guztira Gehieneko okupazioa (m²) Eraikigarritasuna (m2):
IRUN-HIFNAMASA. 5,89 9.718 6.317 12.635
Irun-Cycoback 5,53 11.282 7.333 14.666
Oarsoaldea (zehaztu gabe) 2,40 15.000

 

BIDASOA OARSOKO INDUSTRIALDEAREN KOPURUAK 2019an

 

2019an, Bidasoa Oarsoko Industrialdeak 4,77 milioi euroko inbertsioa egin zuen eta 2,68 milioi euroko negozio-zifra lortu zuen. Azalerei dagokienez, 775 m² bulego eta 3.147 m² pabilioi esleitu, berritu edota saldu zituen eta lurzoru industrialeko 4.947 m² lursail saldu zituen.

 

Bidasoan eta Oarsoaldean sustatutako enpresa-guneak


KOKAPENA

Inbertsioa (M.€)

Lursail Pabilioi Bulego Enpresak

Enpleguak

Irun-Arretxe Ugalde- Pabilioiak

20,61

29.284 62

446

Irun-Arretxe Ugalde- Eraikina

5,51

3.898 25

82

Irun-Gabiria

11,98

28.505 3.553 39

332

Irun-Oianzabaleta

3,18

25.835 5

250

Irun-Araso -Pabilioiak

13,52

16.997 30

383

Errenteria-Masti Loidi

1,93

3.755 9

43

Errenteria-Txirrita Maleo

11,60

10.150 2.220 35

504

Lezo-Sagasti

5,19

16.420 445 18

148

Oiartzun- Ugaldetxo

1,78 7.877 23

163

Pasaia-Bordalaborda

16,65

15.921 20

171

Errenteria-Egiburuberri

3,27

1.364 1

29

Irun-Gametxo

1,49

4.947

3.216

GUZTIRA

96,71

30.782 130.273 13.332 267

2.551


 

Azpiegiturak 10 otsaila, 2020
Go Mobility hitzaldi programa Europara zabaldu da

  Etorkizuneko mugikortasunaren azoka Ficoban egingo da, Irunen, martxoaren 11n eta...Leer más

Azpiegiturak 5 otsaila, 2020
Goierri Beheko Industrialdeak hasiera eman die Lazkaoko Kanpandegi industrialdea urbanizatzeko lanei, 2,57 milioi euroko inbertsioarekin

Martxan jarri dira 43.587 m²ko eremu baten garapen urbanistikoko lanak, 12.000 m²ko okupazioa eta...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?