Industria digitala 2025

Bultzatu zure enpresaren eraldaketa digitala informazioaren eta komunikazioaren teknologien bidez

Epea itxita Sartu zure espedientean. Sartu hemen.

Industria Digitala 2025

Digitalizaziorako laguntzak, euskal enpresnen lehiakortasuna sustatzeko, teknologia digital eta jasangarrien bitartez

Industria Digitala programaren helburua euskal enpresa guztiak bultzatzea da, lehiakortasuna areagotzeko behar dituzten baliabideak eta aholkularitza pertsonalizatua eskeiniz, teknologia digital eta jasangarrien bitartez, merkatuan duten posizionamendua hobetzeko lehiakortasun abantailak garatu ahal izateko.

Teknologien bilakaera azkarra eta etengabea da.  Ondorioz, enpresa askok zailtasunak dituzte teknologia hauek beharrezko abiaduran ezartzeko. Horregatik, Industria Digitala programak 23.000 € arte eskaintzen ditu urte eta enpresa bakoitzeko, EIKTak diagnostikatu eta/edo beren produktu, prozesu eta zerbitzuetan ezartzeko proiektuetarako. Hau da, bere balio-katean txertatzeko.

Proiektu horiek hainbat arlotakoak izan daitezke: Big Data, errealitate birtuala, biki digitalak, smart factory, merkataritza elektronikoa, enpresen kudeaketako sistemak, produktuaren bizi-zikloaren kudeaketa.

Eraldaketa digitalari aurrera egiteko aukera, teknologia digital eta iraunkorren bidezko konponbideak garatuz eta ezarriz, enpresa-erronka garrantzitsuenei aurre egin ahal izateko.

Eskatu Industria Digitala laguntza metodoarekin. Hasi hemendik.

Izapidetzea hasi aurretik, ziurtatu argi duzula zer behar duzun eta nola prestatu behar duzun. Gida hau informazioa antolatzeko, funtsezko eskakizunak identifikatzeko eta prozesuan zehar segurtasunez aurrera egiteko lagungarria da.

Epeak

Hasiera data: 2025-03-18
Amaiera data:
2025-10-31, 23:59retan

Diagnostiko-proiektuak eta/edo EIKTen ezartzea

Automatizazio eta monitorizazio industriala

Sentsorika, SCAD, zerbitizazioa, prozesuen automatizazioa, BIG DATA eta Blockchain.

Errealitate birtuala

Errealitate birtuala, handitua, mistoa eta ikusmen artifiziala.

Biki digitalak

Prozesu industrialen simulazioa, elkarrekin uztartuko direlarik gaitasun fisikoak eta birtualak.

Dokumentu elektronikoen zaintza

Epe luzean datuak gordetzeko zerbitzuak.
Europako eIDAS erregelamenduko TS 119 511 (2019/06) eta TS 119 512 (2020/01) estandarren arabera.

Energia-kudeaketa

Energia-eraginkortasunaren eta deskarbonizazioaren kudeaketa hobetzen duten tresna digitalak.

Biltegien kudeaketa

Biltegia kudeatzeko sistemak (SGA/WMS), inbentarioa eta hornidura-katea eraginkortasunez kudeatzeko.

Merkataritza elektronikoa

ERParekin integratuta dauden erosketa elektronikoak, salmenta elektronikoak eta B2B edo B2C proiektuak.

Ekoizpena, analisia eta erabakiak hartzea

Produkzioa hobetu edo automatizatzen duten eta analisia garatzea eta erabakiak hartzea errazten duten proiektuak.

Business Intelligence

Business Intelligenceren txostenak bistaratzeko sistemak ezartzea eta sistema horiek datu-iturri desberdinekin integratzeko beharrezko lanak egitea.

Eta, gainera, zure enpresa ETE bat bada:

Enpresa-kudeaketa sistemak

Enpresaren kudeaketa aurreratuko sistemak, adibidez: ERPak, Business Intelligence, SMC, Mantenimendu prebentiboa, Hornikuntza-katearen kudeaketa logistikoa.

Life cycle

Produktuaren bizi-zikloaren kudeaketa (CAM CAE, PDM, DMF motako aplikazioak ezartzea).

Bezeroen kudeaketa

CRM proiektuak ezartzea, bezeroekiko harremanen kudeaketa optimizatzeko.

