Industriari aplikatutako 30 soluzio teknologiko aurkeztuko ditu Eusko Jaurlaritzak BINDen Demo Day jardunaldian, uztailaren 3an

Berrikuntza irekiko BIND plataformak, Eusko Jaurlaritzaren eta SPRI taldeak sustatuta, Demo Day 2025 bere urteroko ekitaldia ospatuko du uztailaren 3an, Donostiako Kursaal Jauregia eta Auditorioan. Startup, korporazio eta ETEen artean garatutako 30 proiektu teknologiko baino gehiago aurkeztuko dira edizio honetan, eta euskal industriaren etorkizuna markatuko dute.

Bederatzi edizio eta gero, BINDen Demo Day topagune da dagoeneko startup, enpresa, inbertitzaile eta berrikuntza- eta ekintzailetza-ekosistemako kideentzat. Urtero 400 pertsona inguru biltzen dira, industriari aplikatutako azken teknologiak ezagutzeko. 2016tik hona, 200 startupen 300 proiektu baino gehiago aurkeztu dira, eta sektorean erreferente diren parte-hartzaileak ere izan ditu, hala nola Steve Blank, ekintzailetza modernoaren aitzindaritzat jotzen dena, eta Carlota Mateos, 1996tik Espainiako ekintzaile ezaguna eta Rusticaeren sortzaileetako bat. 

Networking eta historiaz betetako ponentzia 

Jardunaldia 9:00etatik 15:00etara egingo da, eta networkinga eta enpresen, inbertitzaileen eta startupen arteko sinergiak bilatzea izango ditu helburu. Startupek garatu eta Euskadin erreferente diren enpresek aplikatutako Adimen Artifizialeko, IoT-ko, Big Datako, Clean Tech-eko eta konputazioko soluzioak ezagutuko dituzte parte-hartzaileek. Soluzio horiek benetako inpaktua izan dute industrien lehiakortasunean, jasangarritasunean eta eraldaketan. Gainera, aurten, BINDen Demo Day jardunaldian Nacho Soriano historialariak hitzaldia emango du; enpresa-mundura kasu historikoak eraman eta aztertzeagatik da ezaguna. 

Eusko Jaurlaritzako Industria, Trantsizio Energetiko eta Jasangarritasunaren Sailak eta SPRIk sortutako berrikuntza irekiko plataforma publiko-pribatua da BIND. Helburua da startup disruptiboak korporazioekin, ETEekin eta sozietate publikoekin lotzea, Corporate, SME eta GovTech ekimenen bidez. 2016an sortu zenetik, 250 startup eta 350 proiektu baino gehiago bizkortu ditu, eta 9,6 milioi euroko fakturazioa gainditu du. Horri esker, erreferente bihurtu da berrikuntza irekian, industria-sareari eta ekintzailetzari emandako bultzadagatik. 

Industria-sektorearen etorkizuneko proiektuak 

Ekitaldian 30 soluzio baino gehiago erakutsiko dira, eta hainbat korporaziok baliozkotu dituzte, hala nola, hauek: Mercedes-Benz, ITP Aero, CAF, Ramondin, Iberdrola, Eroski eta Agaleus, Eralki Engineering, Loramendi, Ona EDM, Ondarreta eta Zikotz euskal ETEek Soluzio horiek, BIND Corporate, SME eta GovTech programen bidez, ekoizpena, jasangarritasuna, erosketa eta salmenta, berrikuntza eta digitalizazio arloetako berrikuntza proiektuetan aplikatu dira. 

Baliozkotutako soluzioak dituzten 20 startup, Demo Day 2025 jardunaldian

Demo Day jardunaldian beren teknologiak aurkeztuko dituzten startupek adimen artifiziala, IoT, big data, zibersegurtasuna, konputazio kuantikoa, murgiltze-teknologiak eta energiari aplikatutako teknologiak erabili dituzte beren soluzioak garatzeko. Hauek dira proiektuak: 

• A4Radar
• Bioferric
• Bork
• ComexSoft
• Data-ka
• Data Value Management
• Greemko 
• Lowerton
• Menditech
• Muutech
• Nuavis
• Powerfultree
• Quantum Mads
• Scott & Irwin
• Siaps
• Twindustry
• Uniscool
• We are Clickers

Zergatik bertaratu Demo Day 2025 jardunaldira? 

BIND Demo Day startup, korporazio, ETE, sozietate publiko eta berrikuntzaren eta ekintzailetzaren ekosistemako beste kide askoren topagunea da; inspiratzeko, konektatzeko eta etorkizuneko euskal industriarantz aurrera egiteko gunea. 

Enpresa-munduarentzat, adimen artifizialean, IoT-n edo big datan oinarritutako soluzioak aurkitzeko jardunaldia da hau. Soluzio horien bidez, industriako beste liderrak eraginkorragoak, lehiakorragoak eta jasangarriagoak izaten laguntzen diete. 

Inbertitzaileek bertatik bertara ezagutu dezakete BINDek bizkortu eta baliozkotutako 250 startup baino gehiagoko ekosistema, bai eta azken edizioan parte hartu duten startup eta enpresen arteko lankidetzaren 30 arrakasta-kasu baino gehiago ere. 

Startupentzat, Demo Day aukera paregabea da euskal ekosistemako enpresa eragile eta inbertitzaileen aurrean ikusgarritasuna lortzeko eta berrikuntza irekiko benetako aukerak aurkitzeko, beren prozesuak eraldatzeko teknologiak aplikatu nahi dituzten erakundeetan.