Euskal enpresaren blog-a Zure enpresarentzat garrantzitsua den eguneroko informazioa

22 apirila, 2021
Donostia Zinemaldiak Zinemaldia Startup Challenge egitasmoaren hirugarren deialdia egin du

Ikus-entzunezkoetan teknologia berriak aplikatzean oinarritutako enpresa-proiektu berriak proposatzen dituzten ekintzaileei eta Europako startupei zuzenduta dago lehiaketa
Zinemaldia startups Challenge

Donostia Zinemaldiak Zinemaldia Startup Challenge egitasmoaren hirugarren deialdia egin du; ikus-entzunezkoetako proiektu teknologikoen gaineko lehiaketa da. Zinemaldia & Technology ekimenaren laugarren edizioaren barnean egingo den lehiaketa Zinemaldiaren apustu estrategikoetako bat da, teknologiari eta ikus-entzunezkoen industriari buruzko gogoetarako erreferentzia-gune izatea duenez helburu.

Hautagaitzak aurkezteko azken eguna datorren ekainaren 1a izango da. Ikus-entzunezkoetan teknologia berriak aplikatzean oinarritutako enpresa-proiektu berriak proposatzen dituzten ekintzaileei eta startup sortu berriei –2015eko abenduaren 31tik aurrera eratuak– zuzenduta dago lehiaketa. Gainera, parte-hartzaileek Europako herrialde batean izan beharko dute legezko egoitza, eta enpresa-proiektua Euskal Autonomia Erkidegoan martxan aukera aztertea.

Hautatutako proiektuak Zinemaldiaren egitarauaren barnean aurkeztuko dira, irailean, eta eskola magistral bat ere egongo da.

Eusko Jaurlaritzak, Ekonomiaren Garapen, Jasangarritasun eta Ingurumen Sailaren bitartez, Zinemaldia Startup Challenge ekimena sustatzen du. Zinemaldia & Technology jardunaldiaren barruan egiten da, eta Donostia Zinemaldiak, TECNALIAk eta Tabakalerak antolatzen dute, Creative Europe MEDIAren eta Vicomtech ikerketa aplikatuko zentroaren laguntzarekin. Tabakalerako 2deo ikus-entzunezko laborategiarekin elkarlanean, jarduera horri loturiko jardunaldi gehiago egin nahi dira urtean zehar.

Lehenagoko edizioetan, teknologoen, zinemagileen eta zinemaren industriako profesionalen topagune bat izan zen Zinemaldia & Technology. 2018an, J.A. Bayona zinemagileak inauguratu zuen jardunaldia, eskola magistral bat eskainita; 2019an Lucía Peraltak hartu zuen parte, esaterako, Aquaman eta Game of Thrones produkzioetan Digital Matte Painter gisa izandako esperientzia azalduta, eta iaz Marc Ortsek soinu-teknologiaren bilakaerari eta soinu-banda bat sortzeko prozesuari buruz hitz egin zuen.

 

10.000 euroko saria eta 500.000 eurora arteko finantzazio posiblea

Izen-ematea Zinemaldiaren webgunean dagoen online formulario baten bidez egin daiteke. Adituen epaimahai batek bost finalista aukeratuko ditu eta horiek urtebetez Euskadiko Teknologia Parkeen Sareko BIC (Business Innovation Center) bateko inkubagailu baterako doako sarbidea, Zinemaldiko jarduera eta ekitaldi guztietarako sarbidea eta jardunaldira joateko bidaia- eta ostatu-gastuak ordainduta izango dituzte. Aukeratutako proiektuak prentsa-ohar baten bidez ezagutaraziko dira, abuztuaren hasieran. Azkenik, irailean, Zinemaldian bertan, epaimahai independente batek hautatutako du proiektu irabazlea, hots, 10.000 euroak jasoko dituena. Irabazleak nahiz lau finalistek, gainera, 500.000 euro arteko finantzaketa jaso ahalko dute, euren proiektua EAEn garatzeko.


IZENA EMATEKO EPEMUGA: EKAINA 1

Arautegia irakurtzeko eta proiektu bat inskribatzeko, klikatu hemen.

Up Euskadi Wake Up!
Ekintzailetza 7 maiatza, 2021
Wake up! Albiste ekintzaile batzuk sarean. Asteko laburpena: Maiatzaren 3, 7rako astea

Wake up! -ek Komunikabide eta Sareko Blog desberdinek argitaratutako albisteen hautaketa txiki bat...Leer más

centro innovación abierta Álava Araba Gasteiz Vitoria
Ekintzailetza 4 maiatza, 2021
Arabak Berrikuntza Irekiko Zentro bat izango du enpresa-berrikuntza bultzatzeko

Aurtengo udan inauguratuko da Arabako Foru Aldundiak abian jarri duen Berrikuntza Irekiko eta...Leer más

Ekintzailetza 3 maiatza, 2021
Aitor Cobanera: “Enpresen lehiakortasuna hobetzeko programa berriak jarri ditugu martxan”

Enplegua sortzen duten enpresa-proiektuak bultzatzea SPRI taldeko Enpresa...Leer más

UpEuskadi Wake Up
Ekintzailetza 30 apirila, 2021
Wake up! Albiste ekintzaile batzuk sarean. Asteko laburpena: Apirilaren 26, 29rako astea

Wake up! -ek Komunikabide eta Sareko Blog desberdinek argitaratutako albisteen hautaketa txiki bat...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?