Gamarrak moldekatze automatikoko linea berria ezarri du
Gamarra 156 urteko historia duen enpresa da eta altzairurtuzko pieza mihiztatuak fabrikatzen ditu. Modernizazioaren aldeko apustu handia egin du, eta dagoeneko moldekatze automatikoko linea bat du martxan, ekainean errendimendu osoan egongo dena. Konpainiak nazioartekotasun handia du, esportazioen tasa % 95ekoa baita. Oraingoan, SPRI Taldearen laguntza jaso du digitalizazio eta deskarbonizaziorako.
Euskadiko enpresa zaharrenetako bat da. 1870ean sortu zen, forjaketari lotuta, harik eta mendearen erdialdean egungo jardueran hasi zen arte: altzairurtuaren galdaketa.
Tradizioz, Gamarrak moldatutako piezak saldu izan ditu, baina Txinaren eta Europako ekialdeko herrialdeen lehiaren ondorioz, “balioa gehitu dugu, mekanizazioa, soldadura eta automatizazio-optika, adibidez”, azaldu du Asier Arocena gerenteak.
“Orain bi urte arte, prozesu hori guztia 60 urte banio gehiago zituzten moldekatze-linea erdiautomatikoekin egin dugu”. Une hartan, moldekatzeko linea automatikoa, punta-puntako teknologia zuena, erosi zuten “erreferentziazko konpainietako batekin, Kunkel Wagner-ekin. Galdategi bateko garrantzi tekniko eta ekonomiko handieneko inbertsioa izan da. Beharrezkoa zen, lehiakortasun handiagoa ematen baitigu”.
Dagoeneko muntatuta dauden altzairuzko piezak egiten ditu konpainiak, eta, batez ere, trenen sektorean saltzen dira. Baina duela bost urtetik dibertsifikazioari ekin dio, eta beste sektore batzuetan sartu da, hala nola automobilgintzan, ibilgailu industrialetan, nekazaritzan, makinetan edo defentsan.
Batez beste 50 edo 60 kiloko piezak egiten ditu Gamarrak, baina 250 kilora artekoak ere fabrikatu izan ditu. “Urtean 6.000 tona inguru fabrikatzen ditugu”. Esportazioek negozioaren % 95 osatzen dute, batez ere Europan eta Afrikako iparraldean.
Fakturazioa 32 milioi euro ingurukoa izan zen iaz, eta 85 langile ditu Gasteizko bi lantegietan banatuta. I+G arloa garrantzitsua da, eta salmenten % 2 eta % 3 artekoa da.
SPRI Taldetik jasotako laguntza baliagarria izan da moldekatze-linea berriaren proiekturako, energetikoki produkzio eraginkorragoa eta produktiboagoa ahalbidetzen baitu.
Epe labur eta ertaineko erronkak dira produkzio guztia moldekatze automatikoko linean inplementatzea, “eta lehengo lineak uzten joatea, eta hori ekainerako aplikatzea espero dugu”. Horrez gain, merkatuak dibertsifikatzeko lanean jarraituko dute. Horietako bat da, hain zuzen ere, “defentsaren sektorea, gurekin bat baitator pieza motak direla eta. Gainera, trengintzaren sektorea mantentzen jarraitu” nahi dugu.
Enpresa 2018an hasitako eraldaketa-prozesuaren amaieran dago. “Linea bakarrean, era guztietako piezak fabrikatzeko gai gara: 20 kiloko piezetatik hasi eta 250 kilo artekoak arte”.
SPRI Taldeak Euskadiko enpresei aukera ematen die bere kanaletan jardueraren berri emateko. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
