Automobilgintza sektoreko piezak elkartzeko ekoizpen-zelula automatizatua garatzea da Tecnalia euskal korporazio teknologikoa partaide duen proiektu europarraren helburua
Automobilgintza sektore tradizionalak CO2 isurketak murriztea, hirietako kutsadurari buruzko araudia errespetatzea eta ibilgailuen pisua arintzea bezalako erronkei aurre behar die, bai sektorearen lehiakortasunari eusteko, baita garapen iraunkorraren aldeko politiketara egokitzeko ere.
Egoera honetan, Tecnalia euskal korporazio teknologikoa, laser-teknologiaren eta indukzio bidezko beroketaren laguntzaz ibilgailuetako piezak era eraginkorragoan zigilatzea ahalbidetuko duen ekoizpen-zelula automatizatu baten garapenean parte hartzen ari da.
Azken osagaiaren pisua % 20 murrizteko aukera ematea da ekoizpen-sistema berri honen helburua, ekoizpen-kostuak gutxituz eta ingurumen-inpaktua murriztuz material birziklagarriaren erabilpenaz.
Ekoizpen-teknologia berri hau H2020 Flexhyjoin deritzon proiektu europarraren barruan garatzen ari da, Tecnalia zentroaren eta IVW, Gübesch, EDAG, CRF, NIT, Fraunhofer ILT, KGR eta FILL konpainien partaidetzaz. Ekimena 2015ean abiatu eta 2018ko abenduan amaituko da.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?