Credeblug-ek tresna bat garatu du urpeko kableak konpontzeko
Ezkutuko Txapeldun kontzeptua bikain doakio Credeblug ingeniaritzari. Tamaina ertaineko ETE bat da, eta bere nitxoa hain da zehatz eta espezializatua, mundu mailako liderra dela bere merkatu-kuotan. Hamarratz eta zaliak bezalako pieza handien segmentuan egiten du lan, historikoki industria astuna deitu izan zaion sektorean, eta, kasu honetan, pieza horiek baliagarri dira karga astunak manipulatzeko altzairutegi, portu edo hondakin-lantegietan.
Hemendik aurrera, konponbide berri bat egiten hasiko da uretako plataforma eolikoen arloan erabiltzeko. Egoitza Azpeitian duen hogei langile inguruko ETE hau prototipo bat bukatzen ari da, zeinari esker posible izango baita hobeto eta modu eraginkorragoan konpontzea horrelako plataformak lurrari lotzeko erabiltzen diren urpeko kableak. Izan ere, kable horiek askotan kaltetzen dira denboraren joanagatik edo itsas jardueragatik, azaldu du konpainiako zuzendari nagusi Asier Susaetak.
Ezkutuko txapelduna edo Nitxoko txapelduna… Nola lortzen da horrelako aitortza bat?
Esango nuke hainbat faktoreren nahaste bat dela. Garrantzitsuena da deliberamenduz jokatzea, apustu irmoa egin behar baita edozein merkatu edo produktutan espezialista bihurtzeko, eta guk hasieratik egin dugu hori. Gainera, uste dut mantentzen dugula enpresak jaiotzatik duen DNA berritzailea, eta gaur egun are gehiago indartzen ari garela.
Koka gaitezen… Zein da hamarratz baten eta zali baten arteko aldea?
Forma da alde nagusia. Hamarratz batek “besoak” dauzka, eta zali batek “burruntzaliak”. Hala, hamarratzak erabiltzen dira tamaina handiko bolumenak kargatzeko, besteak beste, hiriko hondakin solidoak edo txatarrak. Aldiz, zaliak gehiago erabiltzen dira granulometria txikiagoko produktuak kargatzeko, adibidez, biomasa, garia, zementua…
Eta nola aurkitzen du ETE batek urpeko kableen konponketa bezalako merkatu-nitxo zehatz bat?
Blug bereziki sortu zen siderurgia sektoreko makina espezifikoak eraiki eta haiei zerbitzu emateko, baina, pixkanaka, produktu estandarrerako makina bereziak diseinatzen hasi zen, manipulaziorako makineria gero eta handiagoa zelako eta erabateko espezializazioa eskatzen zuelako. Hortik aurrera, enpresa hazi egin da beste zentzu batzuetan ere, esaterako teknologikoki edo nazioartekotze arloan.
Zergatik hausten da urpeko kable bat?
Arrazoi ugari egon daitezke, baina normalean izaten da itsasontzien aingurekin duten elkarreraginagatik.
Nola egiten da konponketa? Credeblug-ek zertan hobetuko du prozesua?
Gure tresnak (Cabletool) integratuta dauzka argiztapen eta ikusmen sistemak, bai eta kableak lotu eta ebakitzeko moduluak. Horrek esan nahi du gai garela kablea aurkitu, lotu eta ebakitzeko ekipo bakarrarekin, eta horri esker posible da itsaso zabalean kudeatzeko konplexua den operazio baten kostua eta dedikazioa gutxitzea.
Zenbat denbora behar izan duzue proiektu honen garapen eta berrikuntza lanetarako?
Hazitek proiektu estrategiko bat da (enpresetako I+G-ari laguntzeko programa bat, SPRI Taldeak bultzatua), hiru urteko iraupena duena, eta orain amaierako fasean gaude. Luzapen bat eskatu dugu 2023ko lehen hiruhilekoan prototipoa baliozkotzeko probak amaitzeko.
Berrikuntza erreal eta ukigarriez mintzatzean proiektu zehatz hau aipa liteke… Noizko espero dituzue lehen emaitzak?
Aste gutxi barru izango dugu landa-feedback teknikoa. Gero merkatura aterako dugu produktua, eta hori da berrikuntzaren zati garrantzitsuena, kutxa batean gordeta geratzen bada ez baitu ezertarako balio. Nolanahi ere, dagoeneko kontrastatu dugu gure konponbidea eta bere diseinua offshore sektoreko enpresekin, beraz, pozik gaude eta aurreikuspenak onak dira.
Lotutako albisteak
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.
Vaillant Groupek aire-ur bero bonba berri bat merkaturatu du, eraginkorragoa eta zarata-mailak murrizten dituena
Behin Split proiektua amaituta, Europako merkatuan makinak merkaturatzen hasi da, eta 30.000 salmenta izatea aurreikusten du. SPRI Taldearen Hazitek Laguntza Programaren babesa jaso du.
Sintop proiektuak saldu osteko kudeaketa optimizatu du etxebizitzen eraikuntzan
Construcciones Olabarri buru dela, plataforma adimendun bat garatu da obrak denbora errealean amaitu direnean gorabeherak erregistratzeko. Ekimenak SPRI Taldearen Hazitek Laguntza Programaren babesa jaso du.
Hazitek proiektu batek Hesteetako Gaixotasun Inflamatoriorako diagnostiko-sistema eta terapia berriak garatu ditu
HANTURA, Faes Farma buru duela, sendagai berriak, gaixotasunaren tratamendurako alternatiba terapeutiko berrien garapenean egindako aurrerapenak eta pazienteen zaintza asistentziala hobetzeko tresna digitalak lortu ditu.
Tamag mikroteknologietan erreferente bihurtu nahi da nazioartean
Donostiako mikroETEak produktu berrien garapenari eta mikrohari amorfo magnetikoen elaborazioari aplikatutako I+Gn zentratzen du bere jarduera.
Teknikerrek errepideen mantentze adimenduna bultzatzen du teknologia robotiko aurreratuaren bidez
Zentro teknologikoak errepideak diseinatzeko, eraikitzeko eta mantentzeko teknologia robotikoak eta automatizazio adimendunak hornitzeko lanak gidatu ditu Europako Omicron proiektuan.
Robtwin proiektuak fabrikazio aurreratuaren aldeko apustua egin du automobilgintza-sektorean
Ingematek biki digitalaren kontzeptu aurreratu berri bat inplementatzen duen tresna bat garatu du, eta SPRI Taldearen Hazitek Laguntza Programaren babesa jaso du.
EKOHOOD, garraioen ontziratzeko soluzio jasangarria
Plastigaur buru duen proiektuaren helburua da kontsumo osteko material birziklatuarekin film-sorta berri bat sortzea hirugarren mailako packaging-erako. SPRI Taldearen Hazitek Laguntza Programaren babesa izan du.