Sitecok bezeroari egokitutako kobrantza-sistema automatikoak eskaintzen ditu
Siteco SL Gasteizen kokatutako ETEa da, eta kobrantzako sistema automatikoak eskaintzen ditu hainbat sektoretan, hala nola ostalaritzan, ospitaleetan eta langileak behar ez dituen garraioan. I+G arlora bideratzen du fakturatutakoaren % 2. Enpresak SPRI Taldearen Hazinnova programako dirulaguntza jaso du; programa horrek doako aholkularitza espezializatua ematen du produktuan berritzea eta negozio-prozesuan berritzea suposatzen duten mikroproiektuak dituzten ETEentzat.
Enpresa 1995ean jaio zen, gazte-talde batek ixtear zegoen enpresa bat kudeatzea bere gain hartzea erabaki zuenean. Kobratzeko eta ordaintzeko sistema automatizatuak garatzen eta fabrikatzen hasi ziren hainbat sektorerentzat. Gaur egun, José María Álvarez Carrascok, sortzaileetako batek, gerentziako buru izaten jarraitzen du, eta negozioen kudeaketa erraztuko duten irtenbide teknologikoak eskaintzeko helburuari eusten dio.
Hasieran, kobrantza automatikoko makinak fabrikatzen zituzten, eta orain, sistema askoz aurreratuagoetara eboluzionatu dute, «gai dira artatu gabeko negozioak kudeatzeko, esaterako, sarbideen kontrola eta ordainketa automatikoko sistemak integratzen dituzten gimnasioak».
Gainera, Siteco SL instalazioen kudeaketa osoa ahalbidetzen duen softwarea garatzeaz ere arduratzen da, eta langileak kontratatzeko zailtasun gorakorrei eta digitalizazioaren bultzadari erantzuten dien irtenbide integrala eskaintzen du.
Haren nazioarteko hedapena zabaldu du, eta bereziki Mexikon nabarmendu da. Bere proiektuen artean restylingekoak gailentzen dira: «Makina zaharrak berritzen ditugu, haien osagarriei bigarren bizitza bat ematen diegu eta funtzionalitate berriak gehitzen ditugu». Proiektu horiek gure bezeroak pozik daudela, gure produktuek irauten dutela eta ekonomia zirkularrarekin konpromisoa dugula erakusten dute».
Sektore hauentzako egiten dute lan: ostalaritza, administrazio publikoa, garraioa, ospitaleak, parke tematikoak eta diskotekak. Produktuak bi taldetan banatzen dira: ticketing makinak, bezeroari saltzailerik gabe ordaintzeko aukera ematen dioten artatu gabeko sistemak eta CashSiteco eredua —modu automatikoan kudeatzen du eskudirua—. «Saltzaileak informazioa sartzen du eta makinak transakzioa gauzatzen du, dirua jaso eta eskuartekoa emanda».
Plantilla 23 pertsonak osatzen dute eta urteko fakturazioa bi milioi euro baino gehiagokoa da. I+G arloa garrantzitsua da enpresarentzat. «Duela gutxi inbertsio bat egin genuen errealitate areagotuko proiektu batean, eta I+G proiektuetako kanpoko inbertsioa fakturazio osoaren % 2 ingurukoa da».
Gainera, garapen teknikoko sail propioa du, haren sistemak etengabe diseinatu eta hobetzeaz arduratzen dena. «Horrek aukera ematen digu gure bezeroen beharretara egokitzeko eta gure lehiakideen aurrean bereizten gaituen pertsonalizazio-zerbitzu bat eskaintzeko».
SPRI Taldearen Hazinnova programaren bidez jasotako dirulaguntza barneko komunikazioa hobetzen duen jarduera ebaluatzeko sistema bat sortzera bideratu da. «Sistema honek erakundearen eta haren kideen artean hitz egiteko bide gisa jokatzen du, eta aukera ematen du helburuak partekatzeko eta horiek lortzeko plan komun bat zehazteko».
Hauek dira datozen urteetarako erronkak: eboluzionatzen jarraitzea, irtenbide azkarrak, berritzaileak eta etengabe eraldatzen ari den merkatu baten eskariekin ezin hobeto bat datozenak eskaintzeko, nazioko eta nazioarteko banatzaileen sarea zabaltzea eta produktuen garapenean berrikuntzaren eta jasangarritasunaren aldeko apustua egiten jarraitzea.
SPRI Taldeak Euskadiko enpresei bere kanaletan jardueraren berri emateko aukera ematen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
