Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 19 urtarrila, 2023 I+G

Bioekonomian, ekonomia zirkularrean eta material berrien esparruan berrikuntzaren aldeko apustua egin du Orlogak

Gipuzkoako konpainiak prozesuen ingeniaritza arloan la egiten du. Orain, sektore berrietan dibertsifikatu du bere jarduera, berrikuntzaren eta iraunkortasunaren aldeko apustuarekin bat eginez.

Orloga 40 urtetik gorako esperientzia duen enpresa bat da, prozesuen ingeniaritzan espezializatua. Bere Donostiako egoitzan papergintzako sektorearekin lan egiten hasi zen, baina gaur egun bere eskaintza dibertsifikatu du beste sektore batzuetara, hala nola elikagaien industriara, meatzaritzara edo biogas-lantegietara. Konpainiak mota guztietako zerbitzuak eskaintzen ditu, energia aurrezteko azterketak edo instalazio osoen oinarrizko eta xehetasunezko ingeniaritza diseinua, besteak beste. Pablo Amunarrizek, Orlogako CEOak nabarmendu duenez, “gaur egun gure balioa giltza eskurako proiektuak dira, 3D diseinu erabat pertsonalizatua eta ezarpen prozesu osoan zehar egiten dugun aholkularitza”. 

Duela hamarkada bat baino gehiagotik, Orlogak I+G+B proiektuen aldeko apustua egitea erabaki du, sektore berrien dibertsifikazioarekin bat eginez. Iñaki Garcia Amantegui I+G+Bko arduradunak azaldu duenez, “hondakinen balorizazioan, I+G+Bren eta industriaren arteko lotura ahalbidetzean eta proiektuak eskalatzean zentratuta gaude, industria berrirako emango den trantsizioa bizkortu ahal izateko”. Horregatik, Donostiako enpresak ekonomia zirkularrarekin, bioekonomiarekin eta material berriekin lotutako proiektuak garatzen ditu. 

Adibidez, Gaitek programaren deialdi batekin hasi zen Orloga I+G arloan, eta, ondoren, Hazitek askotan parte hartu du. Gainera, Ekintzaile programan ere parte hartu du, Europako hainbat proiektutan, hala nola Seven Framework eta Horizon, bioekonomiako berrikuntza-proiektuetan, eta Basque Enterprise Europe Network zerbitzuarekin lan egiten du. Euskadiko Paperaren Klusterreko kide ere bada, eta horren bidez Net-zeroBasque Industrial Super Cluster partzuergoan parte hartzen du. 

Proiektu horien bidez, “enpresa lankidetzan ari da aldaketa eragiten duten kideekin, eta mundua eralda dezaketen beste enpresa batzuk sortzea da lankidetza honen helburua. Horretarako ez da beharrezkoa multinazional handi bat izatea. Aitzitik, Gipuzkoako enpresa txiki bat mundua alda daitekeela erakusten duen adibide argia izan daiteke”, Pablo Amunarrizek adierazi duenez. 

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu. 

Lotutako albisteak

AIRTALDE 21 maiatza, 2024 I+G
Airtaldek eraginkortasun handieneko konpresoreak aurkeztuko ditu BEC 2024ko Makina-Erremintaren Biurtekoan
Irakurri gehiago
14 maiatza, 2024 Berrikuntza
Sustatu berrikuntza-proiektuak zure enpresan Fast Track Innobideak ekimenarekin
Irakurri gehiago
10 maiatza, 2024 I+G
Azkartu proiektuak etorkizuneko industriaren konektibitatean aurrera egitea du helburu
Irakurri gehiago
9 maiatza, 2024 I+G
CIC nanoGUNEk deialdi berri bat jarri du martxan: Ikertzaileak industriarekin lankidetzan
Irakurri gehiago
9 maiatza, 2024 I+G
AutoTrust proiektuak AAren funtzionamendu segurua bermatu nahi du mugikortasunean
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak