Berrikuntza Ekintzailetza I+G+B
Elkarrizketak 21 abendua, 2020

“Osasun fisikoari garrantzi handia ematen zaio beti, baina krisi honek osasun mentalari ere garrantzia emateko balio izan du”

Jorge Maylin, Oroien sortzaileari elkarrizketa
-

Oroi Donostian egoitza duen startup gipuzkoarra da, hirugarren adinekoentzako errealitate birtualean espezializatua. Hiru tresnaren bidez, zahar-zentroetan eta haien etxebizitzetan bizi diren pertsonak kognitiboki estimulatzea eta entretenitzea lortzen dute. Aurten lehen inbertsio-erronda egin du, eta 400.00 € lortu ditu, Easo Ventures, Clave Capital (Mondragon FCR Sustapen Funtsaren kudeatzailea) eta GSR egoitzak kudeatzeko kooperatiba buru direla. Kapital-hedapen horrekin, enpresak negozioa Europako merkatuetara zabaldu nahi du, besteak beste, Frantziara, Alemaniara edo Finlandiara. Gai honetaz eta beste batzuez hitz egin du elkarrizketa honetan Jorge Maylinek, Oroiren sortzaileetako batek.

Zuen ibilbidean, ze faktorez dago Oroi harroen?

Enpresa gaztea gara. Gure zerbitzuaz gozatzen duten adinekoen egunerokoa hobetzeaz eta haiek zaintzen dituzten profesionalei laguntzeaz harro gaudela esan genezake.

Zer bezero dituzue? Nazionalak dira edo atzerrian ere bezeroak dituzue?

Bezero nazionalak eta nazioartekoak ditugu, batez ere adinekoen egoitzak eta eguneko zentroak, baina baita tele-laguntzaren arloan ere. Besteak beste, DomusVi, GSR, Grupo Caser edo Matia Fundazioarekin egiten dugu lan.

Kanpoko kapitala erakartzeak eraginik izan al du enpresaren egitasmoetan eta etorkizuneko itxaropenetan?

Bai, zalantzarik gabe. Kanpoko kapitala erakartzeak nazioarteko merkatuei modu biziagoan eta profesionalizatuagoan heltzeko aukera ematen digu. Enpresa indartu ahal izateko eta gure negozio-esparruan Europako liderra izateko behar den bultzada ematen digu.

Nola eragin dio enpresari COVID-19ak eragindako krisiak?

Alde batetik, COVID-19ak eragindako krisi latzak ikusgarritasuna eman dio adinekoek sufritzen duten isolamendu sozialari eta entretenimendu ezari, eta hori, askotan, koronabirusa baino lehen ere bazegoen. Osasun fisikoari garrantzi handia ematen zaio beti, baina uste dugu krisi honek osasun mentalari ere garrantzia emateko balio izan duela.

Zergatik hasi zen proiektu hau eta zergatik jarri zenuten arreta hirugarren adinekoen sektorean?

Kasualitatea izan zen. Hasiera batean, teknologia turismoaren eta bidaien sektorean aplikatzen genuen. Soluzio hori azoka batean azalduz ikusi genuen adineko pertsona asko hurbiltzen zirela probatzera. Hala, Pro Maiorem enpresaren bi egoitza-zentrotan probak egitea erabaki genuen, eta harrera ona izan zuen, bai erabiltzaileen aldetik, bai profesionalen aldetik. Une horretan, adinekoentzako errealitate birtualeko soluzioak garatzea erabaki genuen.

Errealitate birtualeko beste modalitateren batean lan egiten duzue? Hirugarren adinekoena ez den beste sektore baterako lan egitea pentsatu duzue?

Adinekoen sektorean lan egiten dugu oso-osorik. Soluzio horien barruan, SPRIren laguntzarekin eta Matia Fundazioarekin lankidetzan, Oroi Fiten ari gara lanean, adinekoek bizikletaz modu birtualean paseatzeko aukera ematen duen irtenbide bat. Oraingoz ez dugu pentsatu beste sektore bat esploratzea, baina proiektu piloturen bat dugu ospitaleen sektorean.

Errealitate birtuala gorakadan dago? Zer berrikuntza espero dira sektorean?

Une honetan, aplikazio errealak eta errealitate birtualak sektore desberdinetan ekar ditzakeen onurak erakusten ari gara. Onura horiek nabariak dira dagoeneko, eta Covid-19aren krisiak sektore guztietan ikusarazi ditu: prestakuntzan eta zaintzan, entretenimenduan edo etxebizitza salmentaren sektorean. Gure ustez, enpresen digitalizazioak gure sektorea azkartzea eragin du, zalantzarik gabe, errealitate birtuala benetako irtenbide gisa hartzea murgiltze-soluzioak behar dituzten hainbat arazori aurre egiteko.

Nola egingo diozue aurre 2021ari? Zer proiektu gauzatuko dituzue?

2021ean, gure ahaleginen zati handi bat enpresa Europako hainbat merkatutara nazioartekotzera bideratuko dugu. Zehazki, Frantzian, Alemanian, Austrian, Suitzan eta Portugalen finkatu nahi gara. Gainera, Italian eta Finlandian lanean hasi gara. Horrez gain, Erresuma Batuan eta Herbehereetan lanean hastea nahiko genuke. Era berean, Espainian dugun posizioa sendotu nahi dugu eta egoitza-talde berriak errealitate birtualaz balia daitezen lagundu.

Lotutako albisteak

InterGaiakek  olatu  jasangarria  bultzatzen  du  bere  surf-ohol  ekologikoekin
18/09/2025 Ekintzailetza

InterGaiakek olatu jasangarria bultzatzen du bere surf-ohol ekologikoekin

Arabako aholkularitzak eta ingeniaritzak, 7 Olatu markaren bidez, plastikoak murrizteko paulowniako zurez sortutako produktu horiek merkaturatuko ditu. Enpresak SPRIren Barnekintzaile programaren laguntza izan du.

Txikitok  euskal  transmedia  narratiba    berrikuntza  digitalaren  bitartez  bultzatzen  du
17/09/2025 Berrikuntza

Txikitok euskal transmedia narratiba berrikuntza digitalaren bitartez bultzatzen du

Euskal konpainiak Bilboko sinbolo tradizional bat tradizioa, teknologia eta entretenimendua uztartzen duen ‘unibertso’ sortzaile bihurtu du.

Iraunkortasunaren  aldeko  apustua  egin  du  Equipel  enpresak,  trantsizio  energetikoa  bultzatzen  duten  erdi-tentsioko  gelaxkekin
16/09/2025 Berrikuntza

Iraunkortasunaren aldeko apustua egin du Equipel enpresak, trantsizio energetikoa bultzatzen duten erdi-tentsioko gelaxkekin

Konpainia bizkaitarrak 200 gelaxka baino gehiago fabrikatu ditu azken urtean, teknologia garbia eta ingurumena errespetatzen duena, SF6rik gabe.

Wavegarden,  olatu  perfektuak  mundura  esportatzen  dituen  enpresa  donostiarra
10/09/2025 I+G+B

Wavegarden, olatu perfektuak mundura esportatzen dituen enpresa donostiarra

Teknologia propioarekin eta surf parkeetarako soluzio integralekin, orduko 1.000 olatu sortzeko gai den sistema patentatu bat garatu du eta dagoeneko 11 instalaziotan funtzionatzen du.

Lanzo  Batteriesek  bateriak  emango  dizkio  MIURA  5  jaurtitzaile  espazial  espainiarrari
08/09/2025 I+G+B

Lanzo Batteriesek bateriak emango dizkio MIURA 5 jaurtitzaile espazial espainiarrari

Euskal enpresa proiektuaren buru den PLD Space-rekin elkarlanean ari da.

Webker:  “Mundu  digitalean,  erronka  nagusia  eguneratuta  egotea  da”
03/09/2025 Ekintzailetza

Webker: “Mundu digitalean, erronka nagusia eguneratuta egotea da”

Iaz, Gasteizko bi gaztek sektore digitalean ekitea erabaki zuten, eta Webker sortu zuten. Bertatik, beren negozioa bultzatzeko online presentzia garatzeko aukera eskaintzen diete bezeroei.

Ojmarrek  pilarik  eta  kablerik  gabeko  lehen  ‘smart  lock’-a  sortu  du
03/09/2025 Berrikuntza

Ojmarrek pilarik eta kablerik gabeko lehen ‘smart lock’-a sortu du

Eibarko enpresa, itxiera-sistema adimendunetan espezializatua, 80 herrialdetan baino gehiagotan dago. Iaz 22 milioi eurotik gorako fakturazioa izan zuen.

Mosaikus  by  Rombus:  zure  erakundearen  kudeaketa  integratua  digitalizatu,  sinplifikatu  eta  hobetzen  duen  plataforma
31/07/2025 Ekintzailetza

Mosaikus by Rombus: zure erakundearen kudeaketa integratua digitalizatu, sinplifikatu eta hobetzen duen plataforma

Giovanna Nocentino eta María Paz Silvak bikaintasunerako bidean lehiakorragoak eta jasangarriagoak izan nahi duten enpresei laguntzen diete, kalitatean, ingurumenean, segurtasunean, laneko osasunean eta araudia betetzean ikuspegi argi batekin.

Iori  Hontek  produktu  industrialak  esperientzia  bisual  bihurtzen  ditu
30/07/2025 Berrikuntza

Iori Hontek produktu industrialak esperientzia bisual bihurtzen ditu

Gipuzkoako estudioak irudi fotoerrealistak sortzen ditu, hainbat industria-sektoretako produktuen komunikazioa eta salmenta errazten dutenak.

Leartikerrek  elikagaien  hartzidurari  buruzko  ikerketa-proiektu  bat  bultzatzen  du
29/07/2025 I+G+B

Leartikerrek elikagaien hartzidurari buruzko ikerketa-proiektu bat bultzatzen du

Hartzidura-prozesuei buruzko ezagutza zientifiko-teknikoa sortzea da helburua, eta nekazaritzako elikagaien sektorera transferitzea, produktu osasungarriak, iraunkorrak eta balio erantsia dutenak sor daitezen bultzatzeko.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.