Aurreko edizioko zifrak:

0

Lagundutako proiektuak

0 M€

Onartutako diru-laguntza

0 M€

Eragindako inbertsioa

1.629 euskal enpresak eta haien 1.815 proiektuk jaso dituzte SPRI Taldeak 2024an euskal ETEak digitalizatzeko eman dituen 18,683 milioi euroak, bere sei dirulaguntza-programaren bitartez.

Zer eskaintzen du?

Urtean 23.000 euroraino  zure enpresak behar dituen EIKTen diagnostikorako eta ezarpenerako

Teknologia digital horiek arrakastaz ezarri ahal izateko beharrezko ezagutzak dituzten EIKT arloko espezialista baten laguntza izango duzu.

Jaso laguntza pertsonalizatua zure eraldaketa digitalean, eta eskuratu zure enpresaren ekoizpen- eta kudeaketa-prozesuak optimizatzeko beharrezkoak diren gaitasunak.

Gehitu sentsoreak zure makinei prozesuak automatizatzeko eta emaitzak neurtzeko. Txertatu SCADA eta BIG DATA eraginkortasuna eta denbora errealean erabakiak hartzeko prozesua hobetzeko. Bermatu Ziurtatu blockchain bidez eta eraldatu zure negozioa serbitizazioarekin.

Bizkortu zure proiektuen garapena prototipaketako eta probak egiteko eredu birtualekin. Aprobetxatu errealitate birtuala, areagotua eta mistoa, ikusmen artifizialarekin batera, zure diseinuak fabrikatu aurretik simulatzeko, baliozkotzeko eta optimizatzeko.

Optimizatu energia-kontsumoa eta murriztu karbono-aztarna energia-kudeaketako tresna digitalekin. Hobetu eraginkortasuna eta egin deskarbonizaziorantz aurrera zure beharretara egokitutako soluzioekin.

Bermatu zure dokumentazioaren segurtasuna eta legezko balioa zaintza digitaleko sistema baten bidez. Babestu zure funtsezko dokumentuen segurtasuna, autentikotasuna eta trazabilitatea sarbidearen eta kokapenaren kontrolarekin. Eta ziurtatu dokumentuak epe luzera begira mantenduko dituzula datuak gordetzeko zerbitzuekin.

Optimizatu eta gainbegiratu zure eragiketa logistikoak biltegiko kudeaketa-sistema batekin. Kontrolatu inbentarioa eta hornikuntza-katea eraginkortasuna eta trazabilitatea hobetzen duten SGA/WMS soluzioekin.

Zabaldu zure merkatua eta bihurtu bezeroak leial onlineko salmenta-kanalaren bidez. Ezarri zure ERPrekin integratutako B2B edo B2C merkataritza elektronikoko soluzioak, erosketa eta salmenta elektronikoen kudeaketa optimizatuz eraginkortasuna hobetzeko eta negozio-aukera berriak erakartzeko.

Ezarri txostenak bistaratzeko sistemak eta egin hainbat datu-iturritan integratzeko beharrezko lanak, zure negozioaren kudeaketa optimizatzeko informazio zehatza, eguneratua eta irisgarria ziurtatuz.

Zure enpresa ETE bat bada, honako hauek ere egin ahal izango dituzu:

Diruz laguntzen dugu ERP bat edo enpresa-prozesu osagarriak kudeatzeko beste sistema batzuk ezartzea, hala nola hornidura-katearen kudeaketa edo mantentze-lanetako laguntza teknikoa (LTZ), bai eta horien arteko integrazioa ere.

Maximizatu zure produktuen balioa bizi-ziklo osoan, produktuaren bizi-zikloa kudeatzeko soluzioekin (PLM). Ezarri CAM, CAE, PDM eta DMF tresnak diseinutik hasi eta merkatutik atera arte optimizatzeko, etapa bakoitzean eraginkortasuna eta trazabilitatea hobetuz.

Hobetu zure bezeroen kudeaketa CRM sistema bat ezarriz. Ezarri merkataritza-harremanak optimizatzeko, informazioa zentralizatzeko eta arreta hobetzeko estrategia eraginkorra, negozioaren fidelizazioa eta hazkundea indartuz.

Ezagutu xehetasunez programa hau

2025ko Araudia
Norentzat da?

Zure enpresa eraldatu nahi duzu?

Euskal Autonomia Erkidegoan jarduera-zentro bat duten eta hala eskatzen duten enpresa guztiek, haien sektorea edozein izanda ere, lehiakortasuna eta merkatuan duten posizionamendua hobetu ahal izango dute, beren neurrira egindako EIKT soluzioak ezarriz.

Industria Digitala EIKTen erabilera sustatzeko diseinatu da, euskal enpresen eraldaketa digitala sustatzeko

Gastu hautagarriak

Teknologia eta eraldaketa digitala zure enpresa etorkizunerantz bultzatzeko

Zure enpresan soluzio digital aurreratuak ezartzeko beharrezkoak diren aholkularitza- eta ingeniaritza-gastu guztiak diruz laguntzen dira. ERP, CRM eta Business Intelligence integratzea, prozesuen automatizazioa, produktuaren bizi-zikloaren kudeaketa edo optimizazio logistikoa, EIKT-etako espezialistek emandako laguntza barne, eraldaketa digital eraginkorra eta zure beharretara egokitua bermatzeko.

Ezarri beharreko teknologietan espezializatutako kanpoko enpresa batek eskaini behar du aholkularitza- edo ingeniaritza-zerbitzua.

Aholkularitza- eta/edo ingeniaritza-gastuak, gutxienez, proiektutik diruz lagun daitekeen oinarriaren % 50ekoak izango dira.

Ekipo, lizentzia eta tresna teknologikoak eskuratzeak lotura zuzena izan behar du negozioaren eraldaketa digitalarekin, eta proiektuaren baitan integrazio eta funtzionamendu ezin hobea dituela bermatu behar da.

Zure enpresaren kudeaketa eta produkzioa modernizatzeko funtsezko hardwarea eta softwarea erosteko dirulaguntzak emango dira. Besteak beste, zerbitzariak, IoT gailuak, sentsoreak, biltegiratze-sistemak, kudeaketarako softwarea (ERP, CRM, Business Intelligence), automatizazio-plataformak eta beste hainbat biltzen ditu, betiere ezinbestekoak badira proiektua garatzeko.

SAAs (Software as a Service) formatuko kudeaketarako aplikazioetarako lizentzien kostua diruz lagunduko da gehienez 12 hilabetez, betiere lehen aipatutako tipologiekin bat datorren proiektu baten parte badira.

Ehuneko hauek aplikatuko zaizkio proiektuarekin lotuta diruz lagun daitekeen oinarriko gastu hautagarrietako bakoitzari:

  • Mikroenpresak eta enpresa txikiak: % 50.
  • Enpresa ertainak: % 35.
  • Enpresa handiak: % 25.
Ohiko galderak

Atal hau irakurtzea gomendatzen dizugu. Berrikusketa azkarra egitea lagungarria izango da programaren alderdi operatiboak hobeto ulertzeko.

Eskakizunak, epeak, dokumentazioa eta prozedurak: argitu hemen laguntza eskatu aurretik izan ditzakezun zalantza nagusiak.

Kargatzen...

Zalantzaren bat duzu?

Euskal enpresarentzako arreta zerbitzua.

Deitu 900 929 393-ra

Eskatu hemen

Zure eskaera aurkeztu aurretik laguntzarik behar duzu?

Bete formularioa eta zure kontsultari modu pertsonalizatuan erantzungo diogu.


  • SPRI-Enpresen Garapenerako Euskal Agentziak, datuen tratamenduaren arduradun gisa, zure datu pertsonalak biltzen ditu gure zerbitzu eta programekin zerikusia duten zerbitzuak emateko. Eskubidea duzu edozein unetan zure adostasuna erretiratzeko, tratamendua aurkatzeko, zure datuak eskuratu, zuzendu eta ezabatzeko, eta orobat beste eskubide batzuk erabiltzeko. Horretarako, posta elektroniko bat bidali beharko duzu lopd@spri.eus helbidera. Era berean, Datu Pertsonalen Babesari buruzko informazio gehigarriaren eta xehearen berri izateko, jo Pribatutasun politika atalera. “Bidali” botoia klikatuz adostasuna emango duzu zure datuak trata daitezen gorago adierazitako baldintzetan.

Eskuratu orain zure enpresa digitalizatzeko laguntzak.

Bete zure eskaera INDUSTRIA DIGITALA programako dirulaguntzak eskuratzeko.

2025 epea itxita

Sartu zure espedientean. Sartu hemen.

Izapidetzea hasi aurretik, ziurtatu argi duzula zer behar duzun eta nola prestatu behar duzun. Gida hau informazioa antolatzeko, funtsezko eskakizunak identifikatzeko eta prozesuan zehar segurtasunez aurrera egiteko lagungarria da.

Lotutako laguntzak

Zure Eraldaketa digitala-proiektua bultzatzeko laguntza-programak diseinatzen ditugu