Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 19 maiatza, 2020 Digitalizazioa Enpresa digitala

SPRI Taldearen mikroETE eta autonomoentzako “Inplantalariak” aholkularitza-zerbitzua normaltasunera itzuli da eta bere ohiko laguntza arloak eskaintzen hasi da berriro

Mantendu egin du martxoan Covid-19aren ondorioz irekitako telelanari buruzko aholkularitza espezifikoa

 

Mantendu egin du martxoan Covid-19aren ondorioz irekitako telelanari buruzko aholkularitza espezifikoa

 

SPRI Taldearen Inpantalariak zerbitzua, mikroETE eta autonomoei tresna teknologikoen erabilpenari buruzko aholkularitza ematen diena, normaltasunera itzuli da berriro; hala, bere ohiko laguntza arlo guztiak berrabiarazi ditu eta mantendu egin du martxoan Covid-19aren ondorioz irekitako telelanari buruzko aholkularitza espezifikoa.

 

Inplantalariak zerbitzuko lantaldeak aholkularitza ematen die eskatzaileei eurentzat egokienak diren tresna teknologikoei buruz. Horietako gehienak doakoak dira, eta lagungarri dira negozioak prestatuago egon daitezen ondoko hauetarako:

  • Salmentak ugaritzeko; bitarteko digitalen bidez salmenta kanal berriak irekiz
  • Bezero berriak atzemateko; kanpaina zuzenduen bidez, enpresak sustatuz bezero potentzialek bilatzen dituzten tokietan
  • Bezeroekin digitalki elkarreragiteko, euren premiak ezagutzeko eta, horrela, euren eskaerei aurre hartzeko, eta zerbitzu bereizgarri batekin leialdu ahal izateko
  • Kostuak eta denborak aurrezteko; eskuz egiten diren zereginak edo zeregin errepikakorrak sinplifikatuz edo ezabatuz
  • Eraginkorrago izateko; lan kolaboratiborako eta telelanerako bitartekoak eta tresnak eskuratuz
  • Edozein tokitan bulego bat izateko, urruneko sarbideekin, bilera telematikoekin eta zereginen kudeatzaileekin, horrela lantaldeak edozein tokitatik zuzentzeko
  • Zerbitzua bizkortzeko; smartphone-ak bulego mugikor gisa erabiliz, eta zereginak automatizatuz gizakiaren esku-hartzerik beharko ez duten sentsoreekin edo aginduekin
  • Zure enpresa segurtatzeko, zibererasoen inpaktua saihestuz
  • Zure negozioa lehiakideengandik bereiziko duten teknologia gorakor berriak ezagutzeko, hala nola, errealitate birtuala (prestakuntza emateko edo makinen mantenimendua egiteko), mikroenpresei aplikatutako sentsoreak (energia eraginkortasuna lortzeko) edo piezen jarraipena egiteko gailuak.

 

Azken urteotan, EAEko 7.500dik gora mikro-enpresa eta autonomok arrakasta handiz probatu dituzte teknologia horiek. Teknologia horiei esker, salmentak ugaritu dira (kasuen % 37an), gehiago aurreztu da (kasuen % 45ean), barne-kudeaketa optimizatu denez, zerbitzu hobea eman zaio bezeroari (kasuen % 50ean), eta horrela bezeroa leialdu da (kasuen % 20an), bezero berri gehiago atzeman dira (kasuen % 60an) eta markaren irudia hobetu da (kasuen % 75ean).

 

Gaur egungo zerbitzuak doako saio telematikoak eskaintzen ditu (bideo-deia eta urruneko sarbidea), ardatz harturik enpresen digitalizazioan inpaktu handiena duten eta enpresari lehiakortasuna ematen dioten intereseko eremuak.

 

Inplantalariak zerbitzua eskuratzeko izen-emate inprimakia bete behar da. Inprimakia betetakoan, enpresak doako aholkularitza jasoko du, konpainiarentzat aproposena den teknologiaren erabilpen eraginkor eta errealean esperientzia zabala duen aholkulari talde baten eskutik, modu sinple eta azkar batean eta inolako kosturik gabe.

 

Alarma egoera hasi zenetik, 600dik gora eskaera atenditu dira, enpresek telelana euren egunerokotasun profesionalean txertatzean izan dituzten zailtasunak konpontzeko.

 

Zerbitzuak hainbat konponbide teknologikori buruzko aholkuak eman ditu telelanaren arloan, besteak beste, hauek: erabiltzaile anitzeko bideo-konferentzien bidez urruneko komunikazioa edo bilerak ahalbidetzen dituzten zerbitzuak, urruneko sarbidea (hau da, etxetik enpresako ekipoetara sartzeko aukera) eta kudeaketa kolaboratiboa (hots, lantalde bateko kide guztiek aukera izatea dokumentuetan aldi berean sartu eta manipulatzeko). Era berean, aholku gehienak izan dira zibererasoen inpaktua murrizteko jarraitu beharreko urratsei buruzkoak.

 

Azken asteetan, zerbitzu teknologikoak eskaintzen dituzten enpresek interesa erakutsi dute zerbitzu honekin kolaboratzeko, eta bizi dugun egoera berezi honen aurrean, euren ordainpeko konponbideak eskaini dituzte baldintza abantailatsuetan.

Lotutako albisteak

18 Marzo, 2024 Digitalizazioa
Datozen hilabeteetan mantendu edo hobetu egingo direla aurreikusten dute euskal industriako sektoreek
Irakurri gehiago
14 Marzo, 2024 Digitalizazioa
Fulsion, herritarrei arreta emateko eragile adimendunak eskaintzen dituen euskal ETEa
Irakurri gehiago
14 Marzo, 2024 Digitalizazioa
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Irakurri gehiago
11 Marzo, 2024 Digitalizazioa
Soy Atenea, optiken eta bezeroen arteko harremana azkartzen duen Gipuzkoako startupa
Irakurri gehiago
KUIK DIGITAL SOLUTIONS 8 Marzo, 2024 Digitalizazioa
‘Kuik Digital Solutions ‘: Diversiusek eta Lautikek bat egin dute 360º software eta IT zerbitzuak eskaintzeko
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak