Nola bultzatu STEM bokazioak belaunaldi berrian artean

ISEAk Hezkuntzari buruzko ikuspegiak STEM diziplinetan deritzon jardunaldia antolatuko du urtarrilaren 23an

Enpresek gero eta profil profesional teknologikoagoak eta zientifikoagoak behar dituzte eraldaketa digitalaren erronkei aurre egiteko, baina aldi berean, diziplina horien inguruko bokazioak murriztuz joan dira azken urteotan. 2010etik 2017ra bitartean, Estatuan % 28 murriztu dira Ingeniaritza eta Arkitektura ikastetetarako matrikulazioak, eta gainera, kopuruek generoen arteko eten nabarmena iradokitzen dute. UNESCOk 2019an landutako Kodea deszifratzea: nesken eta emakumeen hezkuntza Zientzian, Teknologian, Ingeniaritzan eta Matematikan txostenaren arabera, emakumeak STEAM arloetan matrikulatutako ikasleen % 35 baizik ez dira.

Erronka horren gainean eztabaidatu eta irtenbideak partekatzeko asmoz, ISEAk Hezkuntzari buruzko ikuspegiak STEM diziplinetan deritzon topaketa antolatuko du urtarrilaren 23an Garaia Teknologia Parkean. Bokazio zientifikorik ezaren atzean dauden arrazoiei buruz gogoeta egin eta ikasleen jakinmina sustatzea da jardunaldiaren helburua, genero-ikuspegiari arreta berezia emanez.

Topaketan parte hartuko dute Hezkuntza eta Lanbide Heziketa Ministerioko Genero-Berdintasunerako Unitatearen arduradun Montserrat Grañeras Pastranak, UPV-EHUko katedradun Félix Maria Goñi Urcelayk, Deustuko Unibertsitateko Nortasun Digitaleko zuzendari Lorena Fernándezek eta Mondragon Unibertsitateko Humanitate eta Giza Zientzien Fakultatean ikertzaile dabiltzan Nagore Ipiñak eta Itziar Garcíak.

Jardunaldia Garaia Teknologia Parkeko LKS Eraikinean egingo da, Arrasaten. Topaketan parte hartzeko, nahitaezkoa da aldez aurretik izena ematea 943772064 telefonora deituz edo mezu elektronikoa bidaliz morobengoa@iseamcc.net helbidera.

Lotutako albisteak

10 apirila, 2024 I+G

Errekak DUNE proiektu zientifikoan hasi du bere ibilbidea, torloju adimendunak garatzeko

Irakurri gehiago

9 apirila, 2024 I+G

CIC biomaGUNEk patentatutako teknologia batean oinarrituta antigorputzak azkar detektatzeko nanosentsoreak

Irakurri gehiago

26 Marzo, 2024 Berrikuntza

Sustatu berrikuntza-proiektuak zure enpresan Fast Track Innobideak ekimenarekin

Irakurri gehiago

20 Marzo, 2024 I+G

Masterly proiektu europarrak enpresen aurrerapen teknologikorako irisgarritasuna bultzatuko du

Irakurri gehiago

18 Marzo, 2024 I+G

Ingenersun-ek bost tona jasotzeko gai den AGV robot bat garatu du

Irakurri gehiago

Joan blog-era