Repapel proiektuak paper-industriaren zirkulartasuna areagotzen duten konponbideak eskaintzen ditu
Hiru urte baino gehiagoko lanaren ostean eta 4,5 milioi euroko inbertsioarekin, Repapel proiektua amaierara heldu da. Papergintzan sortutako hainbat hondakin baliabide eta lehengai bihurtzea lortu du, sektorean bertan eta baita eraikuntzan, uren tratamenduan eta industria kimikoan erabiltzeko ere. Emaitza nagusien artean, karbono-aztarna txikiagoa duten produktuak daude, lehengai birjinak edo berriztagarriak ez direnak ordezteari esker, edo produktuan bertan CO2 xurgatzea.
“Ikerketa kolaboratibo honen lanek beste urrats bat ematen dute planetaren egungo beharrei erantzungo dien ekonomia gero eta zirkularrago baten garapenean“, esan dute proiektuaren zuzendaritzatik, eta gaineratu dute “urrats berri bat dela zero isurketaren erronkari aurre egiteko, balorizatzeko bide konbentzionaletarako alternatibak bilatuz, funtsezko alderdia baita Europar Batasunak ezarritako lehiakortasun- eta jasangarritasun-helburuak betetzeko”.
Eusko Jaurlaritzaren laguntzarekin, SPRI Taldearen Hazitek programaren bidez, eta Eskualde Garapeneko Europako Funtsaren (EGEF) babesarekin, ekimena 2021ean jarri zen martxan, eta hasieratik industria-ikerketako jardueretan eta garapen esperimentalean zentratu da hiru arlo nagusitan. Lehenik eta behin, lehengaiak erauzteko eta orea eta papera ekoizteko prozesuetan sortutako hondakinak tratatzeko teknologien errendimendua ebaluatu da laborategiko eskalan. Bigarrenik, industria-produktu berrien bideragarritasuna ebaluatu da, erauzteko eta tratatzeko prozesuetan lortutako lehengaietatik abiatuta. Eta, azkenik, papergintzako azpiproduktuak kudeatzeko erabakiak hartzen laguntzeko tresna bat diseinatu da.
Horrela, lehengai birziklatuetan oinarritutako industria-produktu berriak formulatu eta testatu ahal izan dira. Besteak beste, errauts karbonatatuetatik eta kareharrizko lohietatik abiatutako aurrefabrikatutako hormigoiekin eraikuntzarako saiakuntzak egin dira; edo lignina baliozkotu da (landareetako zurezko ehunen oinarrizko konposatu organikoa), uren tratamenduan eta garbiketa industrialean erabiltzen diren prozesu kimikoak diseinatzeko oinarri gisa. Azken batean, “ingurumenari eta ekonomia zirkularrari dagokienez, birziklapena eta lehengai berriztagarriak nabarmen handitzen dira, eta lehengai birjinen erabilera eraginkorragoa eta murriztaileagoa ahalbidetzen da”.
“Proiektu honetan oso gauza positiboa da egungo balio-kate osoa integratu dela, pasta eta paperaren fabrikatzaileetatik hasi eta hondakinak tratatzeko enpresetara eta sektore kimikoko industria eraldatzaileetara arte, ingeniaritzak edo eraikuntza-enpresak ahaztu gabe”, azaldu dute.
Ondoan enpresa bizkaitarraren gidaritzapean, paper, eraikuntza, ur eta kimika sektoreetako 11 enpresa erreferentek osatutako partzuergo batek egin du lan: Smurfit Kappa Nervión, Zubialde, TSK, Ekotek, Agaleus, Campezo, Asfaltia, P. Etxeberria, Feralco eta Biosyncaucho. Gainera, Aclima, ingurumenaren euskal klusterraren, eta Euskadiko Paper Klusterraren eta Tecnalia eta CEIT zentro teknologikoen laguntza izan du, biak ere BRTA aliantzako kideak.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Etxetar, errekuntzako motorrentzako eta ibilgailu elektrikoentzako ekoizpen-sistema aurreratuak egiten dituen munduko ingeniaritza liderra
Elgoibarko enpresak SPRI Taldearen zibersegurtasuneko dirulaguntza-programa jaso du eta proiektu bat egin du freno-diskoen kutsadura mugatzeko.