TramoIAk logistika automatizatzeko robot kolaboratiboak eskaintzen ditu
Zentro logistiko gehienek produktuen % 85 automatizazio tradizionalaren bidez kudeatzen dituzte, aldiz gainerako produktuen % 15 eskuz manipulatzen dira, kaxen neurriaren eta pisuaren aldakortasunaren ondorioz. Gaur egun, hala ere, merkatuan ez dago egoera horri helduko dion irtenbiderik, biltegiak aldatuko dituen inbertsio garestirik egin behar izan gabe. Arazo horri irtenbidea emateko, TramoIAk AA duten robot kolaboratiboak garatzen ditu intralogistikaren ingurune konplexuak automatizatzeko.
“Gure soluzioek logistika modu seguruan optimizatzen dute, funtsezko prozesuak arinduz, hala nola eskaerak prestatzeko, kamioiak kargatzeko eta deskargatzeko eta apalak kudeatzeko”, azaldu dute proiektuko arduradunek.
Beren robot kolaboratiboek eskaintzen dituzten abantailen artean, mugikortasun prozesuak automatizatzeko eta itemak manipulatzeko gaitasuna nabarmentzen da. Kasu honetan, aukera ematen du eskaerak automatikoki prestatzeko, nabigazio autonomo eta segurua egiteko, ingurunearen pertzepzio adimenduna izateko, eta teleoperaziorako eta urrutiko monitorizaziorako.
“Biltegiaren beharretara egokitutako interfazea eta pertzepzio aurreratu eta adimen artifizialaren bidez logistika optimizatzen duen gaitasuna eskaintzen ditugu“, diote, eta era berean, honako abantailak nabarmetzen dute. “Gure soluzioek datuak denbora errealean biltzea ahalbidetzen dute, paketeen banaketa eta ‘layout’-a etengabe hobetzeko, eraginkortasun operatiboa handituz eta eskuzko lanarekiko mendekotasuna murriztuz”.
Startupak hainbat sektoreren automatizazio beharrak asetzen ditu, hala nola ‘healthcarea’, zeinarentzat sendagaien eta horien horniduren mugikortasuna eta manipulazioa automatizatzen dituen, eta horrek logistika zentroen eta biltegien barne operatiba errazten du.
Sektore horrekin batera, TramoIAk retail, e-commerce, elikadura eta industriara bideratzen ditu bere zerbitzuak. “Industriaren kasuan, fabriketako materialen eta produktuen fluxuak optimizatzen ditugu, logistikaren produktibitatea hobetuz eta funtsezko prozesuetan denborak murriztuz”, nabarmendu dute startupetik.
TramoIA Tecnalia zentro teknologikoak, Espainiako ikerketa aplikatuko eta garapen teknologikoko zentrorik handiena, Europan erreferentea eta Basque Research and Technology Alliance -eko kidea, 15 urteeta zehar robotikaren arloan malgutasun industrialerako egindako ikerketaren emaitza da. Era berean, Euskadiko Arrisku Kapitalaren Kudeaketaren laguntza du, Eusko Jaurlaritzak 1985ean sortutako arrisku-kapitaleko erakundeen sozietate kudeatzailea.
