Emakumeen parte-hartze handiagoak enpresen lehiakortasuna hobetzen duela esan du SPRI Taldeak Bruselan
Aste honetan egin da Bruselan EU Industry Days jardunaldia. Europako Batzordeak urtero antolatzen duen ekitaldi bat da, trantsizio berdeari eta digitalari buruzko eztabaida sustatzeko industria-ekosistema desberdinen artean eta, hartara, areago handitzeko Europako enpresen erresilientzia.
Ekitaldiaren formatuari dagokionez, hitzaldiz osaturik dago eta hitzaldi horietan Europako hainbat eragilek hartzen dute parte. Hala, formatu horrek posible egiten du industria arloko aukera eta politikak partekatzea Europako industriaren erronkak gainditzeko. Gainera, 2022ko edizio honek gazterian jarri du fokua eta nabarmendu du beharrezkoa dela aintzat hartzea industrian Europako gazteen egungo kezkak, hala nola gizarte berdintasuna, gazteen enplegu prekarioa edo eredu jasangarri eta sozialki arduratsuetaranzko trantsizioaren garrantzia.
Cristina Oyón presente egon da ekitaldi horretan ordezkari bezala parte hartzen duelako Europako Batzordearen Foro Industrialean. Organismo hori 2021eko otsailean sortu zen Europako estrategia industriala eguneratzeko, eta bertara biltzen dira, besteak beste, Estatu kideetako nahiz enpresa elkarte desberdinetako ordezkariak eta 14 industria-ekosistemekin lotutako solaskide sozialak. SPRI Taldeko Teknologia, Berrikuntza eta Jasangarritasuneko zuzendari Cristina Oyónek Vanguard Initiative ekimenaren ordezkari bezala hartzen parte du foro horretan. Vanguard Initiative elkarteak Europako eskualde industrializatuenetako 39 biltzen ditu.
Foro Industriala sortu zenetik, SPRIk -Eusko Jaurlaritzak Europar Batasunean duen ordezkaritzak lagundurik- bere hondar alea jarri du Europako estrategia industriala eguneratzeko, estrategia horretan txertatuz eskualde mailako garapenaren osagaia. Osagai hori biziki garrantzitsua da tresnak enpresa-sarearen errealitatera eramateko eta sare horren ezagutza Europako erabaki estrategikoetaraino eskalatzeko. SPRIk paper bereziki aktiboa du manufaktura aurreratuan, esan nahi baita estrategia eguneratzeko lehentasunezko bost lan-arloetako batean.
Cristina Oyónek gaur goizeko hitzaldian hartu du parte (“Preparing the workfoce for the future of Manufacturing”), eta bertan, EIT Manufacturing, Adecco eta FICEPeko ordezkariekin batera hizpide hartu du industriak talentuaren arloan dituen erronka garrantzitsuenak eta azpimarratu du beharrezkoa dela enpresen lehiakortasun-maila areagotzen eta trantsizio berde eta digital bikoitza ahalbidetzen lagunduko duten profil kualifikatuak aurkitzea.
Europako per capita BPGda %6,1etik %9,6ra bitartean handitzea
Zehazki, Cristina Oyónek azpimarratu du emakumeen presentzia beharrezkoa dela enpresen eta ekonomiaren lehiakortasuna bermatzeko, horixe baita duela ia bi urte World Manufacturing Forum-ek sortutako eta hainbat herrialdetako 25etik gora adituk osatutako “Women in Manufacturing” aditu-taldeak iritsitako ondorio nagusietako bat. Cristina Oyón da aditu-talde horretako buru. Aditu talde horretan sortutako eztabaiden bidez ikusi da enpresetan emakume gehiago izatea lagungarria dela emaitzak hobetzeko, produktibitate-maila handitzeko, erabaki hobeak hartzeko, berrikuntzarako, sormenerako eta eraginkortasunerako. Funtsean, Genero Berdintasunaren Europako Erakundearen arabera, enpresetan genero berdintasuna hobetzeak berekin ekarriko luke Europako per capita BPGda %6,1etik %9,6ra bitartean handitzea 2050erako.
“Argi dago genero berdintasuna ez dela bakarrik giza eskubide kontu bat, baizik eta premia bat lehiakortasuna bermatzeko”, adierazi du Cristinak. Oyónek esan du aditu-taldeak hiru ildo nagusi identifikatu dituela ildo horretan aurrera egiteko:
- Datuak eta argitalpenak. Industria-jarduerari buruzko datuak generoaren arabera sailkatuta eskura daitezen normalizatzea, emakumeak Industrian duen eboluzioaren jarraipena egin ahal izateko.
- Industria erakargarri egitea emakumeentzat. Erakutsi Industria teknologian, berrikuntzan eta jasangarritasunean oinarritutako jarduera ekonomiko bat dela, balioa sortzen duena ekonomia, gizarte eta ingurumen arloetan.
- Emakumezko erreferenteak izatea. Ikusgarritasuna eman emakumeek industrian duten parte-hartzeari, bokazio industriala inspiratu eta piztuko duten emakumezko erreferenteak izateko emakume gazteen artean.
Ideia horiek, hainbat jarduera konkretutan zehaztuko direnak, aditu-taldearen barruan jorratuko dira. Datozen hilabeteetan, talde horrek bere ahalegin guztiak bideratuko ditu helburu honetara: gobernu, nazioarteko organismo, industria eta industria elkarte, unibertsitate eta ikastetxeek konpromisoa har dezatela identifikatutako jarduerak garatzeko.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean