Vrizzo, tokiko elikagaien sektoreko bazkide estrategikoa
Gasteizen kokatuta dagoen Vrizzo enpresa tokiko elikagaien sektorean zerbitzu integralak eskaintzen espezializatu da. 30 langile ditu, eta sektoreko mota guztietako eragileekin jarduten du, merkataritza tradizionala, elikagai-industria eta Horeca sektorea (hotelak, jatetxeak eta kafetegiak) barne.
Vrizzo hiru gune nagusi hauetan egituratzen da. Alde batetik, elikagai-packaging a, hainbat sektoretarako soluzio moldagarriak zein zurrunak barne hartzen dituena. Bestetik, Horeca sektorera bideratutako banaketa, eramateko janaria ontziratzean bereziki. Eta, azkenik, Vrizzo Food Tech, elikagaien prestakinetarako osagaietan eta gehigarrietan oinarritua. “Enpresak elikaduraren arloko bezero guztiei ematen die zerbitzua: arrandegiak, fruta-dendak, harategiak, haragi-industriak, arrantza-enpresak edo jatetxeak”, adierazi du Jon Fernandezek, Vrizzoren zuzendari komertzialak. Konpainiak hedapen handia du Euskadin, Nafarroan, Errioxan, Ipar Euskal Herrian eta Burgosen, baina beste autonomia-erkidego batzuetako bezeroak ere jasotzen ditu, batez ere hainbat hiritako jatetxe-kateak.
Vrizzoren elementu bereizgarri bat prestakuntzaren aldeko apustua da, Academy zerbitzuaren bidez, bere bezeroen lehiakortasuna hobetzera bideratutako ekimena. Ikastaro espezializatuen bidez, enpresak sukaldaritzako teknika berriei, ontziratzeari edo sektoreko joerei buruzko ezagutzak partekatzen ditu. “Ez gara hornitzaile bat soilik, gure bezeroentzako laguntzaile eta partner estrategiko bat ere izan nahi dugu”, azaldu du Jon Fernandezek. Ildo horretan, konpainiak tokiko merkatura eramaten du nazioarteko azoketan lortutako ezagutza, eta sektoreko profesionalei haien eskaintza berritzen eta dibertsifikatzen laguntzen die, adibidez, produktu landuen edo tenperatura baxuko sukaldaritza bezalako tekniken bidez.
Kontsumo-ohituren aldakuntzak saihestezinak dira sektore honetan, banaketa handiaren hazkundeak bultzatuta, eta Vrizzok merkataritza tradizionala indartzearen eta haren dibertsifikazioa Horeca sektorera aurreratzearen alde egin du. “Eramateko janaria funtsezko pieza izango da elikaduraren etorkizunean”, adierazi du Jon Fernándezek, eta ontziratzeko soluzio espezifikoak garatzea aipatu du konpainiaren ildo estrategiko nagusietako bat gisa.
SPRI Taldeak laguntza ematen dio euskal enpresari, laguntza-programen bidez, trantsizio teknologiko-digitala, energetiko-ingurumen-trantsizioa eta gizarte- eta osasun-trantsizioa errazteko. Aurkitu zure negozioaren beharretara hobekien egokitzen den programa.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
