Indrigraph, tinta txinatarrerako lehen luma eskaintzen duen mikroETEa
Indigraph Donostiako enpresa txiki bat da, eta eskaintzen duen produktua bakarra da munduan: lehortzen ez den tinta txinatardun luma. Konpainia honek 1.000tik gora luma saldu ditu merkatura atera eta lehen urtean. Indigraph enpresak SPRI Taldearen laguntza jaso du Basque Digital Innovation Hub-ek martxan jarritako BDIH Konexio programaren bidez, zeinak euskal ETEen eskura jartzen baitu fabrikazio aurreratuko aktibo eta zerbitzuen sare konektatu bat prestakuntzarako, ikerketarako, probak egiteko eta produktuak baliozkotzeko.
Enpresa hau duela 4 urte sortu zen, diseinu industrialean diharduen Dinamo konpainiatik sortutako proiektu gisa. “Geurea izango zen zerbait egin nahi genuen, eta merkatuko arazo bat konpondu” aipatu dute Iñigo Echeverria kudeatzaileak eta Izar Carazo arduradun teknikoak.
Tinta txinatarrarekin marraztearen arazoak daude ideia honen oinarrian, “tinta lehortu egiten baita, eta horrek luma hondatzen du”. Hainbat proba egin ondoren, sistema bat asmatu zuten lumaren taparako, oinarritzat mintz bat eta ur depositu txiki bat dituena. “Hala, lumatxoa heze egoten da beti. Merkatuan ez dago halakorik”. Hainbat patente dauzkate erregistratuta Europar Batasunean eta Estatu Batuetan.
Sistemaren funtzionamendua ziurtatzeko hainbat prototipo egin ondoren, enpresa Kick Starter crowdfunding plataforman sartu zen, eta “uste baino gehiago saldu genuen. Ikusi genuen ilustratzaile eta marrazkilarien artean dezenteko eskaera zegoela”.
Gipuzkoako Foru Aldundiaren laguntza batekin finantzaketa lortu zuten, eta fabrikazioari ekin zioten. Funtsean onlineko salmenta egiten dute, baina banatzaileak ere badauzkate Frantzia, Italia, Australia zein Estatu Batuetan.
Produktua luma berritzaile bat da, tinta txinatarrarekin erabili daitekeena, eta aukera ematen du “akuarela modura erabiltzeko”. Bezero gehienak ilustratzaileak eta urban sketcher-ak (kalean marrazten dutenak) dira, eta baita ere kaligrafia egiten duten pertsonak. “Urtean 1.000tik gora luma saltzen ditugu, eta lanean ari gara atzerriko produkzioa indartzeko”.
Enpresak hornitzaile europarrekin lan egiten du. Lumatxoak eta kristalak Alemanian erosten dituzte, eta junturak, berriz, Suitzan. “Muntaketa eta prototipoak geuk egiten ditugu. Produktuaren diseinua eta garapena geureak dira oso-osorik”.
Aztarna ekologikoa
Diseinua egitean kontuan hartu dute produktuaren aztarna ekologikoa. “Produktuaren iraunkortasuna funtsezkoa izan da. Ez da erabili eta botatzeko elementu bat. Mekano baten modukoa da, eta ordezko pieza guztiak salgai dauzkagu. Konpondu egin daiteke. Kalitate handiko produktu bat da, aluminio mekanizatuz egina”.
Indigraph-ek hiru pertsonako plantilla du, eta fakturazioa 100.000 eurotik gorakoa da, nahiz eta urtebete eskas daramaten salmentaren negozioarekin. I+G funtsezkoa da euren enpresa proiektuan.
SPRI Taldearen BDIH programako laguntza erabili dute tinta eroaleei buruzko proiektu baterako, Tecnaliarekin batera garatu dutena. “Gure lumak tinta txinatarra erabiltzen duenez -tinta arruntak baino likatsuagoa da-, asmoa zen tinta eroale bat garatzea zirkuituak marrazteko eta prototipoak egiteko”.
Proiektuko ideietako bat da tinta eroalea material didaktikoetan eta jolasetan erabiltzea. “Bateria batekin eta LED batekin posible litzateke zirkuituak paperean marraztea, haurrek ikus dezaten argiak nola pizten diren zirkuitua osatutakoan”.
Indigraph enpresaren erronkak bi oinarri ditu: besteak beste Korean eta Japonian haztea, “marrazkiaren kultura oso hedatuta baitago herrialde horietan” eta lumaren bertsio berriak garatzea, diseinua hobetuz eta marrazketarako lumatxo espezifikoak eskainiz.
Lotutako albisteak
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Etxetar, errekuntzako motorrentzako eta ibilgailu elektrikoentzako ekoizpen-sistema aurreratuak egiten dituen munduko ingeniaritza liderra
Elgoibarko enpresak SPRI Taldearen zibersegurtasuneko dirulaguntza-programa jaso du eta proiektu bat egin du freno-diskoen kutsadura mugatzeko.