Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 23 otsaila, 2024 Euskara industrian Indeusberri

2024an ardatz izango dituen gaiak finkatu ditu INDEUSek, Ekin eta Gislan enpresei ongietorria eman dien Batzar Orokorrean

Eibarko Markeskua Jauregiak hartu du Industriaren Euskal Plataformaren urteko bilera nagusia, non Hizkuntza Politikarako Sailburuordeak eta Spriren Zuzendari Nagusiak parte hartu duten, Plataformako kide eta hainbat gonbidaturekin batera.
INDEUS argazkia_Batzar Orokorra

Urtea hastearekin batera egiten du Industriaren Euskal Plataformak bere Batzar Orokorra. Aurten otsailaren 23.a izan da aukeratutako eguna eta Eibarko Markeskua Jauregia topagunea.

Miren Dobaran, Hizkuntza Politikarako Sailburuordea eta Aitor Urzelai, Spriren zuzendari nagusia izan dira bileraren buru. Atzo bertan onartu zen Euskal Sektore Publikoan Euskararen Erabilera Normalizatzeko Dekretua izan du hizpide Sailburuordeak, baita urtarrilean egindako Languages Lanean kongresuak emandakoak ere. Spriren Zuzendari Nagusiak bere aldetik, Plataformaren ibilbidearen errepasoa egin du. Ekimenaren lehen urratsak 2018an eman baziren ere, 2019a izan zen INDEUSen izena, izana eta irudia sortu ziren urtea. Horrenbestez ekimenak aurten ospatuko du bere 5.urteurrena.

Inoizko topaketarik jendetsuena izan da gaurkoa, izan ere INDEUSeko kideez gain, zenbait enpresa eta eragile ere gonbidatuak izan baitira, besteak beste Soziolinguistika klusterra edota Laboral Kutxa. Iaz hartutako konpromisoei erantzunez, Plataformaren “laguntzaile sarea” osatzen hasteko lehen urratsa eman da gaur eurekin.

Enpresa berrien atalean, gaurkoan bi enpresari eman zaie ongietorria, EKIN eta GISLANi:

  • EKIN 1963an sortutako kooperatiba da, gaur egun ijezketa eta brotxaketa makina eta erreminten fabrikatzaile garrantzitsuenetako bat, Amorebieta-Etxanon kokatua.
  • GISLAN datuen zientzia aplikatuz soluzioak eskaintzen dituen kooperatiba da. Lurraldea ezagutzeko prozesamendua eta analisi gaitasuna dira Andoainen egoitza duen enpresaren berezitasuna.

INDEUSen eginkizunetan sartuta, joan den urtean hasitako bideari jarraituz, enpresetan derrigorrezko ikuskaritzak egiten dituzten enpresekin lanean jarraituko du plataformak Jaurlaritzako industria segurtasuneko zuzendaritzarekin lankidetzan, ikuskaritzok euskaraz egiteko aukera bermatzea lortzeko. Halaber, Euskadiko erakunde publiko eta pribatu askok erabiltzen dituzten softwareetan euskara hizkuntza estandar egiteko kanpainarekin jarraitzeko erabakia ere hartu da.

Zer da Indeus?

INDEUS Industriaren Euskal Plataforma Spri-Enpresen Garapenerako Agentziak, Energiaren Euskal Erakundeak, Hizkuntza Politikako Sailburuordetzak eta Arabako, Bizkaiko eta Gipuzkoako Foru Aldundiek bultzatzen duten ekimena da. Euskaraz lan egitea erabaki duten enpresa industrialei laguntzeko sortu zen ekimena, euskarazko produktu eta zerbitzuak lortzeko bideak landuz. Eta ibilbide honetan, INDEUSek euskararen presentzia txikia duten enpresei ere ireki dizkio ateak, aurrekoen eskarmentua besteen eredu izango delakoan.

Partaideak

36 dira Industriaren Euskal Plataforman parte hartzen ari diren enpresak eta elkarteak: AMPO, BATZ, BIELE GROUP, BRTA, CAF, CEIT, CIKAUTXO, COPRECI, DANOBATGROUP, EGA MASTER, EGA SOLUTIONS, EGOIN, EIKA, EKIN, ELAY, ENERGIA KLUSTERRA, ESLE ELKARTEA, EUSKADIKO ITSAS KLUSTERRA, FAGOR, GAIA KLUSTERRA, GISLAN, GOIZPER, IKERLAN, I+MED, INNOBASQUE, LEYCOLAN, MAIER, METAPOSTA, OREKA IT, ORKLI, ORONA, PETRONOR, SISTEPLANT, TECNALIA, ULMA CONSTRUCCIÓN eta VICOMTECH.

Erakunde publikoak, berriz, sei: Eusko Jaurlaritzaren Hizkuntza Politikako Sailburuordetza, Spri-Enpresen Garapenerako Agentzia, Energiaren Euskal Erakundea eta Arabako, Bizkaiko eta Gipuzkoako Foru aldundiak.

Lotutako albisteak

12 apirila, 2024 Euskara industrian
IndeusBerri: industria eta euskara uztartzen dituen informazioaren topagunea
Irakurri gehiago
5 apirila, 2024 Euskara industrian
IndeusBerri: industria eta euskara uztartzen dituen informazioaren topagunea
Irakurri gehiago
22 Marzo, 2024 Euskara industrian
IndeusBerri: industria eta euskara uztartzen dituen informazioaren topagunea
Irakurri gehiago
15 Marzo, 2024 Euskara industrian
IndeusBerri: industria eta euskara uztartzen dituen informazioaren topagunea
Irakurri gehiago
Korrika GDANSK 14 Marzo, 2024 Euskara industrian
Spri Taldeak KORRIKA egingo du hemen eta AEBn, Polonian, Txekian, Alemanian, Indian, Japonian, Korean eta Brasilen
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak