Euskal enpresaren blog-a Zure enpresarentzat garrantzitsua den eguneroko informazioa

28 iraila, 2017
Sabbatic aplikazioak automatikoki kudeatzen ditu enpresako gastuak

Sistema horrekin BIH araua betetzen da.

 

Zeregin neketsua da tiketak eta fakturak kontabilizatu eta kudeatzea, baina Sabbatic aplikazioarekin bukatu da hori, ikusmen eta adimen artifizialean oinarritutako sistema bat baliatzen baitu horretarako. Sistema horrek paperean dagoen edozein informazio digitalizatzen eta kontrolatzen du; datu garrantzitsuak identifikatu eta erauzten ditu eta automatikoki sartzen ditu enpresako kudeaketa softwarean. Nahikoa da argazki bat ateratzea, ez dago zenbaki bat bera ere tekleatu beharrik.

 

Hiru euskal ekintzailek bultzatu dute proiektua, Paul San Sebastián, Arkaitz Bastida eta Oier Marigilek hain zuzen, eta Estatuko Ogasunak eta Foru Ogasunek homologatu dute. “Sabbatic sistemak automatikoki erauzten du tiket eta fakturen informazio guztia. Baina gainera, homologatuta dagoenez, papera birziklatu egin daiteke, digitalizatutako dokumentuak jatorrizkoen balio legal berbera duelako”, azaldu du Paul San Sebastiánek, Sabbatic ekimeneko negozio garapeneko arduradunak.

 

Ekimena 2013an jarri zen martxan, eta lehen 3 urteetan lantaldearen zeregin bakarra izan zen teknologia propioa garatzea, Ibermática, Vicomtech eta Tecnalia izan zituztelarik ondoan bazkide teknologiko gisa. “Apustu argia egin dugu irakurketa sendo eta fidagarria eskaintzen duen teknologia bat lortzeko, eta geuk garatu dugunez, aukera izan dugu tresna sinple eta usagarria sortzeko” azaldu du Paul San Sebastiánek, “bestalde, geurea da langile mugikorrentzat nahiz bulegoan daudenentzat erantzun bat eskaintzen duen merkatuko konponbide bakarra”.

 

Bateragarria da Berehalako Informazio Hornikuntzarekin

 

Datorren urtarrilean indarrean sartuko da SII (Berehalako Informazio Hornikuntza) arau berria, zeinak eskatzen baitu Ogasunari telematikoki igortzeko BEZaren Erregistro Liburuetako operazio guztiak. Estatuan uztailean jarri zen martxan neurri hori eta bakarrik bete behar dute urtean 6 milioi eurotik gorako operazio bolumena duten enpresek edo BEZaren Hileroko Itzulketa Erregistroan inskribatuta daudenek, eta helburutzat dauka gardentasun handiagoa lortzea. Sabbatic aplikazioak automatikoki digitalizatzen ditu datuak, beraz, BIH egiteko nahikoa da sortutako informazio hori Ogasunera bidaltzea.

 

Enpresak hainbat lorpen izan ditu -hala nola, BIH onartzea, urte hasieran lehen finantzaketa erronda bat eskuratzea eta Startinnova lehiaketan lehen saria irabaztea- eta horiek guztiak lagungarri izan dira pixkanaka enpresa handitzeko. Gaur egun, Sabbatic aplikazioa merkaturatze-fasean murgilduta dago, eta datorren urtean zabaltzen jarraitu nahi dute Estatu mailan, posizio hori sendotutakoan nazioarteko merkatura jauzi egiteko.

 

Sabbatic

nantek aplanet Wivo
Ekintzailetza 1 ekaina, 2020
Nantek euskal startupak Emprendedor XXI Saria irabazi du

Nantek, baliabide baliotsu batean nahi ez diren plastikozko hondakinak eraldatzen dituen Erandioko...Leer más

wake up eus
Ekintzailetza 29 maiatza, 2020
Beste albiste batzuk ekintzaileentzat. Asteko laburpena. Maiatzaren 25tik, 29rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

maría sáiz ehu upv
Ekintzailetza 28 maiatza, 2020
María Saiz: ‘Negozio ekintzaileen ia % 60 beren jarduerarekin jarraitu dute, hauetako % 48 telelanaren formatuan’

María Saizekin hitz egingo dugu, UPV/EHUko MBAe3 Masterreko zuzendaria eta EEB-OVEko zuzendari...Leer más

kentu
KENTUK laugarren industria iraultzarekin bat egin du

KENTU industria merkatuan 40 urte baino gehiago daramatzan HERREKOR ETEak egindako...Leer más

hodei cloud hodeicloud
Ekintzailetza 27 maiatza, 2020
HodeiCloud, BIC Bizkaia Ezkerraldeko inkubagailuan

Manuel Asís Managing, HodeiClouden zuzendaria: “BIC Bizkaia Ezkerraldea inkubagailua leku ezin...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?