Jangou, tokiko ostalaritzari laguntzeko aplikazioa

Doako tresna bat da, aukera ematen diena taberna eta jatetxeei euren eskaintza digitalizatzeko

Jangou aplikazio mugikorraren helburua da establezimendu txikiei euren lokalak ezagutarazten laguntzea, aukera ematen dielarik lokala mapan kokatzeko, menu eta eskaintzak bistaratzeko eta beren zerbitzuen berri emateko. Konektagarritasun arloko teknologietan espezializatutako Skura kooperatiba gipuzkoarrak sortu du aplikazioa tokiko merkataritzari laguntzeko.

Nola paperezko kartak erretiratu egin behar izan diren osasun arrazoiengatik, Jangou aplikazioak erraztasunak ematen dizkie establezimendu txikiei menuak digitalizatzeko eta euren zerbitzuak eskaintzen laguntzen die web edo aplikazio propioak sortu beharrik gabe. “Egungo egoera honetan, ikusi dugu inguruko establezimenduek badutela premia kolektibo bat”, azaldu du Maitena Urretabizkaiak, Skura Mobile kooperatibako sortzaile eta garatzaileak, “askok ez dute tresna digitalik, eta gure laguntza eskaini nahi izan diegu tresna sinple bat sortuz kartak digitalizatzeko eta tabernak mapa batean bistaratzeko”.

Euskadiko hainbat udalerri hasi dira Jangou ezartzen, batez ere Errenteria, non Udalaren eta Errenkoalde ostalaritza eta merkataritza elkartearen babesa izan baitu. Azken horrek euren negozioa aplikaziora igotzen laguntzen die establezimenduei, eta dagoeneko hogeitik gora dira ekimenarekin bat egin duten taberna eta jatetxeak.  “Indarrak batzea da proiektuaren asmoa” azaldu du Maitena Urretabizkaiak “uste dugu gure herrian lan egin eta bizi nahi badugu, tokian tokikoa babestu behar dugula eta konponbideak eskaini behar ditugula barrutik”.

Plataformarekin bat egin dute, besteak beste, Arrasate, Oñati eta Donostiako establezimenduek ere, eta erabili nahi duten saltoki eta ostalaritzako establezimendu guztiek dohainik eskura dezakete. Skura Mobile Arrasaten eta Errenterian kokatutako kooperatiba bat da, konektagarritasun arloko proiektuak garatzen dituena logistika, mugikortasuna, nekazaritza eta Gauzen Internet bidezko eguneroko objektuen digitalizazioa bezalako sektoreetarako.

Lotutako albisteak

24 apirila, 2024 Digitalizazioa

114 enpresak hartu dute parte Euskadiko industriaren digitalizazioa sustatzeko kongresuan

Irakurri gehiago

23 apirila, 2024 Digitalizazioa

SPRIk Hannover Messe 2024 azokan dauden Euskadiko enpresei lagunduko die

Irakurri gehiago

18 apirila, 2024 Digitalizazioa

Hobycasa, aurrez fabrikatutako egurrezko etxeen arloan liderra den Gasteizko enpresa

Irakurri gehiago

12 apirila, 2024 Digitalizazioa

Lau ekintzailek plataforma bat sortu dute 4.0. Industriako proiektuak online kudeatzeko

Irakurri gehiago

12 apirila, 2024 Digitalizazioa

ScrapAdek hondakinen salerosketa-prozesua errazten die mundu osoko enpresei

Irakurri gehiago

Joan blog-era