Euskal enpresaren blog-a Zure enpresarentzat garrantzitsua den eguneroko informazioa
Albisteak 13 abendua, 2021 Nazioartekotzea

Fastenex, torloju eta finkatze sektorean esportatzeko funtsezko faktorea

Partzuergo honek sektoreko lau enpresen esportazio sail gisa jarduten du.

Torlojuen eta finkatzearen sektorean ez da erraza nazioarte mailan haztea; izan ere, kostu txikiko produktua da, eta ez dago espezializazio edo bereizketa handirik fabrikatzaileen artean. Hala ere, badira modelo zehatzetan espezializatutako enpresak, eta horientzat funtsezkoa da laguntza bat izatea Euskaditik nazioarteko merkatuetara iritsi ahal izateko. Horretan dihardu, hain zuzen ere, Fastenexek.

Sektoreko lau enpresak sortutako partzuergoa da Fastenex: Estampaciones Laga, arandelen eta pieza estanpatuen fabrikatzailea; Tornillería Segur, hotzean estanpatutako torlojuen fabrikatzailea; Industrial Laneko, beroan estanpatutako torlojuen fabrikatzailea; eta Rosmil Industrial, kalitate handiko torlojuen banaketan espezializatutako enpresa.

“Fastenexen enpresa bakoitzaren esportazio saila bagina bezala jarduten dugu”, adierazi du Erich Friso Fastenexeko gerenteak. “Nazioarteko merkataritza-kudeaketa guztia egiten dugu, bezero berriak bilatuz, bidaia komertzialak eginez, azoketara joanez eta kontsultak eta merkataritza-eskaerak jasoz”. Horrela, partzuergoko bazkideek kanpoko merkatuetan sartzeko aukera dute, taldeak sortutako sinergiak aprobetxa ditzakete eta bezeroei eskaintza zabalagoa emateko aukera dute.

Fastenexek automozioaren, trenbideen, banaketaren, eraikuntzaren, eolikoen eta nekazaritzaren sektoreetara esportatzen du gehienbat. Esportazioei dagokienez, “funtsean Europako herrialdeetara esportatzen dugu. Guretzat herrialde garrantzitsuenak Alemania eta Frantzia dira”, partzuergoko kudeatzailearen arabera.

Pandemiak eragin handia izan du Fastenexen, azkoinak egiten dituen bazkide bat galdu baitu, baina 2021ak bezeroak eta fakturazioa berreskuratzeko balio izan du. Etorkizunari begira, partzuergotik adierazi dutenez, beren helburua “patzuergoan enpresa gehiago gehitzea da, gure bezeroei produktu gehiago eskaini ahal izateko. Adibidez, gaur egun mekanizazio- eta dekoletaje-fabrikatzaile bat falta da, eta torloju-fabrikatzaile bat”.

Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.

Observatorio Automoción Basque Trade
Albisteak 25 maiatza, 2022 Nazioartekotzea
Automobilgintzako Behatokiaren Q1 2022 Txostena
Irakurri gehiago
Transición Energética Colombia webinar
Albisteak 17 maiatza, 2022 Nazioartekotzea
Webinarra: Trantsizio energetikoan eginiko aurrerapenak Kolonbian
Irakurri gehiago
Observatorio especial Materias primas guerra Ucrania
Albisteak 17 maiatza, 2022 Nazioartekotzea
Nazioarteko lehengaien txostena: Atal berezia Gerra Ukrania | Maiatza 2022
Irakurri gehiago
Albisteak 30 apirila, 2022 Nazioartekotzea
236 gazte lehiatu dira enpresen nazioartekotzeko 100 beketako (BEINT) bat lortzeko
Irakurri gehiago
Sector Auto Europa del Este
Albisteak 28 apirila, 2022 Nazioartekotzea
Hurbilketa bat Ekialdeko Europako automobilgintza sektorera. Txostena.
Irakurri gehiago

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak