17 startupek 24 proiektu teknologiko garatuko dituzte 21 euskal enpresa liderren eskutik
17 startupek 24 proiektu teknologiko garatuko dituzte aurten 21 euskal enpresa liderren eskutik, Eusko Jaurlaritzak SPRI Taldearen BIND ekimenaren bidez emandako bultzadari esker. Aurten, 2016az geroztik 240 startupi lagundu dien eta 310 proiektu garatu dituen programa publiko-pribatuaren bederatzigarren edizioa egingo da.
Proiektu horietan oinarrituta sortutako soluzioak uztailaren 3an aurkeztuko dira BIND Demo Day topaketan. Urteko topaketa horretan, startupen eta Euskadiko erreferentziazko enpresa handien arteko lankidetzari esker sortutako azken berrikuntza teknologikoak erakusten dira.
Aurretik, otsailaren 6an, osteguna, azelerazio-jarduerak hasiko dira, honako hauek barnean hartuta: mentoring-zerbitzuak, tailerrak, inbertitzaileekiko konexioa eta euskal industriaren ekosisteman murgiltzea.
Hautatutako startupak 80 herrialde baino gehiagotako 860 eskaera baino gehiagoren artean aukeratu dira, eta, horren bidez, Industria, Trantsizio Energetiko eta Jasangarritasunaren Sailak Euskadin lehen bezeroak eta adituen aholkularitza lortzeko eta inbertitzaileengana jotzeko aukera eskaintzen die.
Aurten garatuko diren proiektuak honako esparru hauetakoak dira: industria adimenduna, energia garbiak eta jasangarritasuna, osasuna eta elikadura. Hilabete hauetan, euskal enpresa liderrek startupekin lan egingo dute, etorkizunean industria efizienteagoa, seguruagoa eta jasangarriagoa sortzeko helburuarekin. Azken batean, emisio gutxiagoko industria gehiago eta hobea lortzeko.
Hona hemen parte hartuko duten startupak: Alcautech, Bioferric, Bork, Clever Solar Devices, ComexSoft, Cybertix, Data-ka – Digital Experience, Greemko, InspectRail, Lowerton, Menditech, Powerfultree, Quantum Mads, Scott & Irwin, SIAPS, Twindustry eta Uniscool .
Eta hauek dira proiektuak garatuko dituzten 21 partner enpresak: Arania, Arteche, Besaide, Copreci, Danobat, Elecnor, Eroski, Erreka, Garay, CH Cranes, Iberdrola ITP Aero, Mercedes Benz, Mondragon BDC, Ormazabal, Ramondin, Serveo, Sidenor, Tubacex, Viuda de Sainz eta Talgo.
Hautatutako startupen % 35ek prozesuak optimizatzeko eta mantentzeko, kalitatea kudeatzeko eta eskaria iragartzeko adimen artifiziala erabiltzen duten proiektuak aurkeztu dituzte. Era berean, % 25ek Energy eta Clean Tech soluzioak aplikatzen dituzte euskal enpresetan ingurumen-inpaktua kudeatzeko eta jasangarritasuna hobetzeko, eta % 13k murgiltze-teknologiak erabiltzen dituzte prozesuak digitalizatzeko eta erabiltzaile-esperientziak hobetzeko.
Era berean, aurtengo edizioan azpimarratu beharra dago, alde batetik, konputazio kuantikoko teknologien erabilera industria-prozesu konplexuen ebazpenean oinarritutako proiektuetarako. Eta, bestetik, energia berriztagarriak erabiltzen dituzten proiektuak, karbono-aztarna eta energia-kostuak murrizteko.
BIND -i buruz
BIND industria adimenduneko berrikuntza irekiko plataforma publiko-pribatu bat da, Eusko Jaurlaritzak SPRI Taldearen eta Euskadiko ekintzailetzaren ekosistemako UpEuskadi plataformaren bitartez sortua. Gaur egun, Euskal Autonomia Erkidegoan egoitza duten sektoreko 100 ETE, sozietate publiko eta erreferentziazko enpresa nagusirekin baino gehiagorekin lankidetzan dihardu. Ekimena helburu hirukoitzarekin sortu zen: euskal industria-ekosisteman startupen garapena bizkortzea, enpresen eraldaketa digitala sustatzea, eta Euskadiko ekosistema industria-ekintzailetza aurreratuko hub gisa kokatzea. 2016. urteaz geroztik, BIND plataformak 3 programa eta ekimen ditu, eta, haien bidez, 210 startup baino gehiago bultzatu eta 310 proiektu baino gehiago garatu dira. Informazio gehiago
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.