Innkia, adimen artifizialeko soluzio berritzaileak eskaintzen dituen startupa
Innkia Arrasaten kokatuta dagoen startupa da, eta urtebete darama adimen artifizialeko soluzio berritzaileak eskaintzen. I+G arlora bideratzen du bere aurrekontuaren % 75 inguru. Bind 4.0 programan hartzen du parte enpresa bultzatzaile gisa Orona izanda. Industrian ekintzailetzako eta berrikuntzako proiektuak bultzatzen dituen Ekintzaile programari esker SPRI Taldearen laguntza jaso du.
Enpresa 2025ean sortu zen, “Adimen Artifizial Fidagarriaren soluzio diferentzialak garatzeko erronkarekin, AArekin denok lortu nahi dugun inpaktu eraldatzaile, biderkatzaile eta jasangarria harengan konfiantza izan dezakezunean soilik baita posible. Gure hiru bazkideen ikuspegi partekatuaren emaitza gara: Ikerlan zentro teknologikoa, Laboral Kutxa taldea eta Mondragon Korporazioa. Batasun horrek Aaren teknologiak, merkatuaren benetako beharrak eta definitzen gaituen espiritu kooperatiboa uztartzen ditu”, dio Gorka Artolak, konpainiako CEOak.
Lehen urtean, lehen bi produktu-familiak definitzen eta garatzen lan egin dute. “NK-AIgovernance sortu dugu, enpresa arloko AA modu seguruan, fidagarrian eta AI Act eta NK-CODEx betez barneratzeko prozesua bizkortzeko AAren gure gobernu-plataforma. Software kritikoa sortzeko, mantentzeko eta modu automatiko eta fidagarrian modernizatzeko AA sistema autonomoa da”. Produktu honek softwarea lengoaia modernoetara itzultzeko denbora % 90ean murrizten du.
BIND programan duen parte-hartzea Oronarekin (enpresa eragile gisa) bideratu da, eta NK-CODEx sistemaren pilotua garatu dute harekin.
Bost langilek osatzen dute orain lantaldea, “eta 20 pertsona baino gehiago ditugu, gure enpresa bazkideetatik garapen teknologikoan eta merkatu-garapenean laguntzen digutenak”. Beren produktuen lehen bertsioak merkaturatu berri dituzte. “Lortu ditugu lehen salmentak eta 2027an milioi bat euroko fakturazioa gainditzea espero dugu”.
Innkiak aurrekontuaren % 75 inguru bideratzen du I+Gra, eta langileen erdiak lan horietan aritzen dira.
SPRI Taldetik jasotako azken laguntza Ekintzaile programari esker izan da. “Baliabide horiek, batez ere, fase guztietan merkatuaren garapenerako geure buruak prestatzera bideratzen ditugu: merkatuaren analisia, merkaturatze-estrategia, salmenta-prozesuak, onlineko komunikazioa… Bestalde, laguntza horren zati bat gure negozioaren oinarri diren aktibo ukiezinak, merkatuan beste batzuengandik bereiztea ahalbidetzen digutenak, babesteko erabiliko dugu”.
Etorkizuneko erronken artean, balio disruptiboko proposamena merkaturatzea nabarmendu behar da. “Horri esker, orain arte bideraezinak izan diren gauzak posible bihurtzen ditugu, hala nola COBOLen idatzitako software kritikoko sistemak modernizatzea, edo eraikitzen hamarkadak daramatzaten eta oinarrizko mekanismo hori ez duten sistemetako software segurua garatzeko bizitza-zikloko testing unitarioa sartzea”.
Proposamen berritzaileak direnez, erreferentzia eta arrakastekin egin behar zaio aurre “aldaketari diogun beldur naturalari. Horixe bera da datozen urteetarako gure erronka eta helburu nagusia”.
SPRI Taldeak Euskadiko enpresei aukera ematen die bere kanaletan jardueraren berri emateko. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
