Euskal Herriko lehen ESNEKI ZENTROA jaio da

Euskal Herriko lehenengo ESNEKI ZENTROA abiarazi du Leartiker Zentro Teknologikoak, HAZI Fundazioa eta Eusko Jaurlaritzarekin elkarlanean. Esne eta esneki sektoreko beharrak eta gabeziak bultzatuta, Euskal Autonomia Erkidegoko sektore hori indartzeko asmoz, Esneki Zentro honen bitartez aholkularitza tekniko aurreratua, formazio espezializatua, berrikuntza proiektuen garapena eta beste hainbat zerbitzu eskainiko ditu Leartikerrek, elikagaien segurtasuna oinarri hartuta.

Esneki sektoreko ekoizleentzako erreferentziazko zentroa izango da, zerbitzu aurreratua, pertsonalizatua eta eraginkorra jasotzeko bermea izango dute eta sektoreko beste eragileekin etengabeko elkarlana izango du oinarri.

EUSKAL HERRIKO ESNEKI SEKTOREA

Euskal Herriko esneki sektorea artisaua da; tradizionala, ekoizle txikiz osotua, elikadura eredu jasangarriaren alde egiten duena, bertokoa, osasungarria, km0-n oinarritua, naturala, ekologikoa, garaian garaiko produktuak eskaintzen dituena, konfidantzazkoa eta kultura eta tradizioari errotua.

2019ko datuen arabera (Letra Q data basea), Euskal Autonomi Erkidegoan 190 gaztandegi daude eta horietatik %95 erabat artisauak dira, hau da, familia unitateak dira eta esnea ekoizteaz gain eraldaketa lanetan ere murgilduta daude. “Mikro-gaztandegi” ereduan oinarritzen dira, gazta tradizionalak ekoizteko balio erantsia mantendu eta ziurtatzeko asmoz. Baina eredu horrek gabeziak ere sortzen dizkiete, hala nola, gaitasun ekonomiko urria: inbertsioak gauzatu, teknologia berriak barneratu, produktuetan dibertsifikatu, langilegoa kontratatu…  Sektorea ez da gai ekonomikoki esparru guzti horiei aurre egiteko.

Esne-ekoizpena, esnearen eraldaketa, araudi higieniko-sanitarioen aplikazioa eta kontrola, produktuen merkaturatze-prozesua… hainbat dira egunerokoan sektore honen baitan egiten diren jarduerak eta kanpo-aholkularitza tekniko premia handia dago.

Kanpo-aholkularitza tekniko gabezia horrek sektorean eragin zuzena du eta esneki sektorea ahultzen ari da.

Premia horretan oinarrituta sortzen da ESNEKI ZENTROA. Zentro honetan eskainiko diren zerbitzu ezberdinei esker, Euskal Autonomia Erkidegoko esne eta esneki sektorea indartzea da helburua. Eusko Jaurlaritza eta HAZI Fundazioaren babesarekin, Leartiker Zentro Teknologikoaren Esneki Sektorearen Espezializazioaren jarraipena izango da Esneki Zentroa. Urteetan zehar egindako lanak emandako esperientzia eta ekoizleekin izandako harreman estuari esker, Leartikerrek zuzenduko duen zentro hau Euskal Herri mailan esne eta esnekien sektorean erreferente izateko jaio da.

LEARTIKER eta ESNEKI ZENTROA

Azken urteetan Leartiker Zentro Teknologikoaren Esneki Sektorearen Espezializazioa 100 ekoizle baino gehiagorekin esparru ezberdinetan aritu da lanean; produktuen garapena, aholkularitza zerbitzu aurreratua, formazio espezializatua eta elikagien segurtasunaren arloan, besteak beste. Horri esker, ekoizle txikien dibertsifikazioan lehiakortasuna bultzatzeaz gain, sektore artisau honetan berritzeko griña piztea ere lortu da.

Azken urteetako ibilbide arrakastatsu horri esker, erronka berriei aurre egiteko garaia iritsi da eta Esneki Zentroa da horren adibiderik argiena.

Esneki Zentroak eskaintza integrala eskainiko die sektoreko ekoizle eta ekintzaileei, ondorengo zerbitzuen bitartez:

• Dibertsifikazio proiektuen garapena
• Ekintzailetza
• Aholkularitza teknologikoa
• Formazio espezializatua (HAZI eta Academie MonS-ekin hitzarmena)
• Kalitate kontrola, segurtasuna eta analisi sentsorialak
• Afinazioa
• Merkaturatzea (Academie MonS-ekin hitzarmena)
• Gastronomia
• Difusio ekintzak

Esneki sektorean lanean dabiltzan eta sektoreko erreferente diren entitateen arteko koordinazioa eta kolaborazioak Esneki Zentro berri honen oinarria dira. Zerbitzu eraginkor bat eskaintzeko, dibertsifikatzeko, balio kate osoko zerbitzuak ahalbidetzeko eta produktu berriak garatzeko, diseinu eta ekoizpenetik hasi eta merkaturatu arte.

Lotutako albisteak

23 apirila, 2024 Ekintzailetza

Emen4sport, kirol-arrakazta edonoren eskura I+G+b baten bidez

Irakurri gehiago

10 apirila, 2024 I+G

Errekak DUNE proiektu zientifikoan hasi du bere ibilbidea, torloju adimendunak garatzeko

Irakurri gehiago

9 apirila, 2024 I+G

CIC biomaGUNEk patentatutako teknologia batean oinarrituta antigorputzak azkar detektatzeko nanosentsoreak

Irakurri gehiago

26 Marzo, 2024 Berrikuntza

Sustatu berrikuntza-proiektuak zure enpresan Fast Track Innobideak ekimenarekin

Irakurri gehiago

20 Marzo, 2024 I+G

Masterly proiektu europarrak enpresen aurrerapen teknologikorako irisgarritasuna bultzatuko du

Irakurri gehiago

Joan blog-era