Automobilgintzaren euskal sektoreak Mexikon duen posizionamendua sendotu eta negozio- eta inbertsio-aukera berriak aztertu ditu
Automobilgintzako Euskadiko 20 enpresak baino gehiagok egiaztatu dute orain gutxi Mexikon egindako misio komertzialean Mexikoko automobilgintza etengabe hazten ari dela eta, horrenbestez, hornitzaile espezializatuen gero eta behar handiagoa duela. Hala, agerian geratu da sektore horretan esperientzia eta kalitatea eskaintzeko aukera duela, zerbitzu eta osagai aurreratuen eskaerari erantzunez.
Misio hori ACICAEk-Automobilgintzaren Euskadiko Klusterrak eta Eusko Jaurlaritzak SPRI Taldeko Basque Trade & Investmenten bidez antolatu du Mexikoko merkatuak eskaintzen dituen aukerak gertu-gertutik ezagutzeko, lokalizazio-politikak hobeto ulertzeko eta tokiko hornitzaileek egindako eskaria (gero eta handiagoa da gainera) hobeto ulertzeko asmoz. Industria arloko sailburuordea, Mikel Amundarain, han izan da eta horrek agerian utzi du nazioarteko psoizionamenduan Eusko Jaurlaritzak babesa ematen diela Euskadiko enpresei.
Bisita horretan agerian geratu da Mexiko produkzioaren eta horniduraren lokalizazioa sustatzen duten politikak bultzatzen ari dela. Politika horien helburua da tokiko hornikuntza-katea indartzea eta inportazioekiko mendekotasuna gutxitzea. Hala, Mexikon ezarrita dauden nazioarteko hornitzaileentzako aukera bikaina eskaintzen dute.
Euskadiko automobilgintza Mexikon
Mexiko da munduko ibilgailuen enpresa produzitzaileen artean zazpigarrena (3,8 milioi ibilgailu 2023an) eta, T-MEC (USMCA) akordio komertzialaz baliatuta, bere automobilgintzako produkzioaren % 80 inguru Estatu Batuetara esportatzen du.
Automobilgintzaren Euskadiko industriak presentzia handia du Mexikon. Hain zuzen ere, autoparteen 22 enpresetako eta makina eta zerbitzuetako 24 enpresetako 67 ezarpen ditu.
Misio komertziala INArekin (Autoparteen Institutu Nazionala) eta bertako Mexikoko enpresekin egindako jardunaldi batekin hasi zuten. Gainera, bilerak egin dituzte OEMekin (jatorrizko ekipamenduen fabrikatzaileak) eta Tier 1eko hornitzaileekin. Horri guztiari esker, etorkizunean beste kolaborazio batzuk izateko lehen harremanak eta posizionamendua bideratu dituzte.
Industriako sailburuordeak, Mexikon Euskadiren ordezkaritzak eta ACICAEko zuzendari nagusiak, Euskadiko enpresa batzuen tokiko ezarpenak bisitatu zituzten haien errealitatea eta etorkizunerako planak gertuagotik ezagutu ahal izateko.
Lotutako albisteak
Euskadik osasun arloko berrikuntzan duen posizioa indartu du Alemaniako MedtecSUMMIT 2025 delakoan
Basque Trade & Investmenten ordezkaritza batek Basque Health Clusterraren ordezkariekin batera parte hartu zuen ekitaldian, Bavariako erakunde estrategikoekiko harremanak estutzeko eta lankidetzarako arloak jorratzeko, medikuntza arloko gailuei aplikatutako adimen artifiziala eta osasun digitala kasu
Euskal sektore aeroespazialak loturak estutu ditu Estatu Batuetako industriarekin
Euskadiko enpresa eta zentro teknologikoen ordezkaritza batek Estatu Batuak bisitatu ditu sektorearen egungo egoera ezagutu eta herrialdeko eragile estrategikoekin harreman berriak finkatzeko
Euskadik nazioarteko estrategia indartu du Bruselan
Basque Trade & Investmenten ordezkaritza batek Belgikako hiribururako misioa egin du aste honetan, Europar Batasuneko politiken, finantzaketa-mekanismoen eta hainbat sektoretako negozio-aukeren ezagutzan sakontzeko
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa