Enpresa-garapenerako
euskal agentzia
Enpresa-garapenerako
euskal agentzia
Hau du helburu Europar Batasunak eta Japoniak sortutako elkarte horrek: Europako eta Japoniako enpresen arteko lankidetza sustatzea (industriala, komertziala eta inbertsio-alorrekoa)
SPRI Taldeko Euskadiko Nazioartekotze Agentzia-Basque Trade & Investmenten zuzendaria, Ainhoa Ondarzabal, EU-Japan Centre for Industrial Cooperation elkarteko ordezkariekin bildu zen iragan astelehenean. Europar Batasunak eta Japoniako gobernuak eratu zuten elkartea, zeinaren helburua hau baita: Europako eta Japoniako enpresen arteko era guztietako elkarlana sustatzea (industriala, komertziala edo inbertsio-alorrekoa).
Lean visits in Europe programak antolatu zuen bisitaldia, eta Euskadiko Nazioartekotze Agentziaren egoitzan, Bilbon, izan zen bilera. Lehiakortasunerako bidean beren lean journeya erreferentzia bihurtu den enpresak bisitatzea da programaren xedea. Oraingo honetan, automobilgintza-sektoreko GKN enpresa ezagutu zuten bisitariek eta, bide batez, Euskadiko Nazioartekotze Agentzia. Enpresen lehiakortasuna eta nazioartekotzea bultzatzeko euskal ereduaren berri jaso zuten Europako eta Japoniako ordezkariek topaketa horretan.
Bileran izan ziren Simon Craig Gra, elkarteko zuzendaria; Ellen Murrell, Lean in Europe programaren koordinatzailea; Richard Keegan, Trinity Business Schooleko irakaslea, eta Cristina Murillo, Gaia telekomunikazio-klusterrekoa.
Hemen aurki ditzakezu gure ekitaldiak, argitalpenak eta eduki guztiak.
