Euskal enpresaren blog-a Zure enpresarentzat garrantzitsua den eguneroko informazioa
Albisteak 8 apirila, 2019 I+G

Abian da Basque Research and Technology (BRTA) – Euskal Partzuergo Zientifiko-Teknologikoaren Zuzendaritza Nagusia hautatzeko prozesua

BRTAk bere baitan biltzen ditu 17 zentro eta 3.542 profesional, urtean 283 milioi euroko sarrerak dituztenak eta 56 milioi euroko nazioarteko finantzaketa jasotzen dutenak egiten duten lanaren balioagatik

 

BRTAk bere baitan biltzen ditu 17 zentro eta 3.542 profesional, urtean 283 milioi euroko sarrerak dituztenak eta 56 milioi euroko nazioarteko finantzaketa jasotzen dutenak egiten duten lanaren balioagatik

 

Basque Research and Technology (BRTA) – Euskal Partzuergo Zientifiko-teknologikoak abiarazi du bere Zuzendaritza Nagusia hautatzeko prozesua. Hautagaiak dira Zientzia eta Teknologiarekin zerikusia duten jakintza-eremuren bateko doktoreak, gutxienez 10 urteko esperientzia dutenak enpresen, zentroen edo ikerketa-talde handien lidergoan eta kudeaketan, eta ingeles-, euskara- eta gaztelania-maila handia dutenak.

 

Enplegatu publikoak hautatzeko indarrean diren berdintasun-, merezimendu-, gaitasun- eta publikotasun-printzipioei jarraiki egingo da prozesua. Lanposturako hautatzen den pertsonak bere gain hartuko du partzuergoaren zuzendaritza exekutiboa, eta baita ere funtzionamendu operatiboaren ardura eta zerbitzuen eta langileen buruzagitza. Langile hori Basque Research and Technology (BRTA) – Euskal Partzuergo Zientifiko-teknologikoari atxikiko zaio, zeina, bestalde, EAEko Administrazio Nagusiaren menpe baitago.

 

Basque Research and Technology (BRTA)–Euskal Partzuergo Zientifiko-teknologikoa beraizik sortu da “partzuergoko kideen arteko lankidetza sustatzeko eta euren gaitasun zientifiko-teknologikoak artikulatzeko, gaitasun horiek koordinatuz, planifikatuz eta jardueren jarraipena eginaz eta, bide horretatik, baita ere erantzuna emateko Euskadiren erronka teknologiko eta industrialei eta posizionamendu hobea lortzeko nazioartean”. Partzuergoak Mendaron izango du egoitza.

 

Zientzia, Teknologia eta Berrikuntzaren Euskal Sistemako azpisektore teknologikoaren eta finantzaketa programa publikoen bi urteko berrantolaketa-prozesuaren azken emaitza da BRTA. Orain guztiak gorpuztu dira erakunde publiko honen barruan, non, esan bezala, lankidetzako dinamika bermatzen den Euskadiren erronka teknologiko eta industrialei erantzuteko eta Euskadiren nazioarteko posizionamendua hobetzeko, kontuan harturik Euskadik baduela une honetan leku bat Europar Batasuneko eskualde berritzaileenen artean.

 

Hain zuzen ere, Euskadiko teknologi zentroen bikaintasuna nazioartean  sustatzea da Basque Research and Technology Alliance (BRTA) Partzuergo Zientifiko-teknologikoak —zeinaren parte diren  eskualdeko 12 zentro teknologikoak (Azterlan, CEIT, Cidetec, Gaiker, Ideko, Ikerlan, Lortek, Tecnalia, Tekniker, Vicomtech, Azti, Neiker) eta ikerketa kooperatiboko lau zentroak (CICbioGune, CICbiomaGUNE, CICenergiGUNE, CICnanoGune)— duen zereginaren muina.

 

Bere egoitza Gipuzkoako Mendaro herriko Kurutz-Gain industrialdean duen BRTA erakundeak bere baitan biltzen ditu 17 zentro eta 3.542 profesional, urtean 283 milioi euroko sarrerak dituztenak eta 56 milioi euroko nazioarteko finantzaketa jasotzen dutenak egiten duten lanaren balioagatik. Finantzaketa pribatua zenbateko osoaren %41a da.

 

Elkarren indarrak batuz, bere ikerlariek nazioarteko 668 proiektutan hartzen dute parte, 922 argitalpen zientifiko dituzte indexatuta, 83 patente erregistratu dituzte, zeintzuekin 5 milioi euro ingresatzen baitituzte, eta beste 8 milioi euro fakturatzen dituzte oinarri teknologikoko enpresa berrietatik.

 

Hautaketa-prozesu honetan baloratuko diren betekizunak dira: Zientzia, Teknologia eta Berrikuntzaren Euskal Sistemari buruzko ezagutzak, eta, zehazki, ZTBESeko agenteen ezaugarriei buruzkoak, I+Ga kudeatzeko sistemei eta jabetza intelektualari eta industrialari buruzkoak, e.a.

 

Sartu www.springspain.com (Erref.: JN-04201911535) web orrian eskaintzaren xehetasun guztiak ikusteko eta izena emateko apirilaren 23a baino lehen.

 

Noticias relacionadas

Albisteak 28 iraila, 2022 I+G
RECREATE proiektuak konpositeen hondakinak berrerabiltzeko teknologia berritzaileak bultzatzen ditu
Irakurri gehiago
Albisteak 23 iraila, 2022 I+G
Ikerketa baten arabera, esnetarako behien metano-isuriak % 20 murriztu daitezke
Irakurri gehiago
Josu Aztiriaren argazkia Elkarrizketak 12 iraila, 2022 Berrikuntza
“Baldintza ezinhobeak ditugu industria adimendun potente bat izateko. Orain apustu estrategiko bat behar dugu eta azkar gainera”
Irakurri gehiago
Albisteak 8 iraila, 2022 I+G
H-Acero, hidrogenoa erabiliz sektore siderurgikoa deskarbonizatzeko proiektua
Irakurri gehiago
Albisteak 8 iraila, 2022 I+G
SPRIk eta EEEk Clean Energy Transition Partnership europar lankidetzaren aukerak aurkeztu dituzte
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak