Aingura Insight, prozesu industrialak optimizatzeko hainbat teknologia integratzen dituen soluzioa
2016az geroztik, Aingura IIoT enpresak industria-optimizazioarekin lotutako problematikak jorratzen ditu, bai prozesuetan, bai produktuetan; eta ikuspegi integral baten bidez egiten du, hainbat aldagai kontuan hartuta, hala nola kontsumoen eraginkortasuna, bizitza baliagarriaren hazkundea, mantentze-lanen optimizazioa, hobekuntza integrala edo kalitate-kontrol aurreratua, besteak beste. Horretarako, Donostiako enpresa teknologikoak errendimendu handiko konputazioaren (HPC), konputazio berrkonfiguragarriaren eta Machine Learning analisi-belaunaldi berriaren ezaugarriak integratzen dituen teknologia propioa garatu du, hainbat sektoretan inplementatu daitekeen soluzio bakar batean.
“IT/OT sistemen arkitektura sofistikatua erabiltzen dugu, zeinak lehen mailako konputazioa eta erabilgarritasun handiko gaitasunak konbinatzen dituen datu aurreratuak aztertzeko algoritmo onenekin. Horrela, enpresen benetako arazoak modu integralean konpontzera bideratutako erabakiak hartzeko ezinbestekoa den informazio prozesagarria ematea lortzen dugu”, azaldu du Javier Díaz Rozo, Aingurako CTOak. Aingura Insight (AI) deitzen diote, eta, Diazek dioenez, “industria-prozesuan anomaliak zehatz aztertzeko, diagnostikatzeko eta iragartzeko aukera ematen du”.
Teknologia horri esker, laginketa-maiztasun handiko prozesuei lotutako sentsoreen datuak jaso ditzakezu, 3 Hz-tik 20 kHz-raino. Hori, enpresa teknologikoaren CTOak azaltzen duenez, “50 mikrosegundo bakoitzeko lagin baten baliokidea da, 0,05 mikrosegundoko zehaztasunarekin”. Datuak eskuratu ondoren, AIk prozesatu egiten ditu, hainbat eremutatik eta laginketa-denboratatik bat eginez eta balio bereizgarria eransten dio: “Machine Learning algoritmoak erabiltzen ditugu. Horiek aldagai garrantzitsuenen aukeraketa bat egiten laguntzen digute neurketaren unean, errendimendua hobetuko dela ziurtatzeko, zehaztasunari, fidagarritasunari, positibo faltsuen tasei eta erantzun-denborei dagokienez”, dio.
AI teknologiak datu prozesatu horiek guztiak gailuan bertan edo beste IT plataforma batzuetan gordetzen ditu, ondoren eraldatzeko, batez ere esplorazio-analisiaren bidez, eta portaera-patroiak detektatzeko, anomaliak detektatzeko, degradazioa monitorizatzeko, balio-bizitza zenbatesteko edo portaerak aurreikusteko. “Prozesatutako datu horiek guztiak enpresek sistemarekin duten elkarreragin-mailaren arabera ematen zaizkio bezeroari, hau da, semaforoko informazio sinpletik hasi eta KPIekin aberastutako informaziora arte entregatzen ditugu, azterketa sakonagoa edo epe luzeagokoa egiteko. Horrela, bezeroari erabakia hartzen laguntzen diogu”, ziurtatu du Diazek.
Ildo horretan, datuak bezero motaren arabera eraldatzen eta entregatzen dira, Aingura IIoTeko CTOak argitzen duen bezala, “enpresa eta sektore bakoitzak emaitza espezifiko bat bilatzen duelako. Horregatik sortu dugu plataforma malgu bat, aurrez definitutako konfigurazioak dituzten aplikazioak lortzeko aukera ematen diguna. Adibidez, fabrikazio-sektorearentzat, normalean interesgarriagoa izango da mantentze-lanak optimizatzeko datuak prozesatzea, matxurak gutxitzeko edo ekoizpen-aktiboen eskuragarritasuna handitzeko, besteak beste. Haatik, energia-sektorearentzat egokiagoa izango da irtenbidea energia-kontsumoaren patroiak onartzera eta etiketatzera bideratzea, kontsumitzailearen anomaliak hautematen lagunduz edo energia-politika berriak garatuz”.
Ikerketa eta lankidetza balioa emateko
Aingura IIoT enpresak, bere teknologiaz gain, ikerketaren eta berrikuntzaren aldeko apustu sendoa egiten du. Digital Twin Consortium-eko kidea da, industria, gobernua eta mundu akademikoa batzen dituen erreferentziazko ekosistema globala, biki digitalen eta gaikuntza-teknologien garapena, adopzioa, elkarreragingarritasuna eta segurtasuna bizkortzeko helburua duena. Ildo horretan, Donostiako enpresak argitalpen akademikoak eta ikerketa-kasuak sortzen ditu, bai eta Machine Learning eta IIoT ekintzekin lotutako ekitaldietan parte hartu ere, besteak beste. 2018an, adibidez, Madrilgo Unibertsitate Politeknikoarekin batera, ‘Industrial Applications of Machine Learning’ liburua argitaratu zuen. Bertan erakusten da nola aplika daitekeen Machine Learninga 4.0 Industrian mundu errealeko arazoei aurre egiteko, eta beharrezko tresnak ematen ditu teorian eta praktikan oinarritutako irtenbideak sortzeko.
Era berean, duela gutxi bi ikerketa-proiektutan parte hartu du. Lehenengoa, IoTwins, Europako proiektu bat da, biki digital eraginkorrak garatzeko erreferentziazko arkitektura bat eraikitzea helburu duena. Beste hamaika enpresarekin batera, Aingura IIotek proba-bankuaren funtzioa betetzen du, lotutako biki digitalak sortu eta fintzeko datu-kopuru handiak bilduz. Bigarrenak, berriz, DStreams izenekoak, adimen artifizialean metodologiak ikertu eta garatu nahi ditu, abiadura ultra-handiko datu jarraituak erabiltzen diren kasu industrialetara bideratuta. Bertan Titanium enpresa donostiarrarekin, Deustuko Unibertsitatearekin, Madrilgo Unibertsitate Politeknikoarekin eta Barcelona Supercomputing Center-Superkonputazioko Zentro Nazionalarekin (BSC-CNS) batera parte hartzen du.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Etxetar, errekuntzako motorrentzako eta ibilgailu elektrikoentzako ekoizpen-sistema aurreratuak egiten dituen munduko ingeniaritza liderra
Elgoibarko enpresak SPRI Taldearen zibersegurtasuneko dirulaguntza-programa jaso du eta proiektu bat egin du freno-diskoen kutsadura mugatzeko.