Zibersegurtasuneko Gaitasun Digital Profesionalak 2025
Indartu zure enpresako zibersegurtasuna zure taldearen gaitasun digitalak hobetuz. Aholkularitza espezializatuan 8.100 € arte eskaintzen dizkizugu zure langileen mailaren diagnostikoa egiteko eta zure enpresara egokitutako zibersegurtasun arloko gaitasun digitalak hobetzeko plana diseinatzeko.
Zibersegurtasuna lehentasun estrategiko bihurtu da enpresentzat, batez ere gero eta digitalizatuagoa eta interkonektatuagoa den, eta zibererasoak jasateko gero eta arrisku handiagoan dagoen ingurunean. Informazioa, prozesuak eta negozioaren jarraitutasuna babesteko, ezinbestekoa da arrisku digitalak ezagutzen dituen eta prestatuta dagoen taldea izatea.
Testuinguru horretan, funtsezkoa da giza taldearen zibersegurtasuneko gaitasun digitalen maila ezagutzea, enpresa bakoitzaren errealitatera egokitutako azterketa- eta hobekuntza-plana ezartzeko. Ikuspegi horrek barrutik segurtasun digitala indartzeko aukera ematen du, eraginkortasun operatiboa eta zibermehatxuei erantzuteko gaitasuna areagotuz.
Zibersegurtasuneko Gaitasun Digital Profesionalen programak doako aholkularitza-zerbitzu espezializatua eskaintzen die Euskadiko enpresei, ahuleziak identifikatzeko, langileen zibersegurtasun maila ebaluatzeko eta hobetzea helburu duen ibilbide-orri errealista bat zehazteko. Prozesu hori IKANOS sisteman oinarrituta dago, eta enpresa bakoitzeko gehienez 27 pertsonarekin modu pertsonalizatuan lan egiteko aukera ematen du. Diagnostiko horrekin, erakunde bakoitzak oinarriak ezarri ahal izango ditu zibersegurtasunaren arloan dituen premiekin bat datozen prestakuntza-plan eraginkorrenak ezartzeko.
Zure taldearen zibersegurtasuneko gaitasun digitalak indartzeak taldekideen konpromisoa indartzen du, arriskuak murrizten ditu eta mehatxu digitalen aurrean jarduteko gaitasuna hobetzen du. Hobekuntza profesional horren ondorioz, enpresa seguruagoa, prestatuagoa eta bezeroekiko arduratsuagoa lor daiteke.
Epeak
Amaiera data:
2025-12-15, 23:59retan
Zibersegurtasuneko IKANOS sistema
IKANOS sistema etengabeko hobekuntzako metodologia da eta DIGCOMP Gaitasun Digitalen Europako Esparruan oinarritzen da. Horri esker, lantalde osoaren zibersegurtasuneko gaitasun digitalak modu pertsonalizatuan ebaluatu eta indar daitezke.
Programa horretan, tresna espezifikoak aplikatzen dira langileen profil profesionala aztertzeko eta enpresaren benetako beharretara egokitutako hobekuntza-plana zehazteko. Helburu argia du: kalteberatasuna gutxitzea, langileen kontzientzia digitala handitzea eta erakundearen lehia mailako balioa babestea barneko eta kanpoko mehatxuen aurrean.
01_Ezagutzea
"DIGCOMP" Gaitasun Digitalen Europako Esparruak zehaztutako zibersegurtasun arloko funtsezko gaitasun digitalak eta zure enpresarako duten garrantzia.
02_Auditatzea
Zibersegurtasun arloan taldeak gaur egun dituen gaitasunen maila, honako arrisku hauek aztertuta: phishinga, ingeniaritza soziala, seguruak ez diren pasahitzak edo babesik gabeko nabigazioa.
03_Aztertzea
Diagnostikoaren emaitzek aukera ematen dute segurtasun digitalarekin lotutako arrakalak identifikatzeko eta profil profesionalaren arabera hobetzeko helburuak banan-banan zehazteko.
04_Orientatzea
Hobetzeko ibilbide argia eta lor daitekeena diseinatzea, enpresaren babes-helburuekin eta erresilientzia digitalarekin lerrokatuta.
05_Ikastea
Pasahitzak kudeatzeko, gailuak babesteko, pribatutasunerako edo nabigazio segururako gaitasunetan aurrera egiteko prestakuntza-ekintza praktikoen proposamena.
06_Ebidentziatzea
Erakundearen barruan lortutako aurrerapena eta zibersegurtasuneko talentu digitala ikusaraztea, konfiantza eta erreputazio teknologikoa indartuz.
Prestatu zure taldea zibererasoei aurre egiteko, adituek diseinatutako eta zure enpresaren beharretara egokitutako zibersegurtasuna hobetzeko plan pertsonalizatuarekin.
Ezagutu xehetasunez programa hau
2025 Araudia
Aholkularitza eta diagnostikoa
- Jaso -zure errealitatea ulertzen duten eta prozesu osoan ondoan izango dituzun espezialisten laguntza, zure enpresarentzat inolako kosturik gabe.
- Ebaluatu zure langileen zibersegurtasuneko prestakuntza maila, eta detektatu hobekuntza arloak.
Prestakuntza-plana
- Diagnostikoaren ondoren, zure langileen funtzio eta profilen arabera egokitutako prestakuntza-ibilbidea izango duzu.
- Proiektuak behar dituzun pertsona guztiak har ditzake, nahiz eta laguntza lantaldeko 27 pertsonakoa izan.
2 M € laguntzatan
- Deialdi honek 2 milioi euroko zenbatekoa du enpresek arrisku digitalen aurreko prestakuntza hobetu ahal izateko.
- Enpresa bakoitzak 8.100 € jasoko ditu gehienez aholkularitza espezializatuan.
Zibersegurtasuna pertsonetan oinarrituta indartu nahi duten euskal enpresentzat, mehatxuen aurrean kultura digital segurua eta prestatua bultzatuz
- Edozein neurri eta jarduera sektoretako Euskadiko enpresak.
- Talde teknikoetarako, bulegoetarako edo datu sentsibleekin, barne-sareekin edo tresna digitalekin lan egiten duten langileentzako ezin hobea.
- Beren langileen zibersegurtasun arloko gaitasun maila ezagutu eta, prestakuntzaren bidez, arriskuak gutxitzeko plan argia izan behar duten enpresentzat
Ebaluatu zure taldearen zibersegurtasun maila eta diseinatu pertsona bakoitzera egokitutako hobekuntza-plana.
Zure taldea, zure lehen defentsa-lerroa.
Lagunduko dizugu!
Zure enpresari egokitutako diagnostiko profesionala eta zibersegurtasuna hobetzeko plana
Zibersegurtasuneko gaitasun digitalak hobetzeko, azterketa zorrotza eta orientazio aditua behar dira. Horregatik, laguntza hori SPRIk gaitutako Aholkularitza Espezializatuen sare batean oinarritzen da, zibersegurtasun arloko gaitasun tekniko handia eta esperientzia handia dutelako hautatuak.
Erakunde horiek beharrezko ezagutza dute zure taldearen gaitasunak zehaztasunez ebaluatzeko, arriskuak identifikatzeko eta hobekuntza plan pertsonalizatua diseinatzeko, IKANOS metodologia eta Europako DIGCOMP esparrua aplikatuz, ikuspegi praktikoarekin eta emaitzetara bideratuta.
Izan konfiantza profesional talde honetan, segurtasun digitala indartzen lagunduko dizute, zure plantillaren trebakuntzatik hasita.
Zibersegurtasuneko Gaitasun Digital Profesionalak Programa eskatzeko argibideak
Aholkulari espezializatuen laguntza jasotzeko aukera eskaintzen dizugu, egungo egoera aztertzeko eta zure erakundea osatzen duten pertsonen zibersegurtasuneko gaitasun digitalak hobetzeko ekintza-plana diseinatzeko.
1
Hasiera
Identifikatu eta zehaztu zibersegurtasuneko zure beharrak SPRIk gaitutako erakundeen artean zure enpresak hautatutako aholkularitza-enpresa espezializatu baten laguntzarekin.
2
Definizioa
Zehaztu aukeratutako aholkularitza-enpresak prestatutako laneko plana. Honako hauek jasoko ditu planak:
- Proiektua egingo duten langileen kopurua.
- Gauzatzeko egutegia.
- Lortu nahi diren helburuen memoria
3
Laguntza-eskaera
Bete laguntza-eskaera zehaztutako proiektua erantsita. Laster jasoko duzu ebazpena.
4
Ezarpena
Jarri martxan zure proiektua.
5
Likidazio-eskaera, emaitzak
Zure proiektua gauzatu ondoren, bete ezazu likidazio-eskaera, egindako proiektuaren txostenak erantsita. Laster jasoko duzu ebazpena.
Zalantzak argitu
Kargatzen...
Zure eskaera aurkeztu aurretik laguntzarik behar duzu?
Bete formularioa eta zure kontsultari modu pertsonalizatuan erantzungo diogu.
Eskuratu orain zure enpresaren zibersegurtasuna hobetzeko laguntzak
Zibersegurtasuneko Gaitasun Digital Profesionalen programako dirulaguntzak eskuratzeko, bete zure eskaera.
Zure Eraldaketa digitala-proiektua bultzatzeko laguntza-programak diseinatzen ditugu
Datuaren Heldutasunaren Diagnostikoa Programa
Nola kudeatzen dituzu zure enpresako datuak? Jaso aholkularitza espezializatua haiek antolatzeko, balioa ateratzeko eta adimen artifizialaren erabilerarako bide
Berreskurapen, Eraldaketa eta Erresilientzia Plana, Europar Batasunak finantzatua (Next Generation) Eskatu hemen Smart Industry Programa
Teknologia-transferentzia kuantikoak I+Gko eragileetatik industriako enpresetara
Teknologia kuantikoak Euskadiko industria-ehundurara hurbiltzen dituzten proiektuentzako laguntza, I+Gko enpresen eta eragileen arteko lankidetzaren bitartez. Laguntzak kostuen % 25era arte hartzen du barne, 150.000 €-ko mugarekin proiektu bakoitzeko eta 200.000 €-ko mugarekin enpresa bakoitzeko. Epea itxita Banda Zabal Ultralasterra programa
Konektibitate ultralasterra, arin eta etenik gabe lan egiteko
30.000 €-rainoko diru-laguntzak Banda Zabal Ultrazabalaren Sareetarako azpiegiturak hedatuko dituzten proiektuak garatzeko, konektibitatea eta enpresen lehiakortasuna handitzeko helburuarekin. Epea itxita Renove Smart Industry programa
Industria Adimendunerako ekipoak eta softwarea erosteko eta berritzeko laguntza
75.000 €-rainoko laguntzak enpresako Hardwarea eta Softwarea erosteko. Fabrikazio aurreratua, Fabrikazio gehigarria, Robotika industriala, Internet of Things, Adimen Artifiziala, Sistema ziber-fisikoak, Errealitate birtuala eta areagotua, Digital Twins… 2024 epea itxita Enpresa Zibersegurtazuna programa
Zure enpresa zibererasoetatik edo datu filtrazioetatik babestea
Itzuli beharrik gabeko 23.000 € arteko dirulaguntzak, Euskadiko enpresen zibersegurtasuna hobetzeko zibererasoen eta informazio sentiberaren lapurreten aurrean, espezializatutako hornitzaileen laguntzarekin. Epea itxita Kloud programa
Migratu zure zerbitzu digitalak hodeira haien eskuragarritasuna eta segurtasuna handitzeko
Enpresa eta urte bakoitzeko 50.000 € arteko itzuli beharrik gabeko dirulaguntza Euskadiko enpresetako areto teknikoetan edo CPDetan dauden zerbitzuak edo azpiegiturak Cloud ingurune komertzialetara migratzeko. Epea itxita Gaitasun Digital Profesionalak Programa
Lehiakortasuna hobetzeko Gaitasun Digital Profesionalei buruzko aholkularitza
Euskadiko enpresak osatzen dituzten pertsonen gaitasun digital profesionalak aztertzeko eta hobetzeko IKANOS sistema ezartzeko laguntzak. Epea itxita Industria digitala programa
Eraldaketa Digitalera aurrera egiteko teknologia digital eta iraunkorrak ezartzeko programa
Urtean 23.000 euroraino zure enpresak behar dituen EIKTen diagnostikorako eta ezarpenerako. Bere baitan hartzen ditu aholkularitzako eta ingeniaritzako gastuak eta hardwarea edo softwarea erosteko gastuak. Epea itxita SOCak eta Ziber arloko ziurtapenak
Hobetu zure enpresaren segurtasun informatikoa eta bete itzazu zibersegurtasun-estandar zorrotzagoak
25.000 €-rainoko dirulaguntzak enpresa bakoitzeko, zibersegurtasunarekin lotutako proiektuetarako, azpiegiturak zaintzeko SOC zerbitzuak kontratatzea eta segurtasun-arauen ziurtagiriak lortzea barne, hala nola ISO 27001 Epea itxita Adimen artifizial aplikatua programa
Euskal enpresetan Adimen Artifizialaren soluzioak eta kudeaketa estrategikoa ezartzeko programa
Itzuli beharrik gabeko 100.000 eurora bitarteko dirulaguntzak, Adimen Artifizialaren eta Datuaren erabilera sustatzeko, prozesu sortzaileen efizientzia eta oro har zure enpresarena hobetzeko. Epea itxita Enpresa digitala
EIKTak negozio-prozesuetan ezartzeko prestakuntza
Prestakuntza agenda: tailerrak, ikastaroak, kongresuak, mintegiak eta hitzaldiak hainbat gairi buruz (Zibersegurtasuna, Adimen Artifiziala, Ikusmen Artifiziala, Marketin Digitala, Machine Learning…) Eman izena hemen BIND
Startupak eta industria-enpresak konektatzen ditugu, elkarrekin irtenbide berritzaileak sor ditzaten
Munduko edozein tokitako startup-entzat, baldin eta Industria Adimendunaren arloko teknologia berrietan oinarritutako produktu/zerbitzuak badituzte. Munduko lehen azeleragailua, aukera ematen diena startup-ei harremanetan jartzeko goi-mailako bezero industrialekin. Eskatu hemen BAIT / IT Txartela
Gaitasun Digitaletako Ziurtagiriak
Edozein pertsonak eskuratu ditzake eta helburutzat dute Informazio Teknologiei buruzko ikaskuntza sustatzea eta IKT arloko gaitasunak objektiboki ebaluatzea. Eskatu hemen Barnetegi Teknologikoa
EIKTetan espezializatutako prestakuntza intentsiboko programa zuzendaritza-taldeentzat
Egun osoko prestakuntza-jardunaldiak, espresuki pentsatuak IKTen balioa transmititzeko, balio hori parte-hartzaileen ikuspegiarekin aberasteko, sinergiak, ideiak eta proiekzioak sortzeko eta antolakundeen mugimendu-ildo estrategikoak definitzeko. Eman izena orain Mikroenpresa digitala
