“Otxarkoaga Auzo Green Factory”-k naturan oinarritutako konponbideak aktibatu ditu
Proiektuaren barruan ekimen pilotu bat egingo da zoladura iragazgarri berri bat jartzeko
Bilbao Urban & Cities Design elkarteak, GAIA klusterrarekin eta SUDS-ekin lankidetzan, “Otxarkoaga Auzo Green Factory”–Birnaturalizazioa auzo-eskalan proiektua jarri du abian, arlo ekologiko eta sozialerako konponbide jasangarriak bultzatzeko Bilboko auzo horretan.
“Proiektuaren helburua da naturan oinarritutako konponbideen aplikazioa aztertzea, hirien naturalizatze-maila handitzeko, energia kontsumoa eta klima aldaketaren ondorioak murrizteko, atmosferaren kalitatea hobetzeko eta iragazgaiztasun gradua gutxitzeko” azaldu du Xabier Arruzak, Bilbao Urban & Cities Design elkarteko koordinatzaileak.
Ekimen honen barruan eskala txikiko proba pilotu bat egingo da, zoladura iragazgarri eta ibilgarri bat instalatzeko. 200 m² inguruko plataforma hori atseden hartzeko eta erakusketa txikiak egiteko gune bat izango da, eta lorategi itxurako espazio bat izango du, nahi izanez gero, hiri-baratze bat jartzeko. Ekimen pilotua Otxar Urban Lab ikerketa espazioan kokatuko da, hots, Eusko Jaurlaritzak eta Bilboko Udalak hiriaren birsorkuntza ikertzeko bultzatu duten laborategian.
“Urbanizazioak lurzoruaren hidrologia eta ezaugarri naturalak aldatzen ditu, zigilatu eta iragazgaiztu egiten delako” azaldu du Xabier Arruzak, “baina, klima aldaketara egokitzeko politikei buruzko nazioarteko eztabaidaren testuinguruan, argi ikusten da natura ingurune antropizatuetan integratzeko neurriak bultzatu nahi direla, eta, gainera, udalerrien egokitzapen-potentziala nabarmentzen da”.
Zoladura iragazgarri batekin posible izango da putzurik gabeko zelai bat izatea, euri asko egiten duenean saneamendu-sareen karga hidraulikoa murriztea, eta udal drainatze- eta saneamendu-sarearen egitura hobetzea. SUDS zoladura mota berri hori hartxintxar egonkortu eta ibilgarrizkoa izango da, eta aukera emango du espazioaren funtzionaltasuna handitzeko, abantailak eskainiz egitura eta ingurumen arloetan eta arlo sozialean.
“Otxarkoaga Auzo Green Factory” proiektuaren barruan asmoa dago Domotech bat eraikitzeko, eta, Living Lab ereduari jarraiki, eraikin horrek hiri-baratzeetarako teknologia berriei buruzko prestakuntza- eta sentsibilizazio-jarduerak ostatatuko ditu. “Helburua da jasangarritasun soziala erdiestea, auzotarrak birnaturalizazio prozesuan parte hartzera bultzatuz eta etorkizun oneko sektore batean lan egitea ahalbidetuko duen ezagutza sustatuz” azaldu du Bilbao Urban & Cities Design elkarteko koordinatzaileak.
“Auzo Green Factory” proiektua Eusko Jaurlaritzaren BAI+D+I programaren lehen deialdian aurkeztu zen. Plan horren helburua da hiriaren birsorkuntza integralerako proiektu berritzaileak babestea eta Euskadi 2020 Zientzia, Teknologia eta Berrikuntza Planaren “Hiri Habitat” aukera-nitxoko helburuak betetzeko proiektuak sustatzea.
Bilbao Urban & Cities Design elkarteak elkarrekin biltzen ditu profesionalak eta enpresak think tank baten moduan, hiri-eredu berri inklusibo eta jasangarriagoak sustatzeko.
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua