Eusko Jaurlaritzak Elkartek programaren bitartez finantzatutako LISOL proiektuak disolbatzaile alternatiboetan oinarritutako teknologiak garatu ditu industria prozesuetarako
Likido ionikoak ingurumena errespetatzen duten korrosiorik gabeko gatzak dira, fusio-tenperatura baxua eta tarte elektrokimiko zabala dituztenak. Material hauen kualitateei erreparatuta, arras baliagarriak dira disolbatzaile industrial bezala eta elektrodeposizioa, pirometalurgia eta hidrometalurgia bezalako prozesuetako soluzio osagarri bezala erabiltzeko. Askoz ere alternatiba iraunkorragoa da ekologiaren, energiaren nahiz kostua-eraginkortasunaren ikuspegitik.
Likido horien aukerak esploratzeko asmoz, LISOL proiektua garatu da. Tecnalia korporazio teknologikoak koordinatutako ekimen hau Eusko Jaurlaritzak SPRI Taldearen bitartez bultzatutako Elkartek laguntza-programari esker finantzatu da.
Dagoeneko amaituta dagoen proiektuak likido ionikoetan oinarritutako teknologiak ikertu ditu uren tratamendua, eduki metalikoa duten hondakinen birbalioztapena, karbono dioxidoaren atzipena, biomasa lignozelulosikoaren tratamendua eta erregaien ekoizpena bezalako prozesuetarako.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?