Gecsa, altzairuzko produktuetarako hozteko kableetan liderra
Gecsa 1988an sortu zen altzairua ekoizten duten enpresentzako hozteko kableetan espezializatutako enpresa gisa. Urte batzuk geroago, industriako labeak fabrikatzen zituen Guinea Hermanos SA enpresak erosi zuen enpresa. Eboluzio horretan, konexio malguak garatu ditu, etengailuak konpondu ditu, elektrolisi-prozesuen proiektuetan espezializatutako sail bat sortu du eta fabrika bat sortu du atzerrian, Mexikon, eta bulego komertzialak Estatu Batuetan.
Espainian lider absolutua da bere segmentuan. “Nazioarteko ikuspegia dugu dagoeneko. Salmenta-bulegoak ditugu Frantzian eta Ekialde Hurbilean”, azaldu du Nekane Fernandezek, arduradunetako batek.
Enpresaren egoitza nagusia Loiun dago eta intentsitate handiko elektrizitatea kontsumitzen duten sektoreetan jarduten du, hala nola arku elektrikoa duten labeen siderurgian, fundizioetan, ferroaleazioetan edo hainbat mineralen elektrolisian, adibidez, aluminioan, kloroan, kobrean, etab. “Europa eta Amerika dira gure merkatu nagusiak, baina mundu osoko 50 herrialde baino gehiagotan ditugu erreferentziak”.
Produktuei dagokienean, eroaleak (kableak, hodi lodiko eroaleak, beso eroaleak…) dira nagusi, baina etengailuen garapenean aurrerapausoak eman dituzte eta beste produktu batzuetan ere sartu dira, adibidez, artezgailuetan. “Gainera, produktu horien mantentze-lanak eskaintzen ditugu gure instalazioetan edo bezeroenetan, eta gaitasun handiak ditugu ekipo eroaleen soldadura homologatuan”.
46 langile ditu enpresak eta sei Monterreyko fabrikan (Mexiko) daude. Urtean 10 milioi eurotik gora fakturatzen dituzte eta “datozen urteetan bi fabriketan hazkunde nabarmena izatea espero dugu”.
Fakturazioaren % 1 baino gehiago I+Gra bideratzen da, eta produktu berriak garatzeko sail esklusibo bat dute.
SPRI Taldearen Hazinnova programaren laguntza jaso du enpresak elektrolisiaren sektorean kontaktuak identifikatzeko mundu mailan. “Elektrolisiaren sektorearen aldeko apustu argia egiten dugu bere aldaera guztietan: aluminioa, kloroa, kobrea, zinka… Eta gertutik erreparatzen diogu mundu mailako hidrogenoaren elektrolisiaren garapenari”.
Ezagutzaren arloko etorkizuneko erronka da energia-kontsumitzaile handiek behar dituzten beste produktu eta zerbitzu batzuen gama osoaren garapenean sakontzea. “Instalazioaren, mantentze-lanen eta aholkularitzaren zerbitzuetan gehiago sakondu nahi dugu gure bezeroek beren kontsumoak minimizatzeko”.
Hurrengo urteetan Mexikoko fabrikak hazkundea izatea espero dute, “eta eragina Estatu Batuetara zabaltzea espero dugu. Eta nazioarteko hainbat zabalpen-esperientzien artean lehenengoa izatea. Ekialde Hurbileko merkatuaren garapenari eta hazkunde azkarreko beste herrialde handi batzuei, adibidez Indiari, gertutik erreparatzen diegu”.
SPRI Taldeak Euskadiko enpresei bere kanaletan jardueraren berri emateko aukera ematen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
