Altuna, kimaketarako eta lorategietarako tresnen Euskadiko fabrikatzaile bakarra
Altuna Hermanos S.A. Oñatin (Gipuzkoa) kokatutako ETE bat da. Nekazaritza, lorezaintza eta burdingintzarako ebaketa-tresnak egiten dituen Euskadiko fabrikatzaile bakarra da, eta kimaketarako tresnetan espezializatuta daude. Zerrak eta pertikak ere egiten dituzte. Tresnen diseinuan, fabrikazioan eta muntaian zentratzen dira batez ere.
Informazio hau “Zutaz mintzo gara” ekimenean jaso da, zeinaren bidez SPRI Taldeak bere plataforma eskaintzen baitie euskal enpresei euren proiektuak ezagutzera eman ditzaten.
Ehun urte baino gehiagoko enpresa hau (1921ean sortu zen) kimaketarako eta txapa ebakitzeko guraizeak fabrikatzen hasi zen nekazaritza, lorezaintza eta industriarako. “Lehen hamarkadetan enpresan bertan egiten ziren pieza guztiak (osagaiak, heldulekuak…), eta mendi magaletik jaisten zen ibaiko ura baliatzen zuten enpresarako eta Zubillaga auzo osorako argindarra sortzeko. Gainera, ikusirik langile kopurua urtez urte handitzen zela, haientzako etxeak eraiki ziren. Mendearen erdialderako esportatzen hasi zen, eta produkzioaren erdia Hego Amerikara bidaltzen zen” azaldu du Aitor Lagunilla, Altuna Hermanos S.A.ko kudeatzaileak.
Enpresak Auste Estana (alegia, hausten ez dena) hitzak aukeratu zituen bere kimaketarako guraizeen lehen marka gisa, argi utziz produktuaren kalitatea, gaurdaino mantentzen dutena. Gero, Altuna markarekin geratu ziren.
1978an, banaketa handiko establezimenduak indartu zirenean, Bikain marka sortu zuen: “marka honek bere baitan biltzen ditu lorezaintzarako beste elementu batzuk, esaterako eskularruak, lorategirako oinetakoak… helburua da hipermerkatuetan saltzea eta gehiago iristea etxeetara zuzendutako merkatura”.
1983ko uholdeek kalte handiak eragin zituzten lantegian, eta aukera aprobetxatu zuten instalazioak modernizatzeko. “90eko hamarkadatik aurrera, kimaketarako guraizeentzako teknologia berriak aztertu genituen. Ordura arte burdinurtuz egiten ziren, eta oso astunak ziren. Karbono-zuntzezko linea bakar bat merkaturatu genuen. Heldulekuak, zurezkoak edo burdinazkoak izan beharrean, karbono-zuntzezkoak dira; hala, ez dira hain astunak, ez dira erraz hausten, eta kimaketa-lanak azkarrago eta erosoago egiten dira”.
Tratamendu berezia
Altunak kimaketarako guraizeen aiztoetan ere berritu du: tratamendu berezi bat ematen die gas bidez injektatutako titanioarekin, “horrela, errendimendua % 60 hobetzen da eta iraunkortasuna hirukoiztu egiten da. Eskuko guraizeetan tratamendu hori erabiltzen duten bakarretakoak gara. Eta orain teknologia horixe bera duten bateriadun kimaketarako guraizeak lantzen ari gara”.
Fabrikatzaileak direnez, konpainiak mota guztietako ordezko piezak eskain diezazkieke bere bezeroei, eta garrantzi handia ematen diote zerbitzu teknikoari.
Mota guztietako kimaketarako guraizeez gain (esku baterako, bi eskutarako, bateriadunak), bestelako produktuak ere eskaintzen dituzte, hala nola kimaketarako zerrak, kimaketarako pertikak, motozerrak, adarrak moztekoak eta bestelako osagarriak. 40 herrialde baino gehiagotara saltzen dute, eta negozioaren % 30etik gora esportatzen dute. Hegoaldeko Europa, iparraldeko Afrika eta Hego Amerika dira enpresaren merkatu garrantzitsuenak.
Sektoreei dagokienez, nekazaritza profesionaleko hornikuntzan, burdindegietan, lorezaintzako zentroetan eta sektoreko handizkarietan dituzte bezero gehien. Altunak 30 langile enplegatzen ditu, eta iazko fakturazioa 8,5 milioi euro ingurukoa izan zen.
Altunaren erronketako bat da softwarean eta banaketan inbertitzea. “Gainera, esportazioak handitu nahi ditugu, eta enpresaren digitalizazioa hobetu nahi dugu, bai produkzio arloan eta bai arlo komertzialean”.
Lotutako albisteak
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek euskal enpresen eskura jarri ditu Smart Factory + Automation World 2025 ekitaldian egindako bi txosten, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz