Urteko azken bilera egin du INDEUSek Spriko, Bizkaiko Foru Aldundiko eta Eusko Jaurlaritzako ordezkarien parte hartzearekin
Jon Ansoleaga, SPRIko zuzendari nagusiak, Joseba Mariezkurrena, Bizkaiko Foru Aldundian Ekintzailetza, Talentua eta Enpresen Lehiakortasuna Bultzatzeko zuzendari nagusiak eta Sonia Rodriguez, Eusko Jaurlaritzako Hizkuntza Ikerketa eta Koordinaziorako zuzendariak eman diote hasiera gaur goizean Bilboko Azkuna Zentroan egin den INDEUSen batzarrari; 2025.urtean plataformak egin duen azken topaketa izan da gaurkoa.
Erakundeetako ordezkarien agurraren ostean, Industriaren Euskal Plataformak bere 7 urteko ibilbidean egindakoak errepasatu dira, egindakoa ikusita hurrengo urteetako norabidea finkatzeko erreferentzia moduan. Talde-dinamika erabili da bileraren lehen atalean, partaideen ekarpenak jasotzeko.
Bigarren atalen berriz oso gai desberdinetako hiru aurkezpen egin dira:
- Katea Legaia enpresako Jaione Zubizarretak eta Patxi Gonzalezek enpresak garatutako Harrera Planerako gida aurkeztu dute, aniztasuna ardatz nagusi hartuta.
- HiTz zentroko irakasle den Aitor Soroak Latxa, euskararentzat inoiz eraikitako hizkuntza eredurik handiena eta sortu berri duten euskarazko Txatbota aurkeztu ditu.
- Eta Sorland enpresako Ioar Oteizak eta Peru Arrasatek azkenik, Markai aurkeztu dute, Orai-ko Iñaki San Vicenterekin Markai , edozein markaren inguruan hedabide digitaletan sortzen den irudia denbora errealean aztertzen duen tresna aurreratua da.
Gaurko bileran ikusi, aztertu eta eztabaidatutako gaietatik aterako dira datorren urterako ezarri beharreko erronkak.
INDEUS Industriaren Euskal Plataforma Spri-Enpresen Garapenerako Agentziak, Energiaren Euskal Erakundeak, Hizkuntza Politikako Sailburuordetzak eta Arabako, Bizkaiko eta Gipuzkoako foru-aldundiek bultzatzen duten ekimena da. Euskaraz lan egitea erabaki duten enpresa industrialei laguntzeko sortu zen ekimena, euskarazko produktu eta zerbitzuak lortzeko bideak landuz. Eta ibilbide horretan, Indeusek euskararen presentzia txikia duten enpresei ere ireki dizkio ateak, aurrekoen eskarmentua baliatuz besteen eredu bihurtzeko.
50 partaide: ALBERDI, AMPO, ASLE, BASQUE AUTOMATION, BATZ, BIELE GROUP, BIOLAN, BRTA, CAF, CEIT, CIKAUTXO, COPRECI, DANOBATGROUP, EGA MASTER, EGA SOLUTIONS, EGOIN, EIKA, EKIN, ELAY, ENERGIA KLUSTERRA, ESLE ELKARTEA, EUSKADIKO ITSAS KLUSTERRA, FAGOR, GAIA KLUSTERRA, GISLAN, GKN, GOIZPER, IKERLAN, I+MED, INNOBASQUE, KIMUA GROUP, LARRAIOZ TALDEA, LEYCOLAN, MAIER, METAPOSTA, MITXELENA, OREKA IT, ORKLI, ORONA, PETRONOR, SISTEPLANT, TECNALIA, ULMA, VICOMTECH.
Lankidetza Sarea: SOZIOLINGUISTIKA KLUSTERRA, EUSKALIT, LABORAL Kutxa, LANGUNE, PUNTUEUS eta EUSKORPORA.
