Slidel proiektuak kablerik gabeko elektrizitatea gidatzeko irristailu berri bat garatu du

Kablerik gabeko elektrizitatea gidatzeko irristailu kontzeptu berri bat garatzea, espazioan, pisuan eta kostuan aurrezteko aukera emango lukeena. Irristailu hori altzarien eta automobilgintzaren sektoreetarako pentsatuta dago, eta Hettich Internationalen integratutako OBEKinematics enpresa gipuzkoarrak gidatutako partzuergoaren, non CEIT eta CIDETEC euskal zentro teknologikoek parte hartzen duten, lanaren emaitza da.  

“Irristailu berriarekin, erraz ‘elektrifikatu’ daitezkeen modulu mugikorrak sartzea erraztuko dugu. Horri esker, erabilera-espazioa maximizatu ahal izango da, eta, beraz, neurri handiagoko mugikorrak kargatu ahal izango dira”, adierazi du Óscar García Marraco OBEKinematics-eko I+G+Bko arduradunak.  

2023ko ekainean hasi eta 2025eko maiatzean amaituko den Slidel proiektuak SPRI Taldearen Hazitek laguntza-programan parte hartu du. García Marracok nabarmendu duenez, “esperientzia oso positiboa da, ikerketa eta garapen teknologikoko proiektuak babesten dituzten berrikuntzarako dirulaguntzak ematen baititu”.  

Zinematika

OBEKinematics, 55 urtetik gorako esperientzia duena, altzarigintzako lehen mailako sistemen hornitzailea da, hala nola, irristailuak, bandak… “Gure lana irtenbide eraginkorrak eta pertsonalizatuak proposatzea da, milaka pertsona errazago bizi daitezen”, nabarmendu du konpainiaren ordezkariak. “Ingeniaritza bat gara, fabrika bat gara. Ikuspegi bikoitz horrek norberaren ideiatik haratago pentsatzera garamatza: piezaren bizi-zikloan, garatuko den ingurunean, izango duen erabileran eta fabrikatzeko moduan”, azpimarratu du.  

Horregatik, euskal enpresak ingeniaritza eta egitura industriala ‘in house’ integratzen ditu. Ingeniaritza konkurrentearen ikuspegi horrek aukera ematen dio berrikuntza aplikatuko ingurune bat sortzeko, “prozesu eraginkorragoekin, epe laburragoekin eta kostu kontrolatuagoekin“, Óscar Garcíaren esanetan.  

Gipuzkoako enpresak lau hamarkadatan altzarigintzan eta etxetresna elektrikoetan lortutako esperientzia eta ezagutza guztia aplikatzen du mugikortasun berrirako zinematika sortzeko eta fabrikatzeko. “Automobiletan, kamioietan, autobusetan edo itsasontzietan, mugimendu-gailu guztiek OBEKinematics-en zigilua eramango dute”, nabarmendu du.  

Aizarnazabalgo konpainiak Europan, Asian eta Amerikan jarduten du, “Antolin, Grammer, Yanfeng, Electrolux, BSH, IKEA… bezalako bezeroei lagunduz”, nabarmendu du I+G+Bko arduradunak. Bere urteko fakturazioa 2023an 14 milioi euro ingurukoa izan da eta bere helburua “etengabeko hazkundea lortzea da, 2030ean 50 milioi eurora iritsi arte“, dio García Marracok.  

Euskal enpresak 70 langile ditu une honetan, eta “2024tik aurrera, hurrengo sei urteetan urtean %10eko hazkundea izatea” espero du.  

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu. 

Lotutako albisteak

25 apirila, 2024 I+G

3R teknologia tren arinagoak eta iraunkorragoak eraikitzeko

Irakurri gehiago

23 apirila, 2024 Ekintzailetza

Emen4sport, kirol-arrakazta edonoren eskura I+G+b baten bidez

Irakurri gehiago

10 apirila, 2024 I+G

Errekak DUNE proiektu zientifikoan hasi du bere ibilbidea, torloju adimendunak garatzeko

Irakurri gehiago

9 apirila, 2024 I+G

CIC biomaGUNEk patentatutako teknologia batean oinarrituta antigorputzak azkar detektatzeko nanosentsoreak

Irakurri gehiago

26 Marzo, 2024 Berrikuntza

Sustatu berrikuntza-proiektuak zure enpresan Fast Track Innobideak ekimenarekin

Irakurri gehiago

Joan blog-era