Euskal enpresaren blog-a Zure enpresarentzat garrantzitsua den eguneroko informazioa

20 uztaila, 2021
Uriarte Safyboxek kaxak eta armairu ez-metalikoak fabrikatzen ditu eremu oldarkorretan ekipoak babesteko

Bizkaiko enpresa nazioarteko erreferentea da beira-zuntzezko poliesterrezko inguratzaile indartuen ekoizpenean, eta ingurune oldarkorretan eta eguraldi txarraren aurrean babesten ditu elektrizitate-, ur-, gas-, telekomunikazio- edo trenbide-ekipoak
Uriarte Safybox

Uriarte SafyBox Bizkaiko enpresa, Uriarte Enclosures taldekoa (200 langile baino gehiago ditu), beira-zuntzezko poliesterrezko inguratzaile indartuen fabrikazioan aditua da 1972tik. Ia 50 urteko jardueraren ondoren, nazioarteko erreferente bihurtu da eremu zorrotz eta oldarkorrenetan eta edozein elektrizitate-, ur-, gas-, telekomunikazio-, instalazio fotovoltaiko, trenbide-instalazio eta lurpeko azpiegitura-ekipamenduren klimatologia-gorabeheren aurrean babesten duten kutxa eta armairu ez-metalikoen ekoizpenean.

Baina, kutxa eta armairu ez-metalikoen fabrikazioan lan egiteaz gain, “produktu bakoitzaren barrualdea ere muntatzen ditugu, bezero bakoitzaren zehaztapenen arabera. Bolumen handietan saltzen dugu, baina bost edo hamar unitate kustomizatu ere sal ditzakegu, eta bezero bakoitzaren marka laserrarekin grabatu”, nabarmendu du Diana Sergaliyeva Uriarte Safyboxeko zuzendari komertzialak.

Euskal enpresak 300 baino gehiago produktu-erreferentzia ditu, eta hiru negozio-ildotan zentratzen du bere jarduera: inguratzaile hutsa, kustomizazioa eta soluzio osoak. “Gure produktu garrantzitsuena BRES monoblock armairu sorta eta CA kutxa sorta dira”, aurreratu du Diana Sergaliyevak.

Aipattako lehenengoak elektrizitaterako armairu monoblockak ditu, beira-zuntzez sendotutako poliesterrez eginak, ate abisagratuarekin, giltzaz itxita, estankotasun handienarekin eta inpaktuarekiko erresistentziarekin. Gainera, osagarri ugari ditu bezero bakoitzaren beharretara egokitzeko: moduluetarako txasisa, zokaloak, behatxuloak, itxiturak, pasakagarriak, finkatzeko orejetak, aireztatzeko gailuak, etab.

70 herrialde baino gehiagotan du presentzia

Uriarte Safyboxek Espainian, Portugalen eta Polonian ditu instalazioak, eta 5 kontinenteetako 70 herrialdetan baino gehiagotan jarduten du elektrizitatearen, uraren, gasaren, telekomunikazioen eta trenbideen sektoreetarako. Sektore horiek etengabeko berrikuntza behar dute, produktuetan hobekuntzak eskaintzeko. “I+G talde bat dugu, etengabe gure produktuak ekoizteko material egokienak ikertzen eta gure bezeroei produkturik eta zerbitzurik onena eskaini ahal izateko”, esan du zuzendari komertzialak. Gainera, Diana Sergaliyevak adierazi duenez, produktu guztiak Europan egiten dituzte, “Kalitate handiko lehengaiekin”.

Lezamako enpresak SPRI Taldearen hainbat programatan parte hartu du, hala nola Industria Digitalean, Sakondun edo Zibersegurtasun industrialean, eta bere esperientzia “oso positibotzat” jo du, Uriarte Safyboxeko zuzendari komertzialak nabarmendu duenez.

Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako programak eta laguntzak ditu. Hemen kontsulta daitezke.

Berrikuntza 26 uztaila, 2021
Ludus: “Langileen prestakuntza demokratizatu nahi dugu errealitate birtualaren bidez”

Errealitate birtuala Industria 4.0 gaitzen duen teknologia da. Bere jatorria duela 70 urte baino...Leer más

Berrikuntza 23 uztaila, 2021
‘Euskal Camper premium’-a sortu da, hamar enpresen arteko lankidetzaren ondorioz

Automobilgintzaren euskal sektoreak Smart Comfort Platform 4.0 proiektuarekin lankidetzan aritzeko...Leer más

Berrikuntza 20 uztaila, 2021
Eusko Jaurlaritzak 2021-2024 Industriaren Garapen eta Nazioartekotze plana onartu du

Plana estrategikotzat jotzen da, eta ekonomia suspertzen lagunduko du, pandemiak eragindako erronka...Leer más

Leyre Madariaga Bingen Zupiria
Berrikuntza 9 uztaila, 2021
BDCC: Basque District of Culture and Creativity sortu da

Kultura eta Sormen Industriak Euskal Autonomia Erkidegoko enpresen eta langileen % 9,9 dira eta,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?