Ikusmen-ek elikagaigintzako eta packaging-eko kalitate-kontrola aldatu egin du AAn oinarritutako Ikusmen Artifizialaren bidez
Ikusmen enpresak, ikusmen artifizialean espezializatuta dagoenak, elikagaigintzara eta ontziratzera edo packaging-era eraman du teknologia, industriako kalitate-kontrola aldatzeko. AAn oinarritutako ikusmen artifizialaren konponbideen bidez, fabrikazio-kate osoan “ikus” dezakete eta, horrela, ekoizpenaren % 100 modu objektiboan ikuskatzen da, abiadura handian eta produkzio-prozesua eten gabe.
Ikusmen-ek elikagaigintzarekin eta packaging sektorearekin elkarlanean aritzeko egin duen apustuak enpresaren konponbideen askotariko aplikazioa du oinarri. “Gure espezializazioarekin eta industrian dugun esperientziarekin sektoreko enpresa askori laguntzen ari gara aldaketa kualitatiboa egin dezaten beren lerroen kalitate-kontrolean”, adierazi du Ikusmen-eko kudeatzaile Felipe Abaituak. Enpresak 50 proiektu baino gehiago burutu ditu sektore haietan azken bi urteetan.
Konponbideek aukera ematen dute begi-ikuskapeneko lan ugari automatizatzeko, zeinak gizakiek nekez edo ozta-ozta egiten dituzten. Esaterako, beste aplikazio batzuen artean, arrautzetan markatutako informazioa egiaztatzea, botilen etiketak egiaztatzea edo elikadura-produktuetan, hala nola galletetan, zereal-barretan eta opiltxoetan, bolumenak eta akatsak kontrolatzea, akatsak zehaztasun eta errepikagarritasun handiz detektatzeko gai diren AA algoritmoekin.
Automatizazioari esker, kontrol-prozesu horiek ekoizpen osoaren gainean egiten dira, irizpide objektiboen arabera eta oso azkar. Gainera, giza taldeari zeregin errepikakor eta nekosoak kentzen zaizkio, lan kualitatiboagoak egin ditzaten eta, ondorioz, kalitate-kontrola eta ekoizpen-efizientzia hobetu egiten dira.
Ikusmen-ek elikagaigintzari eta packaging-ari eskaintzen dien balio-proposamena neurrira egindako konponbideak dira. Integratzaile gisa jarduten du enpresak: instalazioko beharrak eta baldintzak aztertzen ditu, egin beharreko lanetarako konfiguratuko diren ekipamendu egokiak zehazteko. Ondoren, erabiltzeko prest dagoen instalazioa egiten da, eta ekipamenduak lerroan eta gainerako sistemarekin integratzen dira, gainerako makinekin koordinatuta lan egin dezaten. Amaitzeko, abian jartzen dira, eta prestakuntza eta mantentze espezializatuko zerbitzuak ere eskaintzen dira.
Ikusmen-sistemen munduko hornitzaile nagusia den Cognex-en Lehentasunezko Integratzaile Baimendua da Ikusmen, eta horrek azken teknologiak eta euskarri espezializatua eskuratzea bermatzen du. Enpresaren 2D eta 3D ikusmen artifizialeko sistemak Adimen Artifizialeko algoritmoetan oinarritzen dira, eta giza begiak egin dezakeenaren oso antzeko ikuskapena egiten dute. Erabat prestatutako teknikariak ditu, eta horri esker, zerbitzu osoa eskain dezake.
1996an sortu zen Ikusmen, Mungian dago, eta 25 urtetik gorako esperientzia du hainbat sektoretan, hala nola automobilgitzan, elikagaigintzan, farmazian edo kosmetikan aplikatutako ikusmen industrialaren arloan. Nazioartean du presentzia, eta automobilgintzako eta elikagaigintzako enpresa nagusiak ditu bezero gehienbat, batez ere, Europakoak, Ameriketako Estatu Batuetakoak eta Mexikokoak.
