Euskal enpresaren blog-a Zure enpresarentzat garrantzitsua den eguneroko informazioa

23 ekaina, 2021
Eusko Jaurlaritzak aukera ematen die enpresei euren ordainketa-betebeharrak eta inbertsioak atzeratzeko laguntza publikoko 6 programatan

Bi malgutze-neurrien bidez enpresek posible dute euren ordainketa-betebeharrak atzeratzea, eta inbertsioak gauzatzeko epea eta enplegua sortzeko konpromisoa geroratzea.

 

Eusko Jaurlaritzak aukera emango die enpresei sei laguntza-programatako inbertsioak atzeratzeko eta horrela likidezia eta kaudimen arazoak saihesteko. Indarreko agindu batean jasota dagoen neurri horrek aukera ematen du dirulaguntzen ordainketak atzeratzeko eta programetan ezarritako inbertsioak eta lanpostu-sorkuntza geroratzeko.

 

Malgutze-neurri horiek programa hauetan aplikatuko dira: Gauzatu-Industria, Gauzatu-Kanpo Ezarpenak, Indartu, Bideratu, Bideratu Berria eta Bideratu Covid-19.

 

Gauzatu-Industria programaren helburua da oinarri teknologiko edo/eta berritzaileko ETEak sortzen eta garatzen laguntzea eta Gauzatu-Kanpo Ezarpenak programak dirulaguntza itzulgarriak eskaintzen ditu euskal enpresen atzerriko ezarpenak sortu eta garatzeko. Bideratu eta Bideratu Berria programek laguntzak ematen dituzte krisian dauden enpresak berregituratu eta berrabiarazteko. Bideratu Covid-19 programak, berriz, dirulaguntzak ematen ditu Covid-19aren inpaktu ekonomikoaren ondorioz krisian dauden enpresak berregituratu eta berrabiarazteko.

 

Bestalde, Indartu programak laguntzak ematen ditu produkzioko inbertsioak egiten dituzten enpresentzat, baldin eta inbertsio horiek lehiakortasuna hobetzen eta ekonomia garatzen badute eremu kaltetuetan nahiz Euskal Autonomia Erkidegoko urteko batez bestekoaren % 20tik gorako langabezia-tasa duten udalerrietan.

 

Aginduak dio posible dela 2021eko uztaileko edota 2022ko otsaileko kuotaren itzulketa atzeratzea Gauzatu-Industria programan, Gauzatu Kanpo Ezarpenak programan eta Bideratu programaren hiru modalitateetan. Kasu honetan, neurriaren helburua da egoera zail batean dauden enpresek (batez ere altxortegiko arazoak dituztenek) posible izan dezatela 2021eko uztailean edo 2022ko otsailean ordaindu beharko dituzten kuotak ordainketa-egutegiaren amaieran ordaintzea. Hau da, urtebeterainoko gabealdia izango lukete ordaindu behar dituzten kuotak ordaintzeko.

 

Badago beste neurri bat: inbertsioen gauzatze-epea eta lanpostuen sorkuntza-epea atzeratzea aipatutako sei programetan. Neurri honen helburua da inbertsioen exekuzioa edo/eta enplegu arloan hartutako konpromisoa atzeratu behar izan duten enpresek “luzapen” gehigarri bat eskatu dezatela egiteke dauzkaten inbertsioak egiteko edo lanpostuak sortzeko.

 

Baldintza bakarra da inbertsioak gauzatzeko epean egotea. Horrela, euren proiektuak egin ahal izango dituzte gauzatze-epea luzatu beharrik gabe (eta ez-betetzerik gabe).

 

Berrikuntza 23 iraila, 2021
Eusko Jaurlaritzak 342 ETE enpresa berritzaile gisa akreditatzeari ekin dio Durangon

342 ETE euskaldunek enpresa berritzaile gisa Eusko Jaurlaritzako Garapen Ekonomiko, Jasangarritasun...Leer más

Berrikuntza 22 iraila, 2021
Brave Corporation: “Digitalizazioa eskaintzen dugu prozesuak sinplifikatzeko”

Enpresa askok beren produktuak edo zerbitzuak saltzeko dituzten oztopoetako bat hurrengoa da: ezin...Leer más

Berrikuntza 21 iraila, 2021
100 herrialde baino gehiagoko igerilekuek eta eraikinek ‘made in Euskadi’ beirazko mosaikoa dute

1979. urtearen amaieran Gipuzkoako bihotzean jaio zen, Ikaztegietan, DNAn internazionalizazioa...Leer más

Berrikuntza 20 iraila, 2021
ASTEKLIMAren bigarren edizioak euskal herritarrak mobilizatu nahi ditu klima-aldaketaren aurrean

  Klima-aldaketa eta energia dira gizarteak epe labur eta luzera aurre egin beharreko erronka...Leer más

Berrikuntza 14 iraila, 2021
Enrique Solano: “Quanvia etorkizuna garai honetara ekartzeko jaio da”

Konputazio kuantikoa urrats nabarmenak ematen ari da datozen urteetan egunero erabiliko den...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?