Nazioartekotzeko Euskal Agentziak automozioaren euskal industria sustatu du Txinan

Agentziaren Txinako bulegoak sektore horretako Asiako azoka handienean parte hartu zuen

SPRI Taldean integratutako Nazioartekotzeko Euskal Agentziak (Basque Trade & Investment) Txinan duen bulegoak hainbat ekintza bultzatu ditu euskal industria sustatzeko herrialde hartako automozio sektorean.

Hala, Agentziaren Txinako ordezkari Mikel Yang “Beijing Economic Development Zone” parkean izan zen joan den ekainaren 10ean, Acicae automozio klusterrak eta dozena bat euskal enpresak antolatutako bisitan, eta konferentzia batean parte hartu zuen China-Europe Association for Technical and Economic Cooperation (CEATEC) erakundearekin.

Euskal enpresek mendebaldeko ibilgailu fabrikatzaile ia guztientzat lan egiten dute eta, orain, baita ere fabrikatzaile txinatarrentzat; hala, bilerak baliagarri izan ziren etorkizuneko proiektuak eguneratzeko.

China Die & Mould Industry Association (CDMIA) erakundeak gonbidaturik, Nazioartekotzeko Euskal Agentziaren Txinako bulegoak automozioaren euskal industria eta AIC zentroa (Automotive Intelligence Center) aurkeztu zituen ekainaren 11n, Asiako sektoreko azoka handienean, hau da, Asia, Die&Moulld China 2019 (DMC 2019) ekitaldian.

Azkenik, ekainaren 12an, Agentziaren Txinako bulegoak eta DMC 2019 azokako beste gonbidatu multinazional batzuek topaketa batean parte hartu zuten BYD eta Haier enpresekin batera.

Lotutako albisteak

24 apirila, 2024 Basque Trade & Investment

B-WOMENIN Global, euskal enpresen nazioartekotzean emakumearen presentzia sustatzeko programa berria

Irakurri gehiago

24 apirila, 2024 Basque Trade & Investment

Italiako makina-erremintaren merkatua,, euskal enpresentzako aukera BasqueTrade-n azken txostenaren arabera

Irakurri gehiago

24 apirila, 2024 Nazioartekotzea

Qassayk osasun irakurleak garatzen ditu minbizia edo diabetea bezalako gaixotasunak diagnostikatzeko helburuarekin

Irakurri gehiago

24 apirila, 2024 Basque Trade & Investment

Basque Trade & Investment-ek merkatu aeronautiko britainiarrak euskal enpresentzat dituen aukerak aztertzen ditu

Irakurri gehiago

23 apirila, 2024 Basque Trade & Investment

Basque Trade & Investment-ek euskal eta japoniar enpresen arteko lankidetza hidrogenoaren sektorean sustatzen du

Irakurri gehiago

Joan blog-